BAQ.kz - Қазақстан жаңалықтары USD 327.11 BAQ.kz - Қазақстан жаңалықтары EUR 386.74 BAQ.kz - Қазақстан жаңалықтары RUB 5.34
استانا:

پاۆلودارلىق دارىگەرلەر جول اپاتىنان كەيىن ٴسابيدى قالاي قۇتقارۋعا تىرىسقانىن ايتتى

فوتو: pavlodarnews.kz

6 مامىردا تۇنگى ۋاقىتتا پاۆلودار-قىزىلوردا اۆتوجولىندا جانتۇرشىگەرلىك جول اپاتى تىركەلدى، دەپ حابارلايدى baq.kz اقپارات اگەنتتىگى pavon.kz سايتىنا سىلتەمە جاساپ.

103 نومىرىنە قوڭىراۋ ساعات 22:15-تە تۇسكەن. ال ساعات 22:17-دە شىدەرتى كەنتىنەن تراسسالىق مەديسينالىق قۇتقارۋ پۋنكتىنىڭ جەدەل ارەكەت ەتۋ بريگاداسىنىڭ ماشيناسى وقيعا ورنىنا شۇعىل اتتانىپ، وندا 22:27-دە بولعان.

مەديسينا قىزمەتكەرلەرى جول اپاتى ورنىنان ەكى ەرەسەك ادامدى ٴولى كۇيىندە تابادى. ال ولاردىڭ 1،5 جاسار ٴسابيىنىڭ جاعداي وتە اۋىر حالدە ەكەنىن انىقتاعان.

دارىگەرلەر ٴسابيدى ولىمنەن قۇتقارىپ قالۋ ٴۇشىن ونى جانساقتاۋ بولىمىنە جەتكىزۋ قاجەتتىگىن تۇسىنەدى. مۇنداي ٴبولىم تەك ەكىباستۇز قالاسىندا عانا بار.

شىدەرتى كەنتىنىڭ تراسسالىق مەديسينالىق قۇتقارۋ پۋنكتى جەدەل ارەكەت ەتۋ بريگاداسى ٴسابيدى الىپ، بىردەن اتالعان قالاعا جەتكىزۋگە تىرىسادى.

«ولارعا شۇعىل تۇردە ەكىباستۇز قالاسىنان مەديسينالىق جەدەل جاردەم بريگاداسى جىبەرىلدى. سەبەبى، جەدەل ارەكەت ەتۋ بريگاداسى دارىلەرمەن تولىق قامتاماسىز ەتىلمەگەن ٴارى ول دەنساۋلىق ساقتاۋ مينيسترلىگىنىڭ دياگنوستيكا مەن ەمدەۋ پروتوكولىنا ساي كەلمەيدى»، - دەدى وبلىستىق جەدەل جاردەم ستانسياسى باس دارىگەرىنىڭ ورىنباسارى سۆەتلانا كرىلوۆا.

ەكىباستۇز قالاسىنىڭ جەدەل جاردەم بريگاداسى قىزمەتكەرلەرى ٴسابيدى ساعات 23:10-دا بەرگەن كەزدە ونىڭ بيولوگيالىق ولىممەن كوز جۇمعانىن انىقتاعان.

ايتا كەتەيىك، شىدەرتى كەنتىنە قاراستى تراسسالىق مەديسينالىق قۇتقارۋ پۋنكتىنىڭ جەدەل ارەكەت ەتۋ بريگاداسى دەنساۋلىق ساقتاۋ جۇيەسىنە كىرمەيدى. ول قر ٴىىم قاراستى اپاتتار مەديسيناسى ورتالىعىنىڭ قۇرامىندا.

ەستەرىڭىزگە سالا كەتەيىك، وسىعان دەيىن جانتۇرشىگەرلىك جول اپاتى 6 مامىر كۇنى تۇندە «پاۆلودار-قىزىلوردا» اۆتوجولىنىڭ 178-شاقىرىمىندا بولعانى جاريالانعان. وندا toyota avensis كولىگىن تىزگىندەگەن 59 جاستاعى ماس جۇرگىزۋشى، جولدىڭ قاراما-قارسى بەتىنە شىعىپ كەتىپ، daihatsu كولىگىنە سوقتىعىسقان. سول كەزدە كولىكتە 1،5 جاسار سابيىمەن ەرلى زايىپتى وتىرعان. جول اپاتىنان ۇشەۋى دە قايتىس بولدى.

الايدا الەۋمەتتىك جەلىدە باسقا اقپارات تاراعان. ونداعى مالىمەتكە سايكەس، ٴسابي كولىكتەر سوقتىعىسقاننان كەيىن ٴتىرى بولعان. ول ەكىباستۇزعا اپارا جاتقان كەزدە كوز جۇمعان.

سونىمەن قاتار الەۋمەتتىك جەلى دە اتالعان وقيعاعا پاۆلودار وبلىسىنىڭ پوليسيا، مەديسينا قىزمەتكەرلەرى مەن قۇتقارۋشىلاردىڭ نەمقۇرايلى قاراعانى تۋرالى ايتىلعان.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي