BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

پاۆلودارلىق شارۋالار استىعىن شەتەل اسىرا الماي وتىر

فوتو: автор

پاۆلودار، baq.kz ٴتىلشىسى. ەرتىس ٴوڭىرىنىڭ ٴبىر توپ شارۋاسى بيىلعى جىلى شەتەل نارىعىنا شىعۋعا مۇمكىندىك العانمەن، كۇزدە جيناعان مول ونىمدەرىن ساتا الماي وتىر. ديقاندار وزبەكستانعا 21 مىڭ توننا بيداي، ارپا جانە كۇنباعىستى جەتكىزۋ جونىندە كەلىسىمشارتقا وتىرعان. ٴبىراق، ەكسپورتتىق مىندەتتەمەلەرىن ورىنداي الماي دال.

شارۋالاردىڭ تىعىرىققا تىرەلۋىنە دايىن ٴونىمدى ٴتيىستى جەرگە جەتكىزۋگە ارنالعان ۆاگونداردىڭ تاپشىلىعى سەبەپ. سوندىقتان، قازىرگى تاڭدا قالقامان ەلەۆاتورى كەپكەن استىققا تولىپ، 26 مىڭ توننا ونىمنەن ارتىق استىقتى قابىلداي الماي جاتىر. ورىن جوق. استىق قابىلداۋ ورنىنىڭ سىرتىندا ٴداندى-داقىل تيەلگەن ونداعان جۇك كولىگى كەزەك كۇتۋگە ٴماجبۇر. جۇرگىزۋشىلەر بىرنەشە كۇن كولىكتەرىنىڭ ىشىندە قونىپ ٴجۇر.

«وسى جەردە تۇرعانىما ٴتورت كۇن بولدى. استىقتى تەز تاپسىرىپ، ەكىنشى رەيس جاساۋىم كەرەك. ىلعالدى بيدايدى تەزدەتىپ كەپتىرۋ كەرەك. ايتپەسە بۇزىلىپ كەتەدى»، - دەيدى جۇرگىزۋشى سەرىك الپىس ۇلى.

قازىرگى ۋاقىتتا استىق ونىمدەرىن كەپتىرىپ، ساقتاۋعا ارنالعان نىساننىڭ جۇمىسىنا 40-تان استام شارا قوجالىعى بايلانىپ وتىر. ديقانداردىڭ ايتۋىنشا، استىق ساتىلماسا، ولار ميلليونداعان شىعىنعا باتادى. قيىندىققا تاپ بولعانداردىڭ قاتارىندا «زامانداس» شارۋا قوجالىعى بار.

«ٴۇش مىڭ توننا استىقتى كەپتىرىپ، تاپسىرۋ كەرەك. سەبەبىن سۇراساق، ۆاگون جەتىسپەيدى دەيدى. مىنە، بيداي تيەلگەن اۋىر جۇك كولىكتەرى كەزەكتە تۇر. ٴونىم ساتىلىپ كەتپەسە، نەسيەلەرىمىزدى وتەي المايمىز. بىزگە اۋىل شارۋاشىلىعى سالاسىنىڭ ەكسپورتتىق الەۋەتىن ارتتىرۋ قاجەتتىلىگى تۋرالى تاپسىرما بەرىلگەن ەدى. ورىنداۋعا بارمىز عوي. قازاق استىعى ازيا ەلدەرىندە جوعارى سۇرانىسقا يە. كولىك ماسەلەسى شەشىلمەسە، استىعىمىز ٴبۇلىنىپ كەتەدى دەپ قورقامىز»، - دەيدى شارۋا قوجالىعىنىڭ باسشىسى جاندوس سەرىك ۇلى.

ديقانداردىڭ ماسەلەسىنە «ەرتىس-اگرو» اۋىل شارۋاشىلىعى ونىمدەرىن وندىرۋشىلەر كووپەراتيۆى الاڭداۋلى. بىلتىرعى جىلى 40-قا جۋىق فەرمەر باس قوسىپ، قالقامان ەلەۆاتورىنىڭ جۇمىسىن جانداندىرعان.

«استىق كوپ بولسا، ونى قايدا تاپسىرامىز دەپ الاڭدايمىز. از بولسا دا، ۋايىم كوپ. ەلەۆاتوردىڭ وندىرىستىك قۋاتتىلىعى - 26 مىڭ توننا. قازىرگى ۋاقىتتا قويمالارىمىز استىققا تولىپ تۇر. ال ٴداندى-داقىلدارىن كەپتىرگىسى كەلەتىندەردىڭ قاراسى قالىڭ»، - دەيدى قالقامان ەلەۆاتورىنىڭ ٴوندىرىس جونىندەگى ديرەكتورى نازىمبەك توقتۇشاقوۆ.

فوتو: اۆتور

«ەرتىس-اگرو» كووپرەراتيۆىنىڭ ٴتوراعاسى ەرلان توقتۇشاقوۆتىڭ ايتۋىنشا، العاشقى كەلەسىمشارتتىڭ مىندەتتەرىن ۇستىمىزدەگى جىلدىڭ 10 جەلتوقسانىنا دەيىن ورىنداۋ كەرەك. باسقاشا ايتساق، 1 ملرد تەڭگەنىڭ ەكسپورتتىق مىندەتتەمەلەرى ورىندالماۋ قالۋى مۇمكىن. سونىمەن قاتار، شەتەلدىك تۇتىنۋشىلارىمىز ايىپپۇل سانكسيالارىن سالادى.

قازاقستان تەمىر جولى كومپانياسى پاۆلودار وبلىسىنداعى بولىمشەسى ماماندارىنىڭ ايتۋىنشا، وزبەك نارىعى جۇك كولىكتەرىن ۋاقىتىندا قايتارۋعا ۇلگەرمەي جاتىر. قازىرگى ۋاقىتتا كەپتەلىستە تۇرعان جۇك ۆاگوندارىنىڭ سانى جۇزدەپ سانالادى.

فوتو: اۆتور

«استىق تاسيتىن 331 ۆاگونىمىز وزبەكستاندا تۇر. جۇك كولىكتەرىنىڭ ٴ237-ى ون تاۋلىكتەن ارتىق كورشى ەلدە تۇرسا، ٴ28-ى وزبەك جەرىندە تۇرعانىنا 25 كۇننەن استى. سونداي-اق، 1410 جابىق ۆاگونىمىز دا سول مەملەكەتتەرىندە تۇر. باسقاشا تۇسىندىرسەك، وزبەكستاندىق جۇك الۋشىلار ٴبىزدىڭ ۆاگونداردى ۋاقىتىندا بوساتپاي جاتىر. بار ماسەلە وسىدان تۋىنداعان. جالپى، ەكى مەملەكەت اراسىندا استىقتى تەمىرجول ارقىلى تاسۋعا جاۋاپتى كومپانيا بار. ديقاندار سول كاسىپورىنمەن تىكەلەي جۇمىس ىستەۋى كەرەك»، - دەيدى «قتج جۇك تاسىمالى» اق پاۆلودار فيليالىنىڭ ديرەكتورى داۋلەتبەك نىعمەتوۆ.

ايتا كەتەيىك، بيىل استىق داقىلدارىنىڭ جالپى ٴونىمى 800 مىڭ تونناعا جۋىق، ال شىعىمدىلىق گەكتارىنان ورتاشا ەسەپپەن 11،9 سەنتنەردى قۇرايدى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي