BAQ.kz - Қазақстан жаңалықтары USD 344.58 BAQ.kz - Қазақстан жаңалықтары EUR 400.51 BAQ.kz - Қазақстан жаңалықтары RUB 5.47
استانا:

پاۆلوداردا وتەتىن «ertis cinema» حالىقارالىق كينوفەستيۆالىنە 5 ەلدىڭ رەجيسسەرلەرى كەلەدى

فوتو: Vosmerka.kz

پاۆلوداردا وتەتىن «ertis cinema» حالاقارالىق فەستيۆالىنە 5 ەلدىڭ رەجيسسەرلەرى قاتىسىپ، 21 مەملەكەت اۆتورلارىنان قابىلدانعان فيلمدەردىڭ كورسەتىلىمدەرى وتەدى، دەپ حابارلايدى baq.kz اگەنتتىگىنىڭ ايماقتاعى ٴتىلشىسى.

بۇگىن ەرتىس وڭىرىنە تاجىكستاننان كەلگەن دەلەگاتتار ات باسىن تىرەدى. ۇيىمداستىرۋ كوميتەتىنىڭ وكىلى ايگۇل كەنجەتايەۆانىڭ حابارلاۋىنشا، شەتەلدىك كينوماتوگرافيستەردى ەرىكتىلەر قارسى الىپ، پاۆلودار قالاسى بويىنشا ەكسكۋرسيا وتكىزگەن.

«قازاقتىڭ اتاقتى ٴانشىسى شاكەن ايمانوۆتىڭ وتانىندا وتەتىن فەستيۆالدە كوپشىلىك نازارىنا ەكى فيلم ۇسىنامىز. ٴبىرىنشىسى – «ٴتاحى»، ەكىنشىسى «سىنوك» دەپ اتالادى. ەكىنشى تۋىندى قالالىق جەردە تۋىپ ٴوسىپ، اۋىلعا كوشىپ كەلگەن بالانىڭ تاعدىرىن سۋرەتتەيدى. ال العاشقى شىعارما بالالاردى ۇرلاۋ ماسەلەسىنە ارنالعان. فيلمدەرگە كاسىبي ارتىستەر قاتىستى. بۇل – ٴبىز ٴۇشىن بەسىنشى حالىقارالىق فەستيۆال»، - دەيدى تاجىكستاندىق دەلەگاسيا مۇشەسى كاميل سانديون.

ايتا كەتەيىك، 26 مينۋتتىق «ٴتاحى» ٴفيلمى «ertis cinema» كينوتەاترىندا 13-شىلدەدە كونكۋرستىق باعدارلاما شەڭبەرىندە كورسەتىلەدى. ەكىنشى لەنتانى 14-شىلدەدە وبلىس ورتالىعىنداعى ق. ابۋسەيىتوۆ اتىنداعى مادەنيەت ورتالىعىندا تاماشالاۋعا بولادى.

«كينوفەستيۆالدىڭ قىسقا تىزىمىنە 68 تۋىندى ەندى. ولاردىڭ جارتىسى كونكۋرستىق، ەكىنشى جارتىسى كونكۋرستان تىس باعدارلاما اياسىندا كورسەتىلەدى. ٴبىرقاتار تۋىندىنىڭ اۆتورى شاراعا قاتىسۋعا نيەت ٴبىلدىردى. ولاردىڭ قاتارىندا قازاقستان، سەربيا، رەسەي، تاجىكستان، وزبەكستان جانە قىرعىزستاننىڭ ازاماتتارى بار»، - دەيدى فەستيۆال ۇيىمداستىرۋشىلارىنىڭ ٴبىرى، كينورەجيسسەر ليۋدميلا لەبەدەۆا.

بۇگىنگى كۇنى شاراعا قاتىسۋعا 20 ەلدىڭ 207 اۆتورى ٴوتىنىش بىلدىرگەن. قازىلار القاسىنىڭ نازارىنا ۇسىنىلعان تۋىندىلار ٴتۇرلى جانرلار مەن تەحنيكالاردا ورىندالعان. كلاسسيكالىق جانردان باستاپ، اندەگراۋد جانرىندا تۇسىرىلگەن تۋىندىلار بارشىلىق. اراسىندا اسكەري، كومەديا، مادەنيەت، الەۋمەتتىك دراما، بۇگىنگى قوعامنىڭ ماسەلەلەرىن اشاتىن جانرلاردا ورىندالعان شىعارمالار جەتەرلىك.

«رۋاني جاڭعىرۋ» باعدارلاماسى شەڭبەرىندە وتەتىن شارانىڭ اشىلۋى 11-شىلدەدە وتەدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي