BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

پاۆلودار ماڭىندا 800 گەكتارلىق جاسىل بەلدەۋ قۇرىلادى

فوتو: автор

ەرتىس وڭىرىندە جاريالانعان «ەكولوگيا جىلى» اياسىندا پاۆلودار قالاسىنىڭ ماڭىندا 800 گەكتارلىق جاسىل بەلدەۋ قۇرىلادى، دەپ حابارلايدى baq.kz ايماقتاعى ٴتىلشىسى.

جاسىل القاپ پاۆلودار قالاسىنا قاراستى كەنجەكول، جەتەكشى اۋىلدارىنىڭ اۋماعىن قامتيدى. وبلىستىق جەر قويناۋىن پايدالانۋ، قورشاعان ورتا جانە سۋ رەسۋرستارى باسقارماسى ماماندارىنىڭ حابارلاۋىنشا، بۇل اۋىلداردىڭ تەرريتورياسىندا جاسىل ماسسيۆ بولعانمەن، اعاشتار قورىن ساۋىقتىرۋ كەرەك. سونىمەن قاتار، جاڭارتۋ جانە جاڭا كوشەتتەردى وتىرعىزۋ قاجەتتىلىگى تۋىندايدى.

باسقارمانىڭ ٴبولىم باسشىسى تالعات جۇماباي ۇلىنىڭ مالىمەتنشە، جاسىل بەلدەۋ قۇرماس بۇرىن ورمانتۇقىمباعىن قۇرۋ قاجەت. بۇل جوباعا مەملەكەت بيۋدجەتىنەن 236 ملن. تەڭگە ٴبولۋ كوزدەلگەن.

«بۇگىنگى كۇنگە دەيىن وبلىس وراتىلىعىنىڭ اۋماعىندا 9،5 گەكتارلىق جەرگە اعاشتار سالىندى. 45 مىڭ كوشەت وتىرعىزىلىپ، كۇتىلۋدە. قالعان اۋماقتى جابۋ ٴۇشىن ورمانتۇقىمباعى قۇرىلادى. ٴبىزدىڭ ەسەپتەۋىمىزشە، بۇل جۇمىسقا ٴبىر جىلدىق مەرزىم كەرەك. كەيىن ەكپە ماتەريالدارى دايىن بولعان سوڭ جاسىل بەلدەۋ قۇرامىز»، - دەيدى تالعات جۇماباي ۇلى.

ايتا كەتەيىك، قازىرگى تاڭدا ەرتىس وڭىرىندە ورمان قورىنىڭ جالپى اۋماعى 127 مىڭ گەكتاردى قۇرايدى. ٴۇش مەملەكەتتىك ورمان شارۋاشىلىعىنا قاراستى اۋماقتا اعاش وتىرعىزۋ جۇمىستارى ۇزدىكسىز جۇرگىزىلەدى.

«127 مىڭ گەكتاردىڭ 89 مىڭ گەكتارى عانا ورمانمەن جابىلعان. قالعان اۋماققا قىلقانجاپىراقتى جانە تەرەك تۇقىمداس وسىمدىكتەر كەزەڭ-كەزەڭمەن سالىنادى. عىلىمي ادىستەمەلەرگە سۇيەنسەك، ٴبىر گەكتار جەرگە 4444 دانا قىلقانجاپىراقتى اعاش سالىنادى. ال قايىڭ تۇقىمداستارىنىڭ سانى 3333 دانانى قۇراۋى ٴتيىس. جالپى، جاسىل جەلەك سالىنعان سوڭ قورعاپ، باپتاۋ جۇمىستارى جۇرگىزىلەدى. سالا ماماندارى ٴبىر جىلدا ەكى رەت ارامشوپتەن تازارتادى»، - دەيدى ٴبولىم باسشىسى.

ايتا كەتەيىك، وبلىستا شامامەن 10 كۇننەن سوڭ اعاش وتىرعىزۋ ناۋقانى باستالادى. ماۋسىم اياسىندا 22 گەكتار جەرگە جاس كوشەتتەر وتىرعىزالادى دەپ جوسپارلانۋدا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي