BAQ.kz - Қазақстан жаңалықтары USD 370.11 BAQ.kz - Қазақстан жаңалықтары EUR 419.37 BAQ.kz - Қазақстан жаңалықтары RUB 5.58
استانا:

پاۆلوداردا تۇنگى سوت 400-دەن استام ٴىستى قاراعان

فوتو: yugopolis.ru

استانا، baq.kz. پاۆلودار قالاسىنىڭ مامانداندىرىلعان اكىمشىلىك سوتى «تۇنگى سوت» پيلوتتىق جوباسى اياسىندا 441 ٴىستى قارادى. ونىڭ 129-ى جول-كولىك وقيعاسىنا قاتىستى. بۇل تۋرالى pavlodarnews.kz سايتى حابارلايدى.

قالالىق مامانداندىرىلعان اكىمشىلىك سوتىنىڭ سۋدياسى مالىك مايساقانوۆتىڭ ايتۋىنشا، وبلىس ورتالىعىنداعى مامانداندىرىلعان اكىمشىلىك سوتتىڭ سۋديالارى شىلدە ايىنىڭ سوڭىندا تۇنگى ۋاقىتتا دا جۇمىس ىستەۋگە كوشكەن. ياعني، سوت تورەشىلەرى جول-كولىك وقيعالارىنا قاتىستى ىستەردى جۇمىس ۋاقىتىنان تىس كەزدە قارايدى.

قازىرگى ۋاقىتتا سۋديالار ۇساق قۇقىقبۇزۋشىلىق، كوشى-قون ماسەلەسى، وتباسىلىق-تۇرمىستىق قاتىناستارعا قاتىستى ىستەردى دە تۇندە قارايدى. بۇل ٴۇردىس جوعارعى سوت ٴتوراعاسىنىڭ سينگاپۋر مەملەكەتىنە بارىپ كەلگەن ساپارىنان كەيىن ەنگىزىلگەن. ناتيجەسىندە «تۇنگى سوت» پيولتتىق جوباسى اياسىندا كەشكى ساعات 18.30-دان 22.00-گە دەيىن جۇمىس جۇرگىزىلەدى. مۇنداي جاڭاشىلدىق استانا، الماتى، وسكەمەن جانە اقتوبە قالالارىنىڭ سوتتارىندا ەنگىزىلگەن»، - دەيدى مالىك مايساقانوۆ.

سۋديانىڭ ايتۋىنشا، كەلىپ تۇسكەن ٴىستىڭ جۇمىس ۋاقىتىنان تىس سوت ۇدەرىسىندە قارالۋى ٴۇشىن جۇرگىزۋشى ٴوز كىناسىن تولىق مويىنداپ، كەلتىرىلگەن شىعىندى وتەۋگە، داۋ-داماي تۋعىزباۋعا جانە ٴىستىڭ جۇمىس ۋاقىتىنان تىس كەزدە قارالۋىنا كەلىسۋى كەرەك.

باسىندا تۇنگى سوتتا تەك جول اپاتىنا قاتىستى ىستەر عانا قارالۋى كەرەك ەدى. ٴبىراق حالىققا ىڭعايلى جۇيە بولعاندىقتان، قىزمەت كورسەتۋ اياسى كەڭەيتىلدى. جول-كولىك وقيعاسىن قوسپاعاندا 300-دەن استام ٴىس ۇساق قۇقىقبۇزۋشىلىق، كوشى-قون ماسەلەسى، وتباسىلىق-تۇرمىستىق قاتىناستارعا بايلانىستى بولىپ وتىر ، - دەيدى مالىك مايساقانوۆ.

بۇعان دەيىن جول اپاتىنا قاتىستى ىستەر 90 كۇن قارالسا، تۇنگى سوت ەكى اپتانىڭ ىشىندە شەشىم قابىلدايدى. باستىسى، تاراپتار كەشكى ۋاقىتتا سوتقا كەلۋگە كەلىسىم بەرۋى ٴتيىس.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي