BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

پاۆلودار وبلىسىندا 12 ملرد تەڭگەنىڭ جەتى سپورت جوباسى جۇزەگە اسىرىلادى

فوتو: Автор

ەرتىس وڭىرىندە سپورت سالاسىندا الداعى ەكى جىلدىڭ ىشىندە جەتى جوبا جۇزەگە اسىرىلماق. نىسانداردىڭ باسىم بولىگى مەملەكەتتىك-جەكەمەنشىك سەرىكتەستىك اياسىندا سالىنادى، دەپ حابارلايدى baq.kz اگەنتتىگىنىڭ ايماقتاعى ٴتىلشىسى.

ەلباسى حالىققا جولداۋىندا كەم دەگەندە 100 دەنە شىنىقتىرۋ-ساۋىقتىرۋ كەشەنىن سالۋدى تاپسىردى. ماقسات-مىندەتتى ورىنداۋ ٴۇشىن وڭىردە ىلكىمدى جوبالار قولعا الىندى. قازىرگى ۋاقىتتا وبلىس ورتالىعىنداعى ۋسولكا شاعىن اۋدانىندا حالىقارالىق ستاندارتتارعا ساي باسسەين قۇرلىسى جۇرگىزىلىپ جاتىر. 50 مەترلىك نىسان جوباسىنىڭ قۇنى 2 ملرد تەڭگەدەن اسادى. سونىمەن قاتار، ينفراقۇرىلىمنىڭ اينالاسىن اباتتىندىرۋ قاراستىرىلعان.

مەردىگەر ۇيىم وكىلى باقىتبەك تۋلاپبەرگەنوۆتىڭ ايتۋىنشا، نىسان قۇرىلىسىندا زاماناۋي تەحنولوگيالار قولدانىلۋدا. ماسەلەن، جاڭعىرىق پەن وزگە دىبىستاردى وقشاۋلاۋ ماقساتىندا ارنايى اكۋستيكالىق ماتەريال قولدانىلادى. سەلليۋلوزا ماقتاسى جارىس بارىسىندا دىبىستى كەدەرگىلەردى بولدىرمايدى. جاڭاشىق تەحنولوگيا نەگىزىندەگى دىبىستىق وقشاۋلاۋ جۇمىستارىمەن ٴبىر توپ شەتەلدىك مامان اينالىسۋدا.

«حالىقارالىق دارەجەدەگى وبەكت بولعاندىقتان، باسسەين سۋى مەملەكەتارالىق ستاندارتقا ساي بولۋى شارت. جۇزۋگە ارنالعان سۋ ەكى دەڭگەيلى تازارتۋدان وتكىزىلەدى. مۇگەدەك سپورتشىلارعا دا جاعداي جاسالادى. مۇمكىندىگى شەكتەۋلى ازاماتتارعا ٴبىر ليفت، ٴبىر كوتەرگىش پەن جۋىنا بولمەلەرى قاراستىرىلعان. قازىرگى ۋاقىتتا قۇرىلىسشىلار كۇشەيتىلگەن رەجيمگە كوشتى»، - دەيدى باقىتبەك تۋلاپەرگەنوۆ.

وليمپيادالىق رەزەرۆ دايىندىعى كەشەنىنىڭ ۇزىندىعى – 50 مەتر،تەرەڭدىگى – 2 مەتر 25 سانتيمەتردى قۇراماق. كورەرمەندەر ٴۇشىن 300 ورىندىق تريبۋنا قاراستىرىلعان.

باسسەيننىڭ ماڭىندا ەسكەكتى ەسۋ سپورتىن دامىتۋعا ارنالعان ارنا دا سالىنادى. بىلتىر وڭىردە 40 جىلدان سوڭ اكادەميالىق مەكتەپ جاڭعىردى. ال كەلەسى جىلى ۇزىندىعى ەكى شارىقىمنان اساتىن ارنا سالىنادى. جوبا قۇنى – 1،5 ملرد تەڭگە. ايتا كەتەيىك، بۇعان دەيىن پاۆلودارلىق ەكولوگتار ارنانىڭ قۇرىلىسىنا قارسىلىق ٴبىلدىرىپ، بىرنەشە قوعامدىق تىڭداۋ وتكىزگەن. ونىڭ وزىندىك سەبەبى بار – ەسەكتى ەسۋ ارناسى سالىنعان كۇنى وزەننىڭ بويىنداعى 5 مىڭنان استام اعاش وتالادى. دەسە دە، جەرگىلىكتى بيلىكتىڭ شەشىمى وسىنداي.

فوتو: اۆتور

ال شاھاردىڭ باسقا بولىگىندە كەزىندە تۇرالاپ قالعان «سپورت-سيتي» جوباسى جۇزەگە اسىرىلادى. قازىرگى ۋاقىتتا مانەرلەپ سىرعاناۋ، شورت-ترەك سپورت تۇرلەرىنە ارنالعان دايىندىق كەشەنىنىڭ ىرگەسى قالانۋدا. كەلەر جىلى جابىق جەڭىل اتلەتيكا مانەجى، جابىق فۋتبول الاڭى مەن وليمپيادالىق دايىندىق رەزەرۆى ورتالىعىنىڭ قۇرىلىسى ابستالادى.

بۇگىندە وبلىس تۇرعىندارىنىڭ 30%-دان استامى بۇقارالىق سپورت تۇرلەرىمەن اينالىسادى. ياعني، 228 مىڭ ادام سالاۋاتتى ٴومىر سالتىنا بەت بۇرعان. كورسەتكىشتى ارتتىرۋ ٴۇشىن اۋىلدىق سپورت سالاسىنا كوڭىل بولىنۋدە. بۇگىندە ٴتورت اۋدان ورتالىعىندا دەنە شىنىقتىرۋ-ساۋىقتىرۋ ورتالىقتارى مەن فۋتبول الاڭدارى سالىنىپ جاتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي