BAQ.kz - Қазақстан жаңалықтары USD 360.87 BAQ.kz - Қазақстан жаңалықтары EUR 410.27 BAQ.kz - Қазақстан жаңалықтары RUB 5.4
استانا:

پاۆلوداردا جەردىڭ استىنان التى قاباتتى ۇيمەن بىردەي سۋ اتقىلادى

پاۆلوداردا جەر استىنان كەزەكتى سۋبۇرقاعى پايدا بولدى، دەپ حابارلايدى baq.kz اقپارات اگەنتتىگى pavlodarnews.kz سايتىنا سىلتەمە جاساپ.

كەنەتتەن جەر استىنان سۋ اتقىلاپ جاتقانى تۋرالى ۆيدەو ينستاگرام الەۋمەتتىك جەلىسىندەگى tipavlo پاراقشاسىندا جاريالاندى.

«بۇگىن تاڭەرتەڭ شوكين كوشەسىندەگى ورنالاسقان 31 ٴۇيدىڭ الاڭىندا قۇبىر جارىلدى. قازىرگى تاڭدا قالانىڭ وڭتۇستىك اۋماعىندا گيدراۆليكالىق سىناقتار جۇرگىزىلۋدە. سونىڭ سالدارىنان جىلۋمەن قامتۋ ىشكى كۆارتال جەلىلەرى جارىلىپ كەتكەن. جارىلىس ناتيجەسىندە ٴۇش اۆتوكولىك پەن دۇكەننىڭ عيماراتى زارداپ شەككەن. قۇبىر جارىلعان جەر قورشالىپ، ىستىق سۋمەن قامتامسىز ەتۋ ۋاقىتشا توقتاتىلدى»، - دەيدى قالالىق تۇكش، اج مەن جك سەكتورى مەڭگەرۋشىسىنىڭ مىندەتىن اتقارۋشى ارمان قايرۋللينوۆ.

سول جەردەگى ادامداردىڭ ايتۋىنشا، سۋدىڭ بيىكتىگى التى قاباتتى ۇيمەن بىردەي بولعان. پاۆلودار جىلۋ جەلىلەرى جشس ۋچاسكەنى قورشاپ، ىستىق سۋمەن قامتۋدان اجىراتقان. بۇدان كەيىن جەلىلەردى قالىپقا كەلتىرۋ جۇمىستارى جۇرگىزىلىپ، اسفالت توسەلەدى. زارداپ شەككەن جاندارعا سوتقا جۇگىنۋگە كەڭەس بەرىلدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي