BAQ.kz - Қазақстан жаңалықтары USD 363.28 BAQ.kz - Қазақстан жаңалықтары EUR 414.25 BAQ.kz - Қазақстан жаңалықтары RUB 5.44
استانا:

پاۆلودارداعى 6 مىڭنان استام شىرشانىڭ 70%-ى اۋرۋعا شالدىققان

فوتو: Автор

پاۆلودار قالاسىنداعى 6 مىڭنان استام شىرشانىڭ 70%-ى اۋرۋعا شالدىققان. ەندى وسىمدىكتەردى ساۋىقتىرۋمەن «جاسىل ەل» جاساقتارىنىڭ مۇشەلەرى اينالىسپاق، دەپ حابارلايدى baq.kz ايماقتاعى ٴتىلشىسى.

بۇگىنگى كۇنگە دەيىن پاۆلودار مەملەكەتتىك پەداگوگيكالىق ۋنيۆەرسيتەتىنىڭ بيولوگ-ستۋدەنتتەرى 500-دەن استام اعاشتى وڭدەپ، ارتىق بۇتاقتارىن قييۋ جۇمىستارىن جۇرگىزدى. وسىمدىكتەردىڭ باسىم بولىگى وبلىس ورتالىعىنداعى الەۋمەتتىك ماڭىزى بار مەكەمەلەردىڭ ماڭىندا جايقالعان.

«ٴبىز ەستاي اتىنداعى مادەنيەت سارايى مەن «قازقوناق» پالەونتولوگيالىق ورتالىعىنىڭ ماڭىنداعى ساياباقتاعى اعاشتاردى ساۋىقتىردىق. باس-اياعى – 500 شىرشا. الداعى ۋاقىتتا قالعان قىلقان جاپىراقتىلاردى دياگنوستيكادان وتكىزەمىز. قۋانتارلىعى، بۇل ەكولوگيالىق جوبانى جۇزەگە اسىرۋعا وڭىردەگى بىرنەشە قوعامدىق ۇيىم اتسالىسۋدا. بيولوگ ماماندىعىن مەڭگەرىپ جاتقاندىقتان، بۇل جۇمىستىڭ ماڭىزى زور. وسى ناۋقان بارىسىندا شىرشالاردىڭ پاتولوگيالارى سالاسىنداعى بىلىمدەرىمىزدى مولايتتىق»، - دەيدى جاساق ساربازدارى.

ەكولوگيالىق جوبانى قولعا العانداردىڭ قاتارىنداعى «بەرەگينيا-بيو» ۇكىمەتتىك ەمەس ۇيىمىنىڭ ٴتورايىمى تاتيانا پونومارەۆانىڭ ايتۋىنشا، 6 مىڭنان استام اعاش ٴتۇرلى اۋرۋلارعا شالدىققان. زەرتتەۋلەر ارنايى ادىستەمە بويىنشا جۇرگىزىلگەن.

وبلىستىق «جاسىل ەل» شتابىنىڭ باسشىسى راحات قاپپاسوۆتىڭ مالىمەتىنشە، بيىلعى ەڭبەك سەمەسترىندە 2700 قىز-جىگىت ەكى قولعا ٴبىر كۇرەك تاۋىپ، تۋعان جەرلەرىن كوركەيتۋگە اتسالىسۋدا. ولار 14 باعىت بويىنشا جۇمىس ىستەپ، ٴناپاقا تاۋىپ جاتىر.

«ساربازدار قاۋىمى قارجى تابۋمەن قاتار، ٴتۇرلى سالادا تاجىريبە جيناقتايدى ماسەلەن، پەداگوگيكالىق، ەكولوگيالىق، مەديسينالىق توپتار قۇرىلادى. قۇرىلىس وتريادتارى مەملەكەتتىك «نۇرلى جەر» باعدارلاماسىن جۇزەگە اسىرۋعا جۇمىلدىرىلسا، لاندشافتتى جاساق وكىلدەرى پاۆلودار قالاسىنىڭ ساياجايلارىن اباتتاندىردى. جاسىلەلدىكتەر كيەلى جەرلەردى اباتتاندىرۋ جۇمىستارىنا دا تارتىلادى. ماۋسىمدىق ەڭبەكپەن قامتىلعان ازاماتتار جالاقى جانە جولاقىمەن تولىق قامتىلادى»، - دەيدى راحام قاپپاسوۆ.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي