BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

پاۆلودار وبلىسىندا 18 وقۋشى قىز انا اتانعان

فوتو: интернеттен

پاۆلودار وبلىسىندا جىل باسىنان بەرى 18 قىز بالا وڭ جاقتا وتىرىپ، جۇكتى بولىپ قالعان. وسىنداي ستاتيستيكانى سالا ماماندارى جاريالاپ وتىر، دەپ حابارلايدى baq.kz ايماقتاعى ٴتىلشىسى.

تاعى 13 جەتكىنشەك جاساندى تۇسىك جاساپتى. وبلىستىق دەنساۋلىق ساقتاۋ باسقارماسىنىڭ مالىمەتىنشە، ەكى جىل بۇرىن 143 وقۋشى قىز مەكتەپ قابىرعاسىندا جۇكتى بولىپ، انا اتانعان. ال بىلتىر 40 كامەلەتتىك جاسقا تولماعان بالا ەسەپكە الىنعان.

وبلىستىق پەريناتالدىق ورتالىقتىڭ باس دارىگەرى ايمان وسپانوۆانىڭ ايتۋىنشا، جاس كەزدەن انا اتانعانداردىڭ ەڭ كىشىسى 14-تە ،ال ەڭ ۇلكەنى 17 جاستا ەكەن.

«ورتالىقتا تۇرمىس قۇرماي بالا كوتەرگەن 31 قىز تىركەلدى. ولاردىڭ ٴ18-ى بالالى بولسا، قالعانى جۇكتىلىگىن توقتاتقان. جاساندى تۇسىك جاساتۋعا اتا-انالارى كەلىسىم بەرگەن. جاساندى تۇسىك جاساتقان قىزداردىڭ 10-ى پاۆلودار قالاسى، ەكەۋى ەكىباستۇز قالاسى، ال بىرەۋى شارباقتى اۋدانىنىڭ ەمدەۋ مەكەمەلەرىندە تىركەلگەن»، - دەيدى ايمان وسپانوۆا.

مامانداردىڭ پايىمداۋىنشا، بۋىنى قاتپاعان جاسوسپىرىمدەر اراسىندا دەنساۋلىق ساعاتتارىن كوپتەپ وتكىزۋ كەرەك. سونىمەن قاتار، پسيحولوگيالىق كومەك كورسەتۋ قاجەت. بۇل باعىتتا وڭىردەگى ٴبىلىم بەرۋ باسقارماسى تاراپىنان ٴتيىستى جۇمىس اتقارىلعان.

«وتكەن وقۋ جىلىندا تاربيە ساباقتارىنا 59 مىڭنان استام وقۋشى مەن 8 مىڭنان استام اتا-انا قاتىسقان. وبلىستاعى مەكتەپتەردە 400-گە جۋىق سىنىپ ساعاتى، دوڭگەلەك ۇستەلدەر سياقتى شارالار ۇيىمداستىرىلدى. ال بيىلعى جىلى ارنايى جوسپار ازىرلەندى. جۇمىس جالعاسا بەرەدى»، - دەيدى ماماندار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي