BAQ.kz - Қазақстан жаңалықтары USD 356.54 BAQ.kz - Қазақстан жаңалықтары EUR 419.43 BAQ.kz - Қазақстан жаңалықтары RUB 5.42
استانا:

پاۆلوداردا جەردىڭ استىنان ىستىق سۋ اتقىلادى

فوتو: VistaNews.ru

پاۆلودار قالاسىنداعى كوشەلەردىڭ بىرىندە جەردىڭ استىنان ىستىق سۋ اتقىلادى، دەپ حابارلايدى baq.kz ايماقتاعى ٴتىلشىسى.

ىستىق سۋبۇرقاقتىڭ پايدا بولۋىنا روسسييسكايا-سۋۆوروۆا كوشەلەرىنىڭ قيىلىسىنداعى قۇبىردىڭ جارىلۋى سەبەپ بولعان. وقيعا ورنىنان تۇسىرىلگەن بەينەجازبا الەۋمەتتىك جەلىلەرگە تاراپ، قىزۋ تالقىلانىپ جاتىر. وقىس جاعدايدىڭ تۋىنداۋى پاۆلودار قالاسىنداعى جەلىلەردەگى گيدراۆليكالىق سىناقتاردىڭ جۇرگىزىلۋ سالدارى بولىپ شىقتى.

«پاۆلودارەنەرگو» اق قوعاممەن بايلانىس جونىندەگى ماماننىڭ باسشىسى ولەسيا ەمەليانوۆانىڭ ايتۋىنشا، اتقىلاعان سۋدىڭ تەمپەراتۋراسى +40 گرادۋستى قۇرايدى.

«بۇگىنگى تاڭدا پاۆلودار قالاسىنىڭ وڭتۇستىك بولىگىندەگى جىلۋ جەلىلەرىندە گيدراۆليكالىق سىناقتار وتكىزىلىپ جاتىر. قازىرگى ۋاقىتتا اتقىلاعان سۋ توقتاتىلدى. ماماندار ٴتيىستى جۇمىستاردى قولعا الدى. كەيىن جىلۋ تراسساسىن جوندەۋگە كىرىسەدى»، - دەيدى ولەسيا ەمەليانوۆا.

پاۆلودار قالالىق تۇرعىن ۇي-كوممۋنالدىق شارۋاشىلىعى ٴبولىمىنىڭ مالىمەتىنشە، ۇستىمىزدەگى جىلعى مامىردىڭ 14-18 ارالىعىندا 670 تۇرعىن ٴۇي ىستىق سۋدان اجىراتىلعان.

ەسكە سالا كەتسەك، قازىرگى تاڭدا سىناقتارمەن قاتار وبلىس ورتالىعىنداعى اۋلاىشىلىك اۋماقتار اباتتاندىرىلۋدا. مەردىگەر كومپانيانىڭ وكىلى سەرگەي شاگاروۆتىڭ ايتۋىنشا، باس-اياعى 180 اۋلا قالىپقا كەلتىرىلەدى.

پۋبليكاسيا وت تيپيچنىي پاۆلودار (@tipavlo)


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي