BAQ.kz - Қазақстан жаңалықтары USD 369.35 BAQ.kz - Қазақстан жаңалықтары EUR 421.47 BAQ.kz - Қазақстан жаңалықтары RUB 5.57
استانا:

پاۆلودار وبلىسىنا قار جاۋدى

فوتو: gx.net.ua

تاڭەرتەڭ باياناۋىل جانە لەبياجى اۋداندارىندا قار ارالاس جاڭبىر جاۋدى، دەپ حابارلايدى baq.kz اقپارات اگەنتتىگى pavlodarnews.kz سايتىنا سىلتەمە جاساپ.

پاۆلودارلىقتار الەۋمەتتىك جەلىلەردە قولايسىز اۋا رايىن تالقىلاۋدا. لەبياجى اۋداندىق ىشكى ساياسات ٴبولىمىنىڭ باس مامانى امانجول ەرەننىڭ ايتۋىنشا، اۋدان ورتالىعىندا شامامەن ساعات 11:00-دە قار ەرىپ كەتكەن.

«ٴقازىر قار ەرىپ كەتكەنمەن، اۋا رايى سۋىق بولىپ تۇر. مامىر ايىندا سوڭعى رەت قاشان قار جاۋعانى ەسىمدە جوق»، - دەيدى امانجول ەرەن.

باياناۋىلدا دا قار جاۋعان. «قازگيدرومەت» رمك-نىڭ وبلىستىق فيليالىنىڭ كەزەكشى سينوپتيگى بۇل ايماقتا مامىر ايىنىڭ اياعىنا دەيىن اۋا رايى قولايسىز بولاتىنىن ايتتى.

«پاۆلودار وبلىسىندا تۇنگى اۋا تەمپەراتۋراسى وتە تومەن: نولدەن مينۋس ٴۇش گرادۋسقا دەيىن. 19 مامىردا اۋا تەمپەراتۋراسى بەس گرادۋسقا دەيىن تومەندەپ، قار ارالاس جاڭبىر جاۋۋى مۇمكىن. بۇل – ۋاقىتشا قۇبىلىس. ماۋسىم ايىندا كۇن جىلىنادى»، - دەيدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي