BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

پاۆلودار. بيزنەس 130 مىڭنان استام ادامدى جۇمىسپەن قامتىعان

فوتو: news.rambler.ru

استانا، baq.kz. ەرتىس وڭىرىندە 53 172 شاعىن جانە ورتا بيزنەس سۋبەكتىسى تىركەلگەن. بۇل تۋرالى pavlodarnews.kz سايتى حابارلايدى.

بۇل تۋرالى وبلىستىق اكىمدىكتە وتكەن اپپاراتتىق جيىندا وڭىرلىك كاسىپكەرلىك، ساۋدا جانە تۋريزم باسقارماسىنىڭ باسشىسى داستان رىسپەكوۆ ٴمالىم ەتتى.

«2018 جىلعى 1 قازانداعى جاعداي بويىنشا جۇمىس ىستەيتىن شاعىن جانە ورتا بيزنەس سۋبەكتىلەرىنىڭ سانى 43 316 قۇرادى. اتالعان كورسەتكىش وتكەن جىلدىڭ ۇقساس كەزەڭىمەن سالىستىرعاندا 104،3 پايىزعا ٴوستى. شاعىن جانە ورتا بيزنەس ارقىلى جۇمىسپەن قامتىلعاندار سانى رەسمي دەرەكتەر بويىنشا 2018 جىلعى 1 شىلدەدە 130 461 ادامعا جەتتى. وتكەن جىلى ٴدال وسىنداي كەزەڭدە جۇمىسپەن قامتىلعاندار سانى – 120 686 ادام بولعان»، - دەدى داستان رىسپەكوۆ.

2017 جىلدىڭ قورىتىندىلارى بويىنشا شاعىن جانە ورتا كاسىپكەرلىك سۋبەكتىلەرىنىڭ ونىمدەر شىعارىلىمى 745،5 ملرد تەڭگەگە جەتكەن. 2016 جىلى بۇل كورسەتكىش 524،1 ملرد تەڭگەنى قۇرادى.

«كاسىپكەرلىكتى دامىتۋ جانە قولداۋ ماقساتىندا وبلىسىمىزدا ٴبىرقاتار مەملەكەتتىك باعدارلامالار ىسكە اسىرىلۋدا. اعىمداعى جىلى «بيزنەستىڭ جول كارتاسى 2020» مەملەكەتتىك باعدارلاماسى شەڭبەرىندە 340 كاسىپكەر قولداۋ الدى. ونىڭ ىشىندە پايىزدىق مولشەرلەمەنى سۋبسيديالاۋ بويىنشا – 1807،3 ميلليون تەڭگە (291 شوب سۋبەكتىسى)، كەپىلدىك بەرۋ – 46 ميلليون تەڭگە (31 شوب سۋبەكتىسى)، گرانتتىق قارجىلاندىرۋ - 43 ميلليون تەڭگە (15 شوب سۋبەكتىسى)، ينفراقۇرىلىمدى جەتكىزۋ – 239،7 ميلليون تەڭگە (3 شوب سۋبەكتىسى) ٴبولىندى»، - دەدى باسقارما باسشىسى.

پاۆلودار وبلىسىندا اينالىمى 2 ملن تەڭگەدەن اساتىن شوب سۋبەكتىلەرىنىڭ سانى وتكەن جىلى 661 بىرلىككە ٴوسىپ، 13 285 سۋبەكتىنى قۇراعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي