BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

پاۆلوداردا رەۆيزورلار كولىك شارۋاشىلىعى قىزمەتىندەگى بىلىقتاردى اشكەرەلەدى

فوتو: dovira-uae.com

پاۆلودار وبلىسى اكىمدىگىنىڭ جانىنداعى كولىك شارۋاشىلىعىندا رەۆيزورلىق تەكسەرىس جۇرگىزىلىپ، ماقساتسىز شىعىندالعان ميلليونداعان قارجى انىقتالدى، دەپ حابارلايدى baq.kz ايماقتاعى ٴتىلشىسى.

وسىلايشا، جەرگىلىكتى شەنەۋنىكتەرگە قىزمەتتىك كولىكتەر ۇسىناتىن شارۋاشىلىق 10 ملن تەڭگەگە جۋىق قارجىنى نەگىزسىز جۇمساعانى انىقتالدى. كاسىپورىن باسشىلىعى ٴىرى كولەمدەگى سومانى قايدا جۇمسالعانىن تۇسىندىرە الماپتى. مەملەكەتتىك اۋديت بارىسىندا قاراپايىم قالامداردى ساتىپ الۋعا 100 مىڭ تەڭگە، ال ساعىز ساتىپ الۋعا 20 مىڭ تەڭگە جۇمسالعانى انىقتالدى. وسى تەكتەس دەرەكتەر جەتەدى.

ايتا كەتەيىك، بۇل جەكەمەنشىك شارۋاشىلىقتىڭ قۇرىلتايشىسى وبلىستىق اكىمدىك بولىپ تابىلادى. ياعني، قىزمەت كورسەتۋشى دە، قىزمەت الۋشى دا – ٴبىر تۇلعا.

«تەكسەرىس بارىسىندا 10 ملن 656 مىڭ تەڭگە كولەمىندەگى قارجىلىق بۇزۋشىلىقتار انىقتالدى. ەسەپتىك ساياسات بۇزىلىپ، كاسىپورىن باسشىسىنا موينىندا اۆانستىق تولەمدەر بويىنشا قارىزدارى بولعانىنا قاراماستان، قارجى نەگىزسىز بەرىلگەن. ياعني، كومپانيا ديرەكتورى اۆتوشارۋاشىلىقتىڭ قاجەتتىلىگى ٴۇشىن قارجى الىپ وتىرعان»، - دەيدى وبلىستىق رەۆيزيالىق كوميسسياسىنىڭ ٴبولىم باسشىسى جانار شەيحيسلام.

مامانداردىڭ ايتۋىنشا، كاسىپورىن كولىكوجۋۋ، شينوجوندەۋ جانە تۇراق قىزمەتتەرىنە تاپسىرىس بەرگەن. جۇمىسكەرلەرگە تولەنگەن سىياقىلار دا اۋديتورلاردىڭ نازارىنا ىلىكتى. تەكسەرىس بارىسىندا سوڭعى ٴۇش جىلدىڭ ىشىندە كومپانيا ديرەكتورى 5 ملن تەڭگە كولەمىندە، ال باس بۋحگالتەر 5 ملن تەڭگەگە جۋىق كولەمدە سىياقى العان.

ەسكە سالا كەتسەك، بىلتىرعى جىلى وبلىستىق اكىمدىكتىڭ اۆتوشارۋاشىلىعىنا 180 ملن تەڭگە ٴبولىنىپ، كولىك پاركى جوعارى ساناتتى تەمىر تۇلپارلارمەن تولىقتى. دەسە دە، سىبايلاس جەمقورلىققا كۇدىك بولمادى.

«اكىمدىكتىڭ جانىندا وسى تەكتەس جاۋاپكەرشىلىگى شەكتەۋلى سەرىكتەستىكتەر مەن كوممۋنالدىق مەملەكەتتىك ۇيىمدار بار. اۋديت كاسىپورىنداردىڭ ەكونوميكالىق قىزمەتىن تەكسەرەدى. ال سىبايلاس جەمقورلىققا قارسى مەملەكەتتىك مەكەمەنىڭ رەسمي جاۋابىنا سۇيەنسەك، قىلمىس انىقتالعان جوق»، - دەيدى پاۆلودار وبلىسى اكىمىنىڭ ٴباسپاسوز حاتشىسى ازامات بايتەنوۆ.

ال شىعىنعا باتقان كاسىپورىن ديرەكتورى تامىز ايىنا دەيىن كەلتىرگەن شىعىن كولەمىن وتەۋى كەرەك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي