BAQ.kz - Қазақстан жаңалықтары USD 336.39 BAQ.kz - Қазақстан жаңалықтары EUR 390.28 BAQ.kz - Қазақстан жаңалықтары RUB 5.36
استانا:

پاۆلوداردا ورتتە كوز جۇمعان انا مەن ەكى بالا ىسقا تۇنشىعىپ قالعان

پاۆلوداردا ٴورت كەزىندە كوز جۇمعان ايەل مەن ەكى بالاسى ىستان تۇنشىعىپ، مونشادان شىعا الماي قالعان، دەپ حابارلايدى baq.kz اگەنتتىگىنىڭ ايماقتاعى ٴتىلشىسى.

بۇل بولجامدى جەرگىلىكتى ٴورت ٴسوندىرۋ قىزمەتىنىڭ وكىلدەرى جاسادى.

ايتا كەتەيىك، ٴتىلسىز جاۋ پاۆلودار قالاسىنداعى جەكەمەنشىك سەكتورىنىڭ بىرىندە بولعان. تاپا-تال تۇستە جازعى اس ٴۇيدىڭ عيماراتى وتقا وراندى. ال بۇل عيماراتتىڭ تۇپكى بولىگى مونشا رەتىندە سالىنىپتى. ٴدال بۇل جەردە 29 جاستاعى ايەل ەكى بالاسىن شومىلدىرىپ جاتقان.

ٴورت سوندىرۋشىلەر عيماراتتىڭ ورتەنۋىنە اس ۇيدەگى ەلەكتر تاراتۋ سىمدارىنىڭ تۇيىقتالۋى سەبەپ بولۋى مۇمكىن دەگەن پىكىردە.

«ٴورتتىڭ جالپى الاڭى 20 شارشى مەتردى قۇرايدى. كوز جۇمعانداردىڭ ٴبىرى ايەل، ال ەكەۋى 7 جانە 4 جاستاعى بالالار بولىپ شىقتى. بارلاۋ كەزىندە ولار مونشانىڭ ىشىندە ٴولى كۇيىندە تابىلدى»، - دەيدى پاۆلودار وبلىستىق تجد ٴباسپاسوز قىزمەتىنىڭ مامانى مارال ساعىنايەۆا.

پاۆلودار وبلىستىق تجد ٴورت سالاسىنداعى قاۋىپسىزدىكتى باقىلاۋ جانە پروفيلاكتيكالىق قىزمەت باسقارماسىنىڭ مالىمەتىنشە، 2018 جىلدىڭ 5 ايى ىشىندە 298 ٴورت تىركەلدى. ال بىلتىرعى جىلعى سالىستىرمالى كەزەڭدە 293 ٴورت بولدى. ٴتىلسىز جاۋدان 27 ملن 712 مىڭ تەڭگە كولەمىندە شىعىن كەلدى. سالدارىنان 17 ادام قايتىس بولدى.

ايتا كەتەيىك، مارقۇمدارمەن قوشتاسى ٴراسىمى ەرتەڭ وتەدى. بۇل وتباسىنىڭ قايعىسىنا بەيجاي قاراماعان پاۆلودارلىقتار قولدان كەلگەنشە كومەك قولىن سوزۋدا. قازىرگى ۋاقىتتا ەرىكتىلەر قاۋىمى مەن «جاس وتان» جاستار قاناتىنىڭ بەلسەندىلەرى كومەكتەسۋ شارالارىن قولعا العان.

فوتولار اۆتوردىكى

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي