BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

پاۆلودارداعى جابدىقتالماعان جاعاجايلار دەمالۋشىلاردىڭ قازاسىنا سەبەپ بولۋدا

فوتو: Автор

پاۆلودار وبلىسىندا شىلىڭگىر شىلدەدە سۋعا اعىلاتىن تۇرعىندار ٴۇشىن ٴقاۋىپسىز شومىلۋ ورىندارى جەتىسپەيدى، دەپ حابارلايدى baq.kz ايماقتاعى ٴتىلشىسى.

ايتا كەتەيىك، ەرتىس وڭىرىندە شومىلۋ ماۋسىمى باستالعالى بەرى 12 ادام سۋعا كەتىپ قازا بولدى.

ولاردىڭ جەتەۋى بالا بولىپ شىقتى. وبلىستىق توتەنشە جاعدايلار دەپارتامەنتى ٴباسپاسوز قىزمەتىنىڭ مالىمەتىنشە، بۇگىندە 32 جاعاجايدىڭ 26-سى عانا اشىلعان. قالعانىندا تەكسەرىس جۇمىستارى جۇرگىزىلمەي، شومىلۋ ماۋسىمىنا دايىن ەمەس بولىپ شىقتى.

وڭىردەگى جەدەل قۇتقارۋ وتريادى باستىعىنىڭ ورىنباسارى سەرىك شەريازدانوۆتىڭ ايتۋىنشا، وبلىستاعى ەڭ ٴىرى سۋ ايدانى ەرتىس وزەنىن بويلاعان اۋىلداردا جابدىقتالعان جاعاجايلار جوق. ساۋكەسىنشە، شومىلۋ ورىندارىندا اباي بولۋ كەرەك.

«پاۆلودار وبلىسىندا 192 وزەن-كول بار. بارلىعىن شومىلۋ ورىندارىمەن قامتۋ مۇمكىن ەمەس. سوندىقتان، ٴبىز رەيدتىك شارالاردى كۇشەيتىپ، ٴتۇسىندىرۋ جۇمىستارىن كەڭىنەن جۇرگىزىپ كەلەمىز. دەسە دە، قۇلاق اساتىندار از. ٴار تۇرعىن ٴوزىنىڭ قاۋىپسىزدىگى ٴۇشىن جاۋاپتى بولۋ كەرەك. كۇنى كەشە ەرتىس اۋدىناندا 55 جاسار ەر ازاماتتىڭ مۇردەسىن تاپتىق. وعان دەيىن باياناۋىل اۋدانىنىڭ جاسىباي كولىندە ەكى جاس جىگىت باتىپ كەتتى. ولار قاراپايىم قاۋىپسىزدىك ەرەجەلەرىن ساقتاماعان، ياعني، قۇتقارۋ جيلەتتەرىن كيمەگەن»، - دەيدى سەرىك شەريازدانوۆ.

ماماندارعا بۇل تۇرعىدا قوعامدىق قۇتقارۋشىلار مەن جەرگىلىكتى پوليسيا ورگاندارىنى ڭقىزمەتكەرلەرى كومەكتەسەدى.

«بيىل قوعامدىق قۇتقارۋشىلار سانىن 99-عا جەتكىزدىك. ولار دايارلىق كۋرستارىنان ٴوتتى. الداعى ۋاقىتتا مامانداردىڭ قاتارىن 145-كە جەتكىزۋ ويدا بار»، - دەيدى ماماندار.

وقىس وقيعالاردىڭ باسىم بولىگى شومىلۋعا رۇقسات ەتىلمەگەن جەردە ورىن الادى.

«سۋداعى قايعىلى وقيعالاردىڭ 90% جابدىقتالماعان جەردە ورىن الادى. ٴقاۋىپسىز شومىلۋ ورىندارى بولعانمەن، تۇرعىندار جابايى جاعاجايلاردا دەمالۋعا اۋەس. ٴبىزدىڭ وڭىردە ولاردىڭ قاتارى 50-دەن استام. تەكسەرىلمەگەن ورىنداردىڭ تۇبىندە شۇڭقىرلار، مەتالل زاتتار، قوقىس جاتۋى مۇمكىن. بۇل جايت ادامداردى الاڭداتپايدى»، - دەيدى وبلىستىق تجد جەدەل قۇتقارۋ وتريادىنىڭ باستىعى ۆلاديمير ۆلاسوۆ.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي