BAQ.kz - Қазақстан жаңалықтары USD 341.18 BAQ.kz - Қазақстан жаңалықтары EUR 392.97 BAQ.kz - Қазақстан жаңалықтары RUB 5.34
استانا:

پاۆلودار وبلىسىندا بىرنەشە جاتاقحانا سالىنادى

فوتو: Автор

پاۆلودار وبلىسىندا ەلباسى نۇرسۇلتان نازاربايەۆتىڭ بەس الەۋمەتتىك باستاماسىندا ايتىلعان مىندەتتەردى ورىنداۋ بويىنشا ٴتيىستى جۇمىستار قولعا الىنعان. اتاپ ايتقاندا، «جوعارى ٴبىلىم الۋدىڭ قولجەتىمدىلىگى مەن ساپاسىن ارتتىرىپ، ستۋدەنت جاستاردىڭ جاتاقحاناداعى جاعدايىن جاقسارتۋ» ٴۇشىنشى باستاماسى اياسىندا جۇمىستار قولعا الىنعان، دەپ حابارلايدى baq.kz ايماقتىق ٴتىلشىسى.

ٴقازىرى تاڭدا ەرتىس وڭىرىندە ٴۇش جوعارى وقۋ ورنى بار. ولاردىڭ ەڭ ٴىرىسى – س.تورايعىروۆ اتىنداعى پاۆلودار مەملەكەتتىك ۋنيۆەرسيتەتىنىڭ جانىنداعى ەكى جاتاقحانا. جەتى مىڭنان استام ستۋدەنت ٴبىلىم الاتىن وقۋ ورنى ٴۇشىن بۇل جاتاقحانالارداعى ورىن جەتكىلىكسىز.

«ەلىمىزدەگى دەموگرافيالىق جاعدايدىڭ جاقسارۋى تالاپكەرلەر مەن ستۋدەنتتەر قاتارىنىڭ ارتۋىنا وڭ سەپتىگىن تيگىزەتىنى ٴسوزسىز. سول سەبەپتى جاتاقحانا سالىپ، ورىنداردىڭ قاتارىن ارتتىرۋ جەرگىلىكتى حالىق ٴۇشىن عانا ەمەس، رەسەي جانە قىتايدىڭ شەكارالىق وڭىرلەرىنەن كەلەتىن جاستار ٴۇشىن اسا ماڭىزدى. ۋنيۆرەسيتەت جانىندا 860 ورىنعا شاقتالعان ەكى جاتاحقانا بار. تاعى 900 ستۋدەنت كەزەكتە تۇر. ەلباسى باستاماسىنا وراي تەحنيكالىق ماماندىقتارعا گرانتتار كوپتەپ بولىنەدى. ماسەلەنى شەشۋ ماقساتىندا جاڭا ستۋدەنتتەر ٴۇيىنىڭ جوبالىق-سمەتالىق قۇجاتتاماسى ازىرلەنىپ جاتىر»، - دەيدى ۋنيۆەرسيتەت رەكتورى گاۋحار احمەتوۆا.

مامانداردىڭ ەسەپتەۋىنشە، ەلباسى باستاماسى نەگىزىندە تەحنيكالىق ماماندىقتارعا قوسىمشا گرانتتار بولىنگەن جاعدايدا س.تورايعىروۆ اتىنداعى پاۆلودار مەملەكەتتىك ۋنيۆەرسيتەتىندە تەحنيكالىق ٴبىلىم الاتىن ستۋدەنتتەردىڭ قاتارى 30%-عا ارتادى. ماماندار ولاردىڭ سانى 4،5 مىڭعا جەتەدى دەگەن بولجام بار.

الەۋمەتتىك باستاما ارنايى ورتا ٴبىلىم بەرۋ ۇيىمدارىن دا اينالىپ وتپەدى. وبلىستا تۇلەكتەردى جاتاقحانامەن قامتۋ ماسەلەسى سوڭعى بەس جىلدا تابىستى شەشىلۋدە. ماسەلەن، بىرنەشە جىلدىڭ ىشىندە ٴتورت بىردەي جاڭا ستۋدەنتتەر ٴۇيى بوي كوتەردى. سوعان قاراماستان، تاپشىلىق بار. بۇگىندە ەرتىس وڭىرىندە 50 كوللەدج بولسا، جاتاقحانامەن 22 وقۋ ورنى قامتىلعان. ولاردىڭ كوبى وتكەن عاسىردىڭ ٴ80-شى جىلدارىندا سالىنعان. ماسەلەن، كولىك جانە كوممۋنيكاسيا جانىنداعى نىسان 60-شى جىلدارى اشىلعان. ەسكى، نەبارى 75 ورىنعا شاقتالعان.

«كوللەدجە 200-دەن استام ستۋدەنت بولسا، جاتاقحانامىز – 75 ورىندىق. سول سەبەپتى ستۋدەنتتەردى ىرىكتەيمىز. جاتاقحانا بولمەسىنە ىلىكپەگەندەر پاتەر جالداۋعا ٴماجبۇر. ماسەلە شەشىمىن تاپسا دەيمىز»، - دەيدى پاۆلودار كولىك جانە كوممۋنيكاسيا كوللەدجى ديرەكتورىنىڭ ورىنباسارى بەكبولات سەيىتحانوۆ.

وبلىستىق ٴبىلىم بەرۋ باسقارماسىنىڭ باس مامانى گۇلسىم سۇيىندىكوۆانىڭ مالىمەتىنشە، وڭىردەگى كوللەدجدەردە 17 مىڭنان استام ستۋدەنت وقيدى. باسىم بولىگى – اۋىل جاستارى. بۇل ساناتتاعى ستۋدەنتتەردىڭ ٴۇش مىڭنان استامى جاتاقحانامەن قامتىلعان.

«ماسەلەنى بىرتىندەپ شەشۋ ٴۇشىن اقسۋ قارا مەتاللۋرگيا، پاۆلودار كولىك جانە كوممۋنيكاسيا كوللەدجدەرى جانىنان ٴارقايسىسى 200 ورىن بولاتىن ستۋدەنتتەر ٴۇيى سالىنادى. قازىرگى ۋاقىتتا جەر دە بولىنگەن»، - دەيدى مامان.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي