BAQ.kz - Қазақстан жаңалықтары USD 354.12 BAQ.kz - Қазақстан жаңалықтары EUR 416.73 BAQ.kz - Қазақстан жаңалықтары RUB 5.37
استانا:

پاۆلودار وبلىسىندا تاعى ەكى بالا تەرەزەدەن قۇلاپ كەتتى

فوتو: Интернеттен алынды

پاۆلودار وبلىسىندا كىشكەنتاي بالالاردىڭ كوپقاباتتى ۇيلەردىڭ تەرەزەلەرىنەن قۇلاۋ وقيعالارى جيىلەپ كەتتى. سوڭعى كۇندەرى ەكى وقيعا تىركەلدى، دەپ حابارلايدى baq.kz اگەنتتىگىنىڭ ايماقتاعى ٴتىلشىسى.

ابىروي بولعاندا، ەكى ٴسابي امان قالدى. العاشقى وقيعا اقسۋ قالاسىندا بولدى. ەكى جاسار بالا ەكىنشى قاباتتىڭ تەرەزەسىنەن تومەن قۇلاپ، جاراقات الدى. وبلىستىق دەنساۋلىق ساقتاۋ باسقارماسى ٴباسپاسوز قىزمەتىنىڭ حابارلاۋىنشا، وقىس جاعداي تۇنگى ۋاقىتتا بولعان.

«وقيعا ورنىنا جەدەل مەديسينالىق قىزمەت بريگاداسى جەتتى. ٴسابي باس ميىنىڭ جەڭىل جاراقاتىن الىپ، وبلىستىق بالالار اۋرۋحاناسىنىڭ تراۆموتولوگيا بولىمىنە جاتقىزىلدى. بۇگىنگى كۇنى جاعدايى قاناعاتتانارلىق دەڭگەيدە. تولىق تەكسەرۋدەن ٴوتىپ، ەم قابىلداپ جاتىر»، - دەيدى ۆەدومستۆونىڭ ٴباسپاسوز حاتشىسى ەلميرا تەمىرعاليەۆا.

ەكىنشى جاعداي وبلىس ورتالىعىنداعى بەكتۇروۆ كوشەسىنىڭ بويىنداعى كوپقاباتتى ۇيدە بولدى. 3،5 جاسار بالا بەسىنشى قاباتتان قۇلاپ ٴتۇستى. قازىرگى ۋاقىتتا وبلىستىق بالالار اۋرۋحاناسىنىڭ جانساقتاۋ بولىمىندە جاتىر. ٴسابيدىڭ جامباسى سىنعان.

ەسكە سالا كەتسەك، ەكى كۇن بۇرىن ەكىباتسۇز قالاسىندا التى جاسار بالا ەكىنشى قاباتتان تومەن قۇلاپ كەتكەن.

جالپى، ەرتىس وڭىرىندە سوڭعى ٴۇش جىلدا 26 بالا تەرەزەدەن قۇلاپ، توعىزى كوز جۇمعان. ال بىلتىرعى جىلى التى وقىس وقيعا تىركەلىپ، سوڭى بالالاردىڭ ولىمىمەن اياقتالدى.

ايتا كەتەيىك، قايعىلى جاعدايلاردى بولدىرماۋ ماقساتىندا وبلىستا «ٴقاۋىپسىز تەرەزە» اكسياسى باستاۋ الدى. پاۆلودار قالالىق ٴبىلىم بەرۋ ٴبولىمىنىڭ مالىمەتىنشە، وبلىس ورتالىعىندا 67 مەملەكەتتىك بالاباقشا بار. بۇل ۇيىمداردا 17 مىڭعا جۋىق بالعىن تاربيە الۋدا. ولاردىڭ 10 مىڭى ەكىنشى قاباتتان جوعارى ورناتىلعان پاتەرلەردە تۇرادى. تەك 4105 بالا تەرەزەلەردەگى قاۋىپسىزدىك قۇرالدارىمەن قامتىلعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي