BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

پاۆلوداردا قوقىستان تابىلعان بالا العاشقى قۇجاتىن الادى

ۇستىمىزدەگى جىلدىڭ باسىندا قوقىس جاشىگىنەن تابىلعان ۇل بالا العاشقى قۇجاتىن الادى. وكىنىشكە وراي، بالاقايدىڭ بيولوگيالىق اتا-اناسى تابىلعان جوق، دەپ حابارلايدى baq.kz اگەنتتىگىنىڭ ايماقتاعى ٴتىلشىسى.

ايتا كەتەيىك، بۇگىنگى تاڭدا بالا سابيلەر ٴۇيىن پانالاۋدا. 30 گرادۋستىق ايازدا تابىلعان ٴبۇلدىرشىننىڭ دەنساۋلىعى جاقسى. دارىگەرلەردىڭ ايتۋىنشا، بالا اي سايىن سالماق قوسىپ كەلەدى.

«ول نارەستەلەرگە ارنالعان «بوبەك» توبىنىڭ قۇرامىندا. بۇگىنگى سالماعى 4 800 گراممدى قۇراپ وتىر. دەنساۋلىعى جاقسى دەۋگە نەگىز بار: كوڭىل-كۇيى كوتەرىڭكى جانە اياققا تۇرۋعا تالپىنادى»، - دەيدى مەكەمەنىڭ باس دارىگەرى ساندۋعاش سماعۇلوۆا.

ٴبىر قىزىعى، بالا تابىلعان ساتتە ونى اسىراپ الۋعا نيەت بىلدىرگەندەردىڭ قاراسى كوپ بولعان. وكىنىشكە قاراي، بۇگىنگى كۇنى بولاشاق اتا-انالار تابىلماي وتىر.

پاۆلودار قالالىق ٴبىلىم بەرۋ ٴبولىمىنىڭ ماماندارىنىڭ ايتۋىنشا، بالانىڭ اتا-انالارىنا ىزدەۋ جاريالانعاندىقتان، جەكە باسىنا قۇجات راسىمدەۋ قيىنداۋ. دەسە دە، ٴسابي قۇجاتسىز جۇرە المايدى. مامانداردىڭ ايتۋىنشا، جەكە قۇجاتتاعى «اتا-انا» دەگەن ورىنعا سىزىقشا بەلگىسى قويىلادى.

ەسكە سالا كەتەيىك، ٴبىر اپتالىق بالانى ۇستىمىزدەگى جىلدىڭ قاڭتار ايىندا 53 جاستاعى نازيرا وماروۆا تاۋىپ الدى. كەيىن ازاماتشا بالانى اسىراپ العىسى كەلگەن، دەسە دە رايىنان قايتقانى بەلگىلى بولدى. قايىرىمدى جان ۇل بالاعا يانۋار دەپ ات قويىپ تا ۇلگەرگەن ەدى.

«قازىرگى ۋاقىتقا دەيىن قر قىلمىستىق كودەكسىنىڭ 24-بابى 3-بولىگى جانە 99-بابى 1-بولىگى بويىنشا قىلمىستىق ٴىس قوزعالعان. تەرگەۋ امالدارى شەڭبەرىندەگى ىزدەۋ شارالارىنا جەرگىلىكتى ٴىىد-نىڭ بارلىق قۇرىلىمى جۇمىلدىرىلعان»، - دەپ حابارلادى ٴىىد-نىڭ ٴباسپاسوز قىزمەتى.

ٴالى دە بالانىڭ اتا-اناسىن تابۋعا ٴۇمىت بار. بۇگىندە بالاقاي جەتىمدەردىڭ رەسپۋبليكالىق بازاسىنا ەنگىزىلمەگەن. وبلىستىق پەريناتالدىق ورتالىق ماماندارى بالاعا دۇيسەمبەك ەسىمىن بەرىپ، اناسىن الەۋمەتتىك جەلىلەر ارقىلى تابۋعا تالپىندى. الايدا، ەش ناتيجە شىقپادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي