BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

پاۆلوداردا ەلەكتروندى قالدىقتارعا ارنالعان كونتەينەرلەر ورناتىلا باستادى

پاۆلودار، baq.kz ٴتىلشىسى. وبلىس ورتالىعىندا ەلەكتروندى قالدىقتاردى تاستاۋعا ارنالعان كونتەينەرلەر ورناتىلا باستادى.

قر-نىڭ ەكولوگيالىق كودەكسى شەڭبەرىندە ەلىمىزدە ەلەكتروندى جانە ەلەكترلى قۇرالدار، قۇرامىندا سىناپ بار شامدار مەن پريبورلار، قارا جانە ٴتۇستى مەتالل، ليتيي جانە قىشقىلدى باتارەيالاردىڭ پوليگوندارىنا تىيىم سالىنعان.

وبلىستىق جەر قويناۋىن پايدالانۋ، قورشاعان ورتا جانە سۋ رەسۋرستارى باسقارماسىنىڭ باس مامانى اڭسار الەشوۆتىڭ ايتۋىنشا، ەكولوگيالىق ماسەلەلەردى شەشۋ ماقساتىندا ٴتۇرلى قالدىققا ارنالعان كونتەينەرلەر ورناتىلۋدا. ال بىلتىرعى جىلى پاۆلوداردا ەلەكتر قالدىقتارىنا ارنالعان 200 ورىن دايىندالعان بولاتىن.

«تۇرعىندار قولدانعان ەلەكتروندى زاتتاردىڭ قالدىقتارى ٴۇشىن ازىرگە 20 كونتەينەر ورناتىلدى. قوقىس لاقتىرىلاتىن قوراپتاردىڭ ۇزىندىعى 180 سم بولسا، ەنى – 80 سم. وعان تەلەديدار، ميكروتولقىندى پەش، كومپيۋتەرلەر سياقتى زاتتاردى تاستاۋعا بولادى. بۇل قوقىستار جينالىپ، كەيىن سۇرىپتالادى. كەيىن الماتى قالاسىنا قايتا وڭدەلۋگە جونەلتىلەدى»، - دەيدى باس مامان.

ەكولوگيالىق كودەكستى بۇزباۋ ماقساتىندا قۇرامىندا سىنابى بار شامداردى جويۋ جۇمىسى وڭ جولعا قويىلدى. جۋىردا 40 مىڭ دانانى جويۋ ماقساتىندا وبلىستىق بيۋدجەتتەن 2،9 ملن تەڭگە بولىنگەن.

سالالىق ۆەدومستۆو وكىلدەرىنىڭ مالىمەتىنشە، قازىرگى تاڭدا وبلىستىق پوليگوندارىندا 5،2 ملن توننا قوقىس جاتىر. تۇرعىندار كۇنبە-كۇن شامامەن 700 توننا كەرەكسىز زاتتى تاستايدى. قورشاعان ورتانىڭ لاستانۋىنا جول بەرمەس ٴۇشىن قالدىقتاردى قايتا وڭدەۋگە باعىتتالعان زاماناۋي جوبا قولعا الىنباق. بۇل ىسكە شەتەلدىك ينۆەستورلار تارتىلادى دەپ جوسپارلانىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي