BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

وتىرارلىق ونەر كوشى تۇركىستانعا كەلدى

ەلباسى نۇرسۇلتان نازاربايەۆتىڭ جارلىعىمەن تۇركى حالىقتارى ٴۇشىن قاسيەتتى مەكەن تۇركىستان قالاسىنىڭ وبلىس ورتالىعى اتانۋىنا وراي تۇركىستان قالاسىندا وبلىستىڭ اۋدان، قالالارى «تۇركىستانعا سالەم» اتتى مەرەكەلىك-كونسەرتتىك باعدارلاما ۇسىندى، دەپ حابارلايدى baq.kz اقپارات اگەنتتىگى ايماق اكىمدىگىنە سىلتەمە جاساپ.

يماندىلىق پەن تازالىقتىڭ ۇياسى، قازاق وركەنيەتىنىڭ التىن دىڭگەگىنە بالانعان وتىرار اۋدانىنىڭ 150-گە جۋىق ونەرپازدارى تۇركى دۇنيەسىنىڭ التىن بەسىگى – رۋحاني استاناعا ونەر سالەمىمەن كەلدى.

وبلىس ورتالىعىنداعى مەرەكەلىك شارادا وتىرارلىق قولونەر شەبەرلەرى ٴتول ونەرىمىزدەن شەبەرلىك ساباقتارىن كورسەتىپ، كورمەگە قويىلعان 200-دەن اسا تۋىندىلارىن تانىستىردى. ونىڭ ىشىندە سۋرەتشى ٴادىلحان مالىكتىڭ وتىرار جايلى 30 تاريحي تۋىندىسى مەن بەلگىلى گوبەلەنشى باقىت امانگەلديەۆتىڭ 20-عا جۋىق جۇمىستارى، قولونەر شەبەرى جانۇزاق ەرىمبەتوۆتىڭ ساز بالشىقتان جاساعان قۇمىرالارى، اق جاۋلىقتى اجەلەردىڭ قۇراق كورپەشەلەرى مەن جاستىقتارى سىندى ٴتۇرلى ويۋلى بۇيىمدار دا بار.

سونىمەن قاتار، اۋداننىڭ بۋراسان، ٴاپايتوس بالۋاندارى كۇش سىناسىپ، ارقان تارتۋ، لاڭگى تەبۋ، اسىق اتۋ سىندى ۇلتتىق سپورت تۇرلەرىنەن سايىس ۇيىمداستىردى.

تۇركىستان اسپانىن اۋەلەگەن انمەن كومكەرگەن كونسەرتتىك باعدارلامانى قر مادەنيەت قايراتكەرى حاديشا شالابايەۆا «وتىرارداعى توي» انىمەن اشسا، بەلگىلى انشى-سازگەر بەرىك سەكسەنبەك ۇلى ٴوز شىعارماشىلىعىنان «تۇركىستانىم»، «ٴشاۋىلدىر كەشى» سىندى اندەردى ورىندادى.

ٴداستۇرلى انشىلەردىڭ ٴان شەرۋى، حالىق اسپاپتار وركەسترىنىڭ ورىنداۋىنداعى تامىلجىعان كۇيلەر، اۋدان ونەرپازدارىنىڭ اندەرى مەن مىڭ بۇرالعان بيلەرى مەرەكەلىك كەشتى جانداندىرسا، تۇركىستاندىقتارعا كوتەرىڭكى كوڭىل-كۇي سىيلاعان مەرەكەلىك-سازدى باعدارلاما جاستاردىڭ اۋەزدى كەشىمەن جالعاستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي