BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

پاۆلوداردا ويىن-ساۋىق نىسانىنىڭ قۇرىلىسىنا تىيىم سالىندى

فوتو: ашық дереккөзден

پاۆلودار قالاسىنىڭ قاق ورتاسىنداعى ٴۇش كوپقاباتتى ٴۇي تۇرعىندارى ويىن-ساۋىق ورنىنىڭ قۇرىلىسىنا توسقاۋىل قويىپ، جەڭىسكە جەتتى، دەپ حابارلايدى baq.kz ايماقتاعى ٴتىلشىسى.

ەسكە سالا كەتسەك، بۇعان دەيىن 220 وتباسى جەر ۋچاسكەسىنىڭ وكىلدەرى 100-گە جۋىق اعاشتى رۇقساتسىز وتاپ، عيماراتتى سالۋعا دايىندالىپ جاتقانىنان قارسىلىق ٴبىلدىردى. ناتيجەسىندە پاۆلودار قالاسىنىڭ اكىمدىگى مەن قاداعالاۋ ورگاندارىنا شاعىمدانىپ، تەكسەرىس جۇرگىزۋگە تۇرتكى بولدى.

كەيىن جەرگىلىكتى بيلىك پەن قاداعالاۋ ورگاندارىنىڭ ماماندارى تەكسەرىس جۇرگىزدى. ناتيجەسىندە ٴبىرقاتار ولقىلىقتار دا انىقتالدى. كەيىن پاۆلودار قالالىق پروكۋراتۋراسىنىڭ ۇسىنىسىمەن قۇرىلىس جۇمىستارى توقتاتىلدى.

بۇگىندە كورولەنكو 2، 4 جانە 6 مەكەنجايىنداعى ۇيدە 220 وتباسى تۇرادى. جەر اۋماعىندا ونداعان اعاشتى رۇقساتسىز وتاعان كاسىپكەر قارسىلىق بىلدىرگەن زەينەتكەرلەردى «قايىرشىلار» دەپ بالاعاتتاعان.

قۋانىشىمىزدا شەك جوق! قۇرىلىس جۇمىستارى توقتاتىلىپ، ۋاقىتشا قورشاۋلار الىنىپ تاستالدى. ەندى قاڭىراپ قالعان جەرگە اعاش وتىرعىزىپ، كۇتىپ باپتاۋ كەرەك. كاسىپكەر رۇقساتسىز وتاعان اعاشتار ٴۇشىن جاۋاپقا تارتىلۋ كەرەك دەپ ويلايمىن»، - دەيدى قالا تۇرعىنى انجەليكا ۆاسيلەۆا.

قوس تاراپ اراسىنداعى تۇسىنبەۋشىلىك كاسىپكەردىڭ 60-قا جۋىق اعاشتى تامىرىمەن بىرگە ج ۇلىپ تاستاعان ساتتە باستالدى. بۇل جاسىل جەلەكتى زەينەتكەرلەر وزدەرى وتىرعىزعان. كەيىن بيزنەسمەننىڭ بۇل جەر اۋماعىن ارتىعىمەن «جاۋلاپ» العانى بەلگىلى بولدى. بۇل رەتتە تاعى ٴبىر ماسەلە تۋىندايدى، بولاشاق عيماراتتىڭ ينجەنەرلىك جەلىلەرى باسپانالاردىڭ كوممۋنالدىق جۇيەلەرىنە قوسىلماق. سايكەسىنشە جىلۋ جانە سۋ بەرۋ جۇيەلەرىنىڭ ساپاسى ناشارلايدى دەگەن ٴقاۋىپ بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي