BAQ.kz - Қазақстан жаңалықтары USD 327.11 BAQ.kz - Қазақстан жаңалықтары EUR 386.74 BAQ.kz - Қазақстан жаңалықтары RUB 5.34
استانا:

پاۆلوداردا 5،5 ميلليون تەڭگەگە سالىنعان دارەتحانا جۇمىس ىستەمەي تۇر

فوتو: Автор

پاۆلودار قالاسىنىڭ تۇرعىندارى 5،5 ملن. تەڭگەگە سالىنعان دارەتحانا جۇمىسىنىڭ توقتاپ تۇرعانىنا نارازى، دەپ حابارلايدى baq.kz ايماقتاعى ٴتىلشىسى.

ەسكە سالا كەتسەك، وبلىس ورتالىعىنداعى جاعالاۋدا ورنالاسقان دارەتحانا مەملەكەت بيۋدجەتىنە سالىنعان. بىلتىرعى جىلى قولدانىسقا بەرىلگەن نىسان قازىرگى ۋاقىتتا توقتاپ تۇر. قىرۋار قارجى جۇمسالعان دارەتحانادا ىستىق جانە سۋىق سۋ، جىلۋ، ٴتىپتى جارىق تا تارتىلعان. سوندىقتان قىمباتقا تۇسكەن. نىسان كۇنبە-كۇن كەشكى 21.00-گە دەيىن جۇمىس ىستەۋى ٴتيىس. تۇرعىندار، قارۋار قاراجات جۇمسالعان نىسان تۇرالاپ قالسا قۇنىن اقتامايدى دەگەن پىكىردە.

ايتا كەتەيىك، وبلىستىق تۇتىنۋشىلار قۇقىقتارىن قورعاۋشى وكىلدەرىنىڭ ايتۋىنشا، 5،5 ملن. تەڭگەنىڭ دارەتحاناسىن سالۋ ورىنسىز شىعىن. ونىڭ ٴوز قۇنىن اقتاۋى ەكىتالاي.

«وسىنداي «زاماناۋي» دارەتحانا سالعانشا، قايىرىمدىلىقپەن اينالىسقان ٴجون شىعار. قالامىزدا بالالار ۇيلەرى، قارتتار ۇيلەرى بار. سولاردىڭ قاجەتتىلىكتەرىن وتەگەن ٴجون»، - دەيدى پاۆلودار قالاسىنىڭ تۇرعىنى اقىلبەك نۇرسەيىتوۆ.

پاۆلودار قالالىق تۇرعىن ۇي-كوممۋنالدىق شارۋاشىلىعى ٴبولىمى ماماندارىنىڭ ايتۋىنشا، دارەتحانا كابينالارىن جالعا العان كاسىپكەر رايىنان قايتىپ، نىساننىڭ ەسىگىن تارس جاپقان. ونىڭ ٴوزىندىڭ سەبەبى بار: كوكتەمدە قار ەرىگەندە نىسان اۋماعىنداعى جەر تومەن ٴتۇسىپ كەتكەن.

«تومەن ٴتۇسىپ كەتكەن جەرگە توپىراق توسەلىپ، دۇرىستالدى. دارەتحانا قۇلاپ كەتە مە دەپ قورىقتىق، سوندىقتان جۇمىسى توقتاتىلدى. نىسان بىرنەشە كۇن ىشىندە ىسكە قوسىلادى»، - دەيدى ۆەدومستۆونىڭ مامانى ەرجان تۇسىپبەكوۆ.

ايتا كەتەيىك، دارەتحانا قىزمەتى 50 تەڭگە تۇرادى. جۇمسالعان قاراجاتتىڭ قاشان اقتالاتىنى بەلگىسىز.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي