BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

پاۆلودار وبلىسىندا ەلەكتر 10% ارزاندادى

فوتو: интернеттен

پاۆلودار، baq.kz ٴتىلشىسى. وبلىستا ەلەكتر ەنەرگياسىن بەرۋ جانە تاراتۋ ٴتاريفى تومەندەدى. ويتكەنى، پروكۋرورلىق تەكسەرىس ناتيجەسىندە قۋات تاراتۋشى كومپانيانىڭ تاريف جاساۋ زاڭدىلىعىندا كوپتەگەن زاڭ بۇزۋشىلىق انىقتالعان.

پاۆلودار قالاسىنىڭ پروكۋرورى ايدوس شورمانوۆتىڭ ايتۋىنشا، تەكسەرىس بارىسىندا ەلەكتر جەلىلەرىن تاراتۋ كومپانياسى جۇمىسشىلارىنا سىياقى جانە جولساپار شىعىندارىن تولەۋ ٴۇشىن ەلەكتر بەرۋ بويىنشا قوسىمشا تابىس تاپقان. بۇل قولدانىستاعى تاريفكە نەگىزسىز قوسۋ فاكتىلەرى ەكەنى بەلگىلى بولدى.

ناقتىراق ايتقاندا، تەكسەرۋ بارىسىندا كاسىپورىن سوڭعى ەكى جىل ىشىندە ەلەكتر تاراتۋ بارىسىندا 2،7 ملرد تەڭگە كولەمىندە قوسىمشا تابىسقا كەنەلگەنى انىقتالدى.

«ەلەكترجەلىلىك ۇيىم زاڭسىز قاراجات ەسەبىنەن جۇمىسشىلارىنا سىياقىلار مەن ٴىس-ساپارلارىن تولەپ وتىرعان. بۇل ارەكەتتەردىڭ بارلىعى زاڭسىز دەپ تابىلعاندىقتان، تاريف جاساۋعا وزگەرىستەر ەنگىزىلدى. جەكە تۇلعالار ٴۇشىن 1 كيلوۆات/ساعاتتىڭ باعاسى 10،21 تەڭگەدەن اسسا، جاڭا تاريف نەگىزىندە 9،8 تەڭگەگە ارزاندايدى. ال زاڭدى تۇلعالار ٴۇشىن 15 تەڭگەدەن 14 تەڭگەگە تومەندەيدى. ناتيجەسىندە وبلىس جۇرتشىلىعى 1 ملرد تەڭگە ۇنەمدەي الاتىن بولدى»، - دەيدى ايدوس شورمانوۆ.

قاراپايىم مىسال كەلتىرسەك، ٴبىر تۇرعىن ايىنا 200 كيلوۆات ەنەرگيا تۇتىنسا، جىلدىق ۇنەم 3 مىڭ تەڭگەدەن اسادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي