BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

پاۆلوداردا مارال جىلۋ قۇبىرىنىڭ اراسىندا قىسىلىپ قالدى

فوتو: интернеттен

پاۆلودار قالاسىندا جىلۋ تراسسالارىنىڭ ورتاسىنا قىسىلىپ قالعان مارال قۇتقارىلدى، دەپ حابارلايدى baq.kz ايماقتاعى ٴتىلشىسى.

وبلىستىق تجد ٴباسپاسوز قىزمەتىنىڭ حابارالۋىنشا، جانۋار تۋرالى حابار 112 پۋلتىنە تاڭعى 04.43 ساعاتتا تۇسكەن.

«قامزين كوشەسىنىڭ بويىنداعى قۇبىرلاردىڭ ورتاسىنان جابايى مارال تابىلدى. ەرەسەك اڭ قىسىلىپ قالعان جەرگە تجد جەدەل-قۇتقارۋ وتريادىنىڭ ماماندارى جەتتى. مارال شوشىپ كەتكەندىكتەن، قاشىپ ۇلگەردى. دەگەنمەن، ماماندار ەرتىس وزەنىنىڭ اۋماعىنا بارعانىنا كوز جەتكىزدى. اڭ ٴوزى ٴومىر سۇرەتىن ورتاعا جەتتى»، - دەيدى تجد ٴباسپاسوز قىزمەتىنىڭ وكىلى مارال ساعىنايەۆا.

ۆەتەرينارلىق قىزمەت ماماندارى دا مارال قىسىلعان جەرگە باردى. ولاردىڭ ايتۋىنشا، ورمان شارۋاشىلىعىن قورعاۋ جونىندەگى مەكەمە قىزمەتكەرلەرى مارالدار ٴومىر سۇرەتىن جەردى تاپقان.

«مارالدىڭ ەرتىس وزەنىنىڭ ماڭىندا تىرشىلىك ەتەتىنىن بىلدىك. ناقتىراق ايتقاندا، ٴبىزدىڭ ورمانشىلار پاۆلودار مەن اقسۋ قالاسىن تۇيىستىرەتىن «نۇرلى جول» كوپىرىنىڭ ماڭىندا مارالداردى كورگەن. قازىرگى ۋاقىتتا اڭداردىڭ كۇيلەۋ ۋاقىتى ەكەنى بەلگىلى، ياعني تىنىشسىز كەزەڭ دەۋگە بولادى. سوندىقتان، مارال قالاعا كەلىپ، اداسىپ كەتتى دەۋگە نەگىز بار. مارالدى قۇبىرلاردىڭ ورتاسىنان ارقانعا بايلاپ شىعاردىق»، - دەيدى پاۆلودار قالالىق ورمان جانە جانۋارلار الەمىن قورعاۋ جونىندەگى مەكەمەنىڭ ديرەكتورى داۋلەت قوناقبايەۆ.

ينتەرنەتتەن


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي