BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

وتەگەن باتىر كەنتىندە مۇگەدەك جانداردىڭ حالىقارالىق كۇنى اتاپ ٴوتىلدى

الماتى، baq.kz. بۇگىن الماتى ماڭىنداعى وتەگەن باتىر كەنتىندەگى «پروگرەسس» پوليتەحنيكالىق كوللەدجىندە مۇگەدەك جانداردىڭ حالىقارالىق كۇنى اتالىپ ٴوتىلدى.

1992 جىلدىڭ 3 جەلتوقسانىندا بىرىككەن ۇلتتار ۇيىمىنىڭ (بۇۇ) 47-سەسسياسىندا ۇيىمنىڭ باس اسسامبلەياسى حالىقارالىق مۇگەدەكتەر كۇنىن بەكىتكەن ەدى.

الماتى وبلىسىنىڭ ىلە اۋدانىندا 3 000-نان استام مۇگەدەك تۇرادى، ولار ٴىس جۇزىندە جۇمىسپەن قامتىلماعان، ولاردىڭ جالعىز تابىسى مەملەكەتتىك الەۋمەتتىك قامسىزداندىرۋ بولىپ وتىر.

مۇمكىندىگى شەكتەۋلى ادامدارعا كومەك كورسەتۋ جانە ولاردى قوعامعا تابىستى كىرىكتىرۋ ماقساتىندا ىلە اۋدانىنىڭ اۋماعىندا كوپتەگەن جىلدار بويى ەرەكشە قاجەتتىلىكتەرى بار ادامداردى ٴارتۇرلى كاسىپتەرگە وقىتۋعا باعىتتالعان «فيليپ مورريس قازاقستان» كومپانياسى (فمق) مەن «پروگرەسس» پوليتەحنيكالىق كوللەدجىنىڭ بىرلەسكەن جوباسى جۇزەگە اسىرىلۋدا. بىرىنشىدەن، بۇل وسى ساناتتاعى ازاماتتارعا ەڭبەك نارىعىندا باسەكەگە قابىلەتتى بولۋعا، ٴوزىنىڭ ٴال-اۋقاتىن ارتتىرۋعا جانە قارجىلىق تاۋەلسىزدىككە قول جەتكىزۋگە مۇمكىندىك بەرەدى، ەكىنشىدەن، ولاردىڭ قوعاممەن تابىستى ىقپالداسۋىنا سەپتىگىن تيگىزەدى.

جوبا اياسىندا ٴتۇرلى ماماندىقتارعا وقىتۋ باعدارلامالارى ىسكە اسىرىلۋدا. بۇگىنگى كۇنى جوبا بويىنشا ەرەكشە قاجەتتىلىكتەرى بار 30 ادام مىنانداي ماماندىقتار بويىنشا وقىتىلۋدا: تىگىنشى، ناۋبايشى، اسپازشى، ماسساج مامانى، اياق كيىم تىگۋ شەبەرى، سابىن قايناتۋ شەبەرى، كومپيۋتەرلىك ساۋاتتىلىق. كاسىبي وقىتۋعا قوسىمشا ٴبىلىم الۋشىلار اراسىندا اقپارات جانە تاجىريبە الماسۋ ماقساتىندا شاعىن بيزنەستى دامىتۋ مەكتەپتەرى مەن قىزىعۋشىلىقتار بويىنشا كلۋبتار ۇيىمداستىرىلدى. كەز كەلگەن وندىرىلەتىن ٴونىمنىڭ جوعارى ساپاسى، قولجەتىمدى باعا ساناتى شەگىندە جانە الەۋەتتى ساتىپ الۋشىلاردا سۇرانىسقا يە بولۋى ٴۇشىن وقىتۋ كۋرسىنىڭ اجىراماس بولىگى رەتىندە ويلاستىرىلعان ماركەتينگتىك كومپونەنتتەردى ەنگىزۋ ومىرلىك ماڭىزدى فاكتور بولىپ تابىلادى.

«ەرەكشە قاجەتتىلىكتەرى بار جانداردى وقىتۋداعى ٴوز جەكە تاجىريبەمنەن وقىتۋ پروسەسىندە ولاردا قوعامعا قاجەتتىلىك، الەۋمەتتىك ىسكە اسىرۋىڭ ماڭىزدىلىعى مەن پەرسپەكتيۆالارىن ٴتۇسىنۋ قالىپتاساتىنىن سەنىممەن ايتا الامىن. بۇل جوبا مۇگەدەكتەرگە قوعامنىڭ تولىققاندى مۇشەسى بولۋعا، ٴوز جولىن تابۋعا جانە پايدالى ٴارى قارجىلاي تاۋەلسىز بولۋعا مۇمكىندىك سىيلايدى»،-دەيدى «پروگرەسس» پوليتەحنيكالىق كوللەدجىنىڭ ديرەكتورى جاننا تەلپەكبايەۆا.

جوبانى جۇزەگە اسىرۋدىڭ 8 جىلى ىشىندە «فيليپ مورريس قازاقستان» كومپانياسى 40 ميلليون تەڭگەگە جۋىق قارجى ٴبولدى، بۇل قاراجات مۇمكىندىگى شەكتەۋلى ادامداردى ٴتۇرلى ماماندىقتارعا وقىتۋعا، مۇعالىمدەردىڭ جالاقىسىنا، كۋرستى وقىتۋعا ارنالعان ماتەريالداردى الۋعا باعىتتالعان. سونداي-اق جوبانى ىسكە اسىرۋدىڭ 8 جىلى ىشىندە 240 ادام وقىتىلعان، ولاردىڭ بارلىعى ٴساتتى جۇمىسقا ورنالاستى نەمەسە ٴوز كاسىبىن اشتى، سونداي-اق قوعامعا ينتەگراسيالاندى.

بۇگىنگى تاڭدا اتالعان باعدارلامانىڭ 60 تۇلەگى «مەگا» جانە «سپۋتنيك» ساۋدا-ويىن-ساۋىق ورتالىقتارىنداعى كيىم جانە اياق كيىم جوندەۋ شەبەرحاناسىنا; الماتى قالاسىنىڭ ەستۋ قابىلەتى بۇزىلعان ادامدارعا ارنالعان وندىرىستىك بىرلەستىگىنە; كيىم جانە ارنايى كيىم تىگۋ كومپانيالارىنا جۇمىسقا ورنالاستىرىلعان. 40 ادام جەكە كاسىپكەر اتانعان جانە ۇيدە تىگىنشى رەتىندە جۇمىس ىستەيدى; 10 ادام «پروگرەسس» پوليتەحنيكالىق كوللەدجىندە تىگىن شەبەرحاناسىندا قىزمەت ەتەدى.

«فيليپ مورريس قازاقستان» جشس سىرتقى بايلانىستار جونىندەگى باسشىسى رينات زايتوۆ قوعامداستىقتاردىڭ دامۋىن قولداۋعا باعىتتالعان ٴبىرقاتار الەۋمەتتىك باعدارلامالاردى جۇزەگە اسىرىپ جاتقانىن ايتىپ ٴوتتى.

«بۇل ەرەكشە قاجەتتىلىكتەرى بار جانداردى قولداۋ، جۇمىسسىز جاستاردى قايتا مامانداندىرۋ جانە كاسىپتىك-تەحنيكالىق وقىتۋ، اۋىلدا اگروبيزنەستى دامىتۋ جانە ت.ب. كورپوراتيۆتىك الەۋمەتتىك جاۋاپكەرشىلىك قاعيداتتارىن ۇستانا وتىرىپ، «فيليپ مورريس» كومپانياسى قازاقستاندا قايىرىمدىلىق قىزمەتىن كەڭىنەن جۇرگىزۋدە. الەۋمەتتىك پروبلەمالاردى شەشۋ جانە كورپوراتيۆتىك الەۋمەتتىك جاۋاپكەرشىلىك شەڭبەرىندە جوبالاردى ىسكە اسىرۋ ٴۇشىن قازاقستانداعى كومپانيا ينۆەستيسيالارىنىڭ جالپى كولەمى 1993 جىلدان باستاپ 8،200،000 اقش دوللارىن قۇرادى»، - دەيدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي