BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

پاۆلوداردا 333 كوشەنىڭ 22 پايىزى عانا قازاق تىلىندە

فوتو: pavlodarnews.kz

وڭىرلىك كوممۋنيكاسيالار قىزمەتىندە وتكەن «تىلدەردى قولدانۋ مەن دامىتۋدىڭ مەملەكەتتىك باعدارلاماسىن پاۆلودار وبلىسىندا جۇزەگە اسىرۋ تۋرالى» ٴباسپاسوز ٴماسليحاتىندا وسى ماسەلە ايتىلدى. بۇل تۋرالى pavlodarnews.kz سايتى حابارلايدى.

وبلىستىق تىلدەردى دامىتۋ باسقارماسىنىڭ باسشىسى ساۋلە وسمانوۆا ايتقانداي، جوعارىدا اتالعان مەملەكەتتىك باعدارلامانىڭ ۇلكەن ٴبىر بولىگى ونوماستيكا ماسەلەسىنە قاتىستى.

«بۇل ماسەلە ەلىمىزدىڭ باسقا وڭىرلەرىنە قاراعاندا ٴبىزدىڭ ايماقتا كۇردەلى. وڭتۇستىك وبلىستاردا، ماڭعىستاۋدا ەلدى مەكەندەر مەن كوشەلەردىڭ 90 پايىزى قازاق تىلىندە. تەك قانا پاۆلودار قالاسىن الساق، 333 كوشەنىڭ 22 پايىزى قازاقشا، قالعان 78 پايىزى – ورىس تىلىندە بولىپ تۇر»، - دەپ اتادى ساۋلە وسمانوۆا.

ساۋلە وسمانوۆانىڭ ايتۋىنشا، بۇل باعىتتاعى جۇمىس جۇرگىزىلىپ جاتىر. بىلتىر وبلىس بويىنشا 189 كوشەنى قايتا اتالدى. بيىل 70 كوشە مەن ەكى اۋداننىڭ اتاۋى قازاقشاعا وزگەرتىلدى.

«لەبياجى اۋدانىن اققۋلى دەپ، كاچير اۋدانىن – تەرەڭكول دەپ وزگەرتتىك. ونىمەن بىرگە، قالامىزدا 99 جىل بويى «لەنين» بولىپ اتالىپ كەلگەن كوشەنى استانا دەپ قايتا اتادىق. ونىڭ ٴوزى ۇلكەن جەتىستىك دەپ ويلايمىن. جۋىردا تاعى ەكى كوشەنىڭ اتىن وزگەرتۋ تۋرالى ماسەلەنى وبلىستىق ٴماسليحات دەپۋتاتتارىنىڭ قاراۋىنا ۇسىنامىز. وسىمەن بيىلعى ونوماستيكالىق جۇمىس اياقتالادى»، - دەيدى ساۋلە وسمانوۆا.

وبلىستىق تىلدەردى دامىتۋ باسقارماسىنىڭ باسشىسى قازاق ٴالىپبيىنىڭ لاتىن گرافيكاسىنا كوشىرىلۋ جايىنا دا كەڭىنەن توقتالدى. ساۋلە وسمانوۆا ايتۋىنشا، بيىلعى جىلدان باسقارما وسى باعىتتاعى جۇمىستى باستاپ كەتتى.

«قر مادەنيەت مينيسترىلىگىنىڭ تاپسىرماسىمەن 9 قاراشاعا دەيىن ناسيحات جۇمىسىن جۇرگىزۋ بويىنشا وبلىستا قۇرامى 15 ادامنان تۇراتىن ٴۇش جۇمىس توبى اۋدانداردى ارالاپ، لاتىن گرافيكاسىنداعى قازاق ٴالىپبيىن ناسيحاتتاپ ٴجۇر. جالپى حالىق قولداپ وتىر. قارسىلىق جوق»، - دەيدى ساۋلە وسمانوۆا.

وعان قوسا، 14 قاراشادا ساعات 11.00-دە ەلىمىزدە ٴبىر ۋاقىتتا لاتىن الىپبيىندەگى جالپىحالىقتىق ديكتانت وتكىزىلەدى. وعان 16 جاستان ۇلكەن ازاماتتاردىڭ بارلىعى قاتىسا الادى. وبلىس بويىنشا ديكتانتقا 80 مىڭ ادام قاتىسادى دەپ كۇتىلۋدە. باقىلاۋ ساباعى قالامىزداعى ٴۇش ۋنيۆەرسيتەت پەن «دوستىق ۇيىندە» وتەتىن بولادى. ديكتانت ٴماتىنى جاقىندا بەلگىلى بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
26 مامىر 2016, 16:36
1 دوللار = 333،13 تەڭگە
كوممەنتاريي