BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

پاۆلودار وبلىسىندا العاشقى ماسا دەرناسىلدەرى پايدا بولدى

فوتو: Автор

پاۆلودار وڭىرىندە شىبىن-شىركەيلەرگە قارسى دەزينسەكسيالىق شارالارعا دايىندىق جۇمىستارى باستالدى. قازىرگى ۋاقىتتا ەنتومولوگ، بيولوگ، پارازيتولوگ مامانداردان قۇرىلعان توپ ەرتىس وزەنىنىڭ جايىلىمدىق اۋماقتارىندا مونيتورينگ جۇرگىزۋدە، دەپ حابارلايدى baq.kz ايماقتاعى ٴتىلشىسى.

وبلىستىق قوعامدىق دەنساۋلىقتى قورعاۋ دەپارتامەنتىنىڭ باسشىسى يرينا سوروكينانىڭ ايتۋىنشا، بۇگىنگى كۇنى العاشقى ماسا دەرناسىلدەرى پايدا بولدى.

«ەنتومولوگيالىق مونيتورينگ ناتيجەسىندە وبلىس ورتالىعىنا قاراستى «مەتاللۋرگ» باقشا شارۋاشىلىعىنىڭ اۋماعىندا قانسورعىش جاندىكتىڭ دەرناسىلى تابىلدى. باقىلاۋ شارالارى كۇشەيتىلەدى. جالپى، وبلىستىڭ قالا، اۋداندارىندا دەزينسەكسيالىق جۇمىستاردى بيىل جىلدىڭ 22 ساۋىردە باستايمىز دەپ جوسپارلاپ وتىرمىز. ايتا كەتەرلىگى، بۇل ىسكە وڭىردەگى ساياجاي يەلەرى دە اتسالىسسا دەگەن نيەت بار»، - دەيدى يرينا سوروكينا.

وزەن اۋماعىن وڭدەۋ بارىسىندا عىلىمي قولداۋ «ۇلتتىق ساراپتاما ورتالىعى» مەكەمەسى تاراپىنان كورسەتىلەدى. ەنتومولوگ-عالىم ٴانۋار ٴالشيننىڭ ايتۋىنشا، «مەتاللۋرگ» ساياجايىنىڭ اۋماعىنان 1 شارشى مەتردەن 572 دەرناسىل تابىلدى.

«بىلتىرعى جىلمەن سالىستىرساق، بۇل – ورتاشا كورسەتكىش. بۇعان دەيىن ٴبىر شارشى مەتردەن ماسانىڭ 12 مىڭ 700 دەرناسىلى تىركەلگەن بولاتىن»، - دەيدى ٴانۋار الشين.

ايتا كەتەيىك، بيىل وبلىس اۋماعىندا شىبىن-شىركەيگە قارسى دەزينسەكسيالىق شارالاردى جۇرگىزۋگە وبلىستىق بيۋدجەتتەن 602،3 ملن تەڭگە ٴبولىندى. بيىلعى جىلى وڭدەۋ شارالارىمەن ەرتىس وزەنىنىڭ بويىنداعى 800 شاقىرىمدىق جەر قامتىلادى.

«باس-اياعى قالالار مەن توعىز اۋداندا وڭدەۋ شارالارى جۇرگىزىلەدى. وسىعان بايلانىستى قالالار مەن اۋداندار ٴىس شارالار جوسپارىن ازىرلەدى، ونىڭ نەگىزىندە قوعامدىق دەنساۋلىق ساقتاۋ دەپارتامەنتى قانسورعىش جاندىكتەردى ازايتۋ ماقساتىندا كەشەندى باعدارلاما ازىرلەدى. باعدارلاما گيدروتەحنيكالىق شارالار قاتارىنا ەنگىزىلدى. قىزمەت كورسەتەتىن ۇيىمدار مەملەكەتتىك ستاندارتتارعا ساي ەكەنىن ايتا كەتۋ كەرەك»، - دەيدى پاۆلودار وبلىسى ەنەرگەتيكا جانە تۇرعىن ٴۇي كوممۋنالدىق شارۋاشىلىق باسقارماسىنىڭ تۇرعىن ٴۇي شارۋاشىلىعى ٴبولىمىنىڭ باس مامانى ەرلان تۇرگەلدينوۆ.

الدىن الۋ دەزينسەكسيالىق شارالار تۇرعىنداردىڭ قولايلىلىعى ٴۇشىن جاسالادى.

ەسكە سالا كەتەيىك، پاۆلودار وبلىسىندا شىبىن-شىركەيلەردىڭ 3-4 ٴتۇرى تىرشىلىك ەتەدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي