BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

پاۆلودار قالاسىندا 183 جەكەمەنشىك ٴۇيدى ٴۇش جىل بويى سۋ باسۋدا

فوتو: Автор

وبلىس ورتالىعىنداعى ەكىنشى پاۆلودار شاعىن اۋدانىنداعى 200-گە جۋىق جەكەمەنشىك ٴۇيدى سۋ باستى. تۇرعىنداردىڭ ايتۋىنشا، وسىنداي جاعداي ٴۇش جىل قاتارىنان قايتالانىپ كەلەدى. دەسە دە، جەرگىلىكتى بيلىك بۇل ماسەلەگە الاڭدامايتىن سىڭايلى، دەپ حابارلايدى baq.kz ايماقتاعى ٴتىلشىسى.

جاڭبىر جاۋسا بولعانى، ۇيلەرىن سۋ باسقان ازاماتتاردىڭ قاتارىندا زەينەت جاسىنا جەتكەن ديناش سارباسوۆا بار. ونىڭ ايتۋىنشا، بۇگىنگى تاڭدا ٴۇش بولمەلى باسپاناسى اپاتتى جاعدايدا، قابىرعالارى قۇلاۋعا شاق قالعان. ول ازداي، مونشا، گاراج سىندى شارۋاشىلىق نىسانداردىڭ بارلىعى بۇزىلىپ كەتكەن.

«ەكىنشى پاۆلودار شاعىن اۋدانىندا 20 جىل بويى تۇرىپ كەلەمىز. سوڭعى ٴۇش جىل قاتارىنان كوكتەم كەلسە بولعانى، ٴۇيىمىزدى سۋ باسادى. كوتەرىلگەن سۋدىڭ دەڭگەيى 20 سانتيمەترگە جەتتى. بىلتىر ۇيىمىزگە جوندەۋ جۇرگىزگەن ەدىك، الايدا، جۇمسالعان قاراجات دالاعا كەتتى. كوكتىڭ ٴيىسى شىعاتىن ٴۇيدى تۇرا الماعاندىقتان، 50 مىڭ تەڭگەگە پاتەر جالداپ تۇرۋعا تۋرا كەلدى»، - دەيدى ديناش سارباسوۆا.

تۇرعىنداردىڭ ايتۋىنشا، ەكى جىل بۇرىن وسى اۋماقتاعى ەكى بىردەي درەناج جۇيەسى جۇمىس ىستەپ تۇرعان. الايدا، ولاردىڭ ورنىنا ەكى كوتتەدج سالىنىپ، جەراستى سۋلارىنىڭ تەپە-تەڭدىگىن ساقتاپ تۇرعىن قۇرىلعىلار ىستەن شىققان. ياعني، جەراستى سۋلارىنىڭ تابيعي قوزعالىسىنا كەدەرگىلەر جاسالعان. سالدارىنان جەراستى سۋلارى كوتەرىلە بەرگەن.

باسار تاۋى، بارار جەرلەرى قالماعان تۇرعىندار ەل ۇكىمەتىنە حات جازۋعا ٴماجبۇر بولعان. بۇگىنگى كۇنگە دەيىن سەگىز بىردەي كوشەنىڭ 183 تۇرعىنى قۇجاتقا قول قويعان.

«مەن التايسكايا كوشەسىندە تۇرامىن. 70 شارشى مەترلىك باسپانامدى ەكىنشى دەڭگەيلى بانك ارقىلى يپوتەكالىق نەسيەگە العان ەدىم. بۇگىنگى جاعدايى – وسى. قابىرعالارىم سوگىلىپ، جەرتولەلەردى سۋ باسىپ، ەدەنگە دەيىن كوتەرىلدى. سوندىقتان، ٴبىز تۇرعىنداردان قول جيناپ، ۇندەۋ جاريالادىق. جەرگىلىكتى اكىمدىككە تالاي رەت شاعىمداندىق، ناتيجە بولمادى»، - دەيدى ايناش سۇتبايەۆا.

«ۆەنەسياعا» اينالعان شاعىن اۋدان تۇرعىندارىنىڭ جانايقايىن ەستىگەن شەنەۋنىكتەردىڭ ايتار ٴوز ٴۋاجى بار.

«التايسكايا، زاپاروجسكايا، ياكۋتسكايا كوشەلەرىنىڭ جەراستى سۋلارى كوتەرىلدى. سايكەسىنشە، ۇيلەردى سۋ باستى. بىلتىرعى جىلى 183 مەترلىك كولدەنەڭدى دنەراج قۇرالى سالىندى. پاۆلودار تەحنولوگيالىق كوللەدجىنىڭ اۋماعىندا ناسسوس ستانسياسى سالىندى. قازىرگى ۋاقىتتا سۋ ديميتروۆ كوشەسىنىڭ بويىنداعى كوللەكتورلىق كارىز جۇيەسىنە بوساتىلىپ جاتىر. ەرتەڭنەن باستاپ پاۆلودار گيدروگەولوگيا مەكەمەسى ماماندارىمەن بىرلەسىپ، درەناج ۇڭعىماسىن قازامىز. كەيىن بۇل ۇڭعىمانىڭ قىزمەت اۋقىمى انىقتالادى. سۋ سورىلا باستادى. سونىمەن قاتار، پروبلەمالىق اۋماقتاردا تاعى ۇڭعىمالار قازامىز»، - دەيدى پاۆلودار قالالىق تۇرعىن ۇي-كوممۋنالدىق شارۋاشىلىعى ٴبولىمىنىڭ سەكتور مەڭگەرۋشىسى نيولاي كازانين.

ايتا كەتەيىك، بىلتىرعى جىلى سۋ دەڭگەيى ماۋسىم ايىنا دەيىن نورمادان ارتىق بولعان.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي