BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

پاۆلودارلىق كەمەلەر الىس جولعا شىعۋىن توقتاتتى

فوتو: pavlodarnews.kz

استانا، baq.kz. پاۆلودار وزەن پورتى بيىلعى كەمەلەرىن الىس جولعا شىعارۋ جۇمىسىن توقتاتتى. بۇل تۋرالى pavlodarnews.kz سايتى حابارلايدى.

2018 جىلدىڭ قورتىندىسى بويىنشا پورت قيىرشىق تاستىڭ 63 749 تونناسىن، تۇزدىڭ 15 232 تونناسىن تاسىمالداعان.

«بيىلعى ماۋسىمدا جوسپارلاعان جۇمىستارىمىزدى ويداعىداي اتقاردىق. ومبىعا قيىرشىق تاس تاسىپ، قايتار جولدا اعاش اكەلدىك. جەتكىزىلگەن اعاش كولەمى 6 مىڭعا جۋىقتايدى. كەلەر جىلى تۇمەن وبلىسىنا 100 مىڭ توننا قيىرشىق تاس جەتكىزۋدى كوزدەپ وتىرمىز. جالپى، بيىل كەمە ارقىلى جۇك تاسىمالداۋ شىعىنى كولىكتەرگە جۇمسالاتىن شىعىنعا قاراعاندا 30 پايىز ٴتيىمدى بولدى»، - دەدى «پاۆلودار وزەن پورتى» اق باس ينجەنەرى الەكسەي گلادكوۆ.

سونىمەن قاتار، «تيۋلكا وزەنىنىڭ تارماعىن العا اۋىلىنا دەيىن رەكونسترۋكسيالاۋ» جوباسى بويىنشا سۋ كولەمى ۇلعايتىلدى. الەكسەي گلادكوۆتىڭ ايتۋىنشا، پاۆلودارلىق پورت تەحنيكالىق جاڭارتۋلارعا بيىل 100 ميلليون تەڭگەگە جۋىق قارجى جۇمساعان.

كران قوزعالتقىشتارى، ارنانى تازارتۋ قۇرىلعىلارى سياقتى قوسالقى بولشەكتەردى جاڭارتتىق. باسقا كەمەلەر الۋ جوسپاردا بار. قىس بويى كەمەلەردى جوندەۋ جۇمىستارىمەن شۇعىلدانامىز. وسى جىلى پورتتىڭ اينالاسىن كوگالداندىردىق. جۇمىس كۇشىنە جاس مامانداردى تارتۋ ٴىسى دە قولعا الىنۋدا»، - دەدى باس ينجەنەر.

قازىرگى ۋاقىتتا پاۆلودار وزەن پورتىندا 5 تەپلوحود، 10 سۇيرەتپە جۇك كەمەسى بار. ايتا كەتەيىك، پاۆلودارلىق پورتتىڭ كەمە قوزعالىسى 2019 جىلدىڭ ٴساۋىر ايىندا باستالادى دەپ جوسپارلانۋدا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي