BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

پاۆلودار وبلىسىندا 375 كەلى ساپاسىز ٴونىم ساتىلىمنان الىندى

فوتو: pavlodarnews.kz

مونيتورينگ جۇرگىزۋ اياسىندا 2018 جىلى سەگىز ايدىڭ ىشىندە تۇتىنۋشىلاردىڭ داستارحانىنا 375 كەلى ساپاسىز ٴونىمنىڭ جەتكىزىلۋىنە توسقاۋىل قويىلعان، دەپ حابارلايدى baq.kz اقپارات اگەنتتىگى pavlodarnews.kz سايتىنا سىلتەمە جاساپ.

بۇل تۋرالى وڭىرلىك كوممۋنيكاسيالار قىزمەتىندە وتكەن ٴباسپاسوز كونفەرەنسياسىندا وبلىستىق قوعامدىق دەنساۋلىق ساقتاۋ دەپارتامەنتىنىڭ باسشىسى يرينا سوروكينا ايتتى.

«ساۋداعا قويىلاتىن ونىمدەردىڭ قاۋىپسىزدىگىن ساقتاۋ ماقساتىندا 2016 جىلدان باستاپ بيۋدجەت قارجىسىنا ازىق-تۇلىك ساتىپ الىنادى. ونىڭ ىشىندە بالالار ويىنشىقتارى مەن جەڭىل ونەركاسىپ، پارفيۋمەريالىق جانە كوسمەتيكالىق تاۋارلار بار. ول ٴۇشىن جىل سايىن بەس ميلليون تەڭگە شاماسىندا قارجى بولىنەدى. ورتالىق زەرتحاناسىندا جۇرگىزىلەتىن تەكسەرىستىڭ ناتيجەسى بويىنشا شارا قولدانامىز. ۇيعارىم بەرگەننەن كەيىن ونىڭ ورىندالۋى تەكسەرىلەدى. ورىندالماعان جاعدايدا سوتقا جىبەرىلىپ، 100 اەك كولەمىندە ايىپپۇل سالىنادى»، - دەيدى يرينا سوروكينا.

وڭىردەگى باس مەملەكەتتىك سانيتاريالىق دارىگەردىڭ ايتۋىنشا، 2016-2017 جىلدارى بىرنەشە جاعداي بويىنشا سوتقا ماتەريال جىبەرلىسە، سوڭعى كەزدەرى كاسىپكەرلەر ۇسىنىلعان ۇيعارىم بويىنشا بۇلجىتپاي ارەكەت ەتۋگە تىرىسادى.

ماسەلەن، بيىل التى ايدىڭ ىشىندە 175 كەلى ٴونىمنىڭ ساتىلۋىنا تىيىم قويىلىپ، 829 مىڭ 725 تەڭگەگە ايىپپۇل سالىنعان. ۇستىمىزدەگى جىلى مونيتورينگ اياسىندا الىنعان 2000-نان استام ازىق-تۇلىك سىناماسىنىڭ التى پايىزى تالاپقا ساي كەلمەگەن بولسا، 2017 جىلى بۇل كورسەتكىش 7،3 پايىزدى قۇراعان. كوبىنەسە سايكەسسىزدىك 54،4 پايىز يمپورتتىق جانە 45،5 پايىز وتاندىق تاۋارلاردا انىقتالعان. بىلتىر قىرعىزستاندا وندىرىلگەن، ال بيىلعى جىلى رەسەي وندىرۋشىلەرىنىڭ تاۋارلارى سىنعا ۇشىراعان. ونىڭ ىشىندە ٴسۇت، ەت جانە كونديتەرلىك ونىمدەر بار.

«ٴبىرىنشى كەزەكتە تاۋاردىڭ تاڭبالانۋى مەن ميكروبيولوگيالىق جانە سانيتارلىق-حيميالىق كورسەتكىشىنە نازار اۋدارىلادى. ٴونىمنىڭ 70 پايىزى تاڭبالاۋ بويىنشا تالاپقا ساي بولماي شىقتى. سونداي-اق، كەدەن وداعىنىڭ بەلگىسى كورسەتىلمەگەن جانە مەملەكەتتىك تىلدە اقپارات جوق»، - دەيدى دەپارتامەنت باسشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي