BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

پاۆلودارلىق تۇز وندىرۋشىلەردىڭ بولاشاق ساياباعىنا 64 شىرشا وتىرعىزىلدى

فوتو: gardenstar.ru

پاۆلودارداعى تۇز وندىرۋشىلەردىڭ ساياباعىندا كوگالداندىرۋ جۇمىستارى اياقتالۋدا، دەپ حابارلايدى baq.kz اقپارات اگەنتتىگى pavlodarnews.kz سايتىنا سىلتەمە جاساپ.

«پرومگورسەرۆيس» جشس مەردىگەر ۇيىمىنىڭ ديرەكتورى ەۆگەنيي كليۋكيننىڭ ايتۋىنشا، بولاشاقتا قالالىقتار دەمالاتىن ورىندا كوك شىرشا وتىرعىزىلىپ، تاس توسەلۋدە.

«كەشەننىڭ تولىق دايىن بولۋىنا ەندى بەس كۇندەي قالدى. 64 جاس كوك شىرشا وتىرعىزۋدامىز. ونىڭ 56-سى ٴبىر جارىم مەترلىك بولسا، قالعاندارى ٴۇش مەترلىكتەر. وعان قوسا، كوگال ورناتىپ جاتىرمىز. ول كوكتەمدە دايىن بولادى. سۋاراتىن جۇيە دە دايىندالۋدا. ٴبىزدىڭ جاقسى كوگالداندىرۋشىمىز بار. شىرشالارعا سول جاۋاپ بەرەدى»، - دەيدى مەردىگەر.

«پرومگورسەرۆيس» جشس جارىقتاندىرۋ، سۋارۋ جۇيەسىنە ەكى جىلعا كەپىلدىك بەرەدى. شىرشا وتىرعىزۋعا ەڭبەك ارداگەرلەرى، وبلىس جانە قالا اكىمدەرى قاتىستى.

بولات باقاۋوۆ اقساقالدارمەن نىساندى تاپسىرماي تۇرىپ، سوڭعى جۇمىستارىن تالقىلادى. - ٴبىز شامامەن 1903 جىلعى سۋرەتتى تاپتىق. ول سۋرەتتە قاسىندا بىرنەشە تۇيەلەرى بار تۇز تاۋى بەينەلەنگەن. ەسكەرتكىش ٴۇشىن ٴتۇرلى ۇسىنىستار قارالدى. مەن تۇز بەن جۇك تاسىعان تۇيەدەن باسقا تەمىر جولداعى كىشكەنتاي ۆاگون سالۋدى ۇسىندىم. جالپى، كورنەكتى دۇنيە بولادى، - دەيدى وبلىس اكىمى.

ناتيجەسىندە تاڭداۋ ۇستىندە تۇزى بار جاڭاوزەندىك اق ۇلۋتاستى 800 كەلىلىك ٴتورت بلوكتان تۇراتىن ەسكەرتكىشكە ٴتۇستى.

جوبا اۆتورى يگور يساكوۆ تاجىك-اۋعان قاقتىعىسىنىڭ اسكەرلەرىنە ارنالعان ەسكەرتكىشتىڭ جانە استانا جاقتان كىرە بەرىستەگى ستەللانىڭ دا قۇراستىرۋشىسى.

ايتا كەتەيىك، ٴوڭىر باسشىسى «نازاربايەۆ زياتكەرلىك مەكتەبىنىڭ» جانىنداعى اعاش وتىرعىزۋ جۇمىسىنا دا ات سالىستى. بولات باقاۋوۆ ول جەردە ەمەن وتىرعىزدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي