BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

پاۆلودارلىق كوپبالالى انا جارىق ٴۇشىن 1 ملن تەڭگە قارىز ەمەستىگىن سوتتا دالەلدەدى

پاۆلودارلىق كوپبالالى انا ەنەرگەتيكتەرمەن سوتتا كەزدەسىپ، جارىق ٴۇشىن 1 ملن. تەڭگە قارىز ەمەستىگىن دالەلدەدى، دەپ حابارلايدى baq.kz ايماقتاعى ٴتىلشىسى.

پاۆلودار قالالىق سوتىندا وتكەن وتىرىستا 53 جاسار ۇلار ماماننىڭ مونوپوليستكە قارىز ەمەس ەكەنى انىقتالدى.

«ۇلار ماناننىڭ شاعىمى بويىنشا «پاۆلودار ەلەكترجەلىلىك تاراتۋ كومپانياسى» اق-نىڭ تالابى مەن تولتىرىلعان اكتىسى جارامسىز دەپ تانىلدى»، - دەدى پاۆلودار قالالىق سوتىنىڭ سۋدياسى باقىت ساتيەۆا.

ەندى مەكەمە تۇتىنۋشىنىڭ سوتقا شىعىنداعان 101 مىڭ تەڭگەسىن وتەۋى ٴتيىس.

ەسكە سالا كەتسەك، ۇلار مامان مەن ونىڭ تۋىستارى ەلەكتر كوزىنەن وتكەن جىلدىڭ جەلتوقسان ايىندا اجىراتىلعان بولاتىن. ەنەرگەتيكتەر كوپبالالى انا پايدالعان 81 100 كيلوۆاتت-ساعات جارىققا 928 مىڭ تەڭگە تولەۋدى تالاپ ەتكەن. سونىمەن قاتار، زەينەتكەردىڭ ٴۇيىن ەلەكتر ەنەرگياسىنان اجىراتىپ تاستاعان. بۇل ارەكەتكە نارازى بولعان زەينەتكەر ەنەرگەتيكتەردى سوتقا بەردى.

ۇلار ماناننىڭ ايتۋىنشا، ول ەنەرگەتيكتەردىڭ قۇجاتىنا قول قويعانمەن، قانداي كەلىسىمىن بەرگەنىن تۇسىنبەگەن. ماماندار ەسەپتەۋىش قۇرالىن تەكسەرىپ، تەكسەرىس جوننىدەگى اكتىگە قول قويعىزعان. كەيىن تۇرعىن بۇزۋشىلىقتار جونىندەگى اكتىگە قول قويىپ، كەلىسىمىن بەرگەنىنە كوز جەتكىزدى.

ايتا كەتەيىك، ۇلان مانان بۇل ۇيىندە 10 جىل بويى تۇرادى. كوپبالالى انا رەتىندە زەينەتاقى الاتىن ازاماتشا تۇتىنۋشىلىق مىندەتتەرىن دۇرىس ورىندايدى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي