BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

وسكەمەندە « ۇلى ونەرتابىسقا العاشقى قادام» رەسپۋبليكالىق بايقاۋى ٴوتتى

فوتو: altaynews.kz

استانا، baq.kz. ەلىمىزدىڭ تۇكپىر-تۇكپىرىنەن كەلگەن 160 ونەرتاپقىش وسكەمەندە وتكەن « ۇلى ونەرتابىسقا العاشقى قادام» رەسپۋبليكالىق بايقاۋىنا قاتىستى. جامبىل اتىنداعى دارىندى بالالارعا ارنالعان وبلىستىق مامانداندىرىلعان مەكتەپ-گيمنازيا-ينتەرناتىندا وتكەن ينننوۆاسيالىق يدەيالار بايقاۋىندا ايماقتىق كەزەڭ جەڭىمپازدارىنىڭ بىلىم-بىلىكتەرى سىنعا ٴتۇستى. بۇل تۋرالى altaynews.kz سايتى حابارلايدى.

«ٴبىلىم جانە عىلىم مينيسترلىگىنىڭ باستاماسىمەن بۇل سايىس جىل سايىن وتكىزىلىپ كەلەدى. بيىلعى رەسپۋبليكالىق بايقاۋدىڭ وسكەمەندە ۇيىمداستىرىلۋى بەكەر ەمەس. بىلتىر قاراعاندى قالاسىندا وتكەن سايىستا شىعىستىڭ دارىندى جاستارى جەڭىس تۇعىرىنان كورىنگەن بولاتىن. ونىڭ ۇستىنە بۇل وڭىردە بالالاردىڭ عىلىمي-تەحنيكالىق دامۋىنا ەرەكشە كوڭىل بولىنەدى»، - دەدى ٴبىلىم جانە عىلىم مينيسترلىگىنىڭ رەسپۋبليكالىق قوسىمشا ٴبىلىم بەرۋ وقۋ-ادىستەمەلىك ورتالىعىنىڭ ديرەكتورى رايسا شەر.

بايقاۋ بارىسىندا تالانتتى جاستار تەحنيكالىق ونەردىڭ ٴتۇرلى سالاسىنداعى توعىز اتالىم بويىنشا ازىرلەپ كەلگەن جوبالارىن قورعادى. قاتىسۋشىلار ۇسىنعان جوبالار بىرىنەن ٴبىرى وتكەن قىزىقتى، كرەاتيۆتى ٴارى عىلىمي جاڭاشىلدىعىمەن ەرەكشەلەندى. جوبالاردىڭ دەنى اۆتوكولىك، اسكەري جانە عارىش تەحنيكاسى، راكەتا جاساۋ، قۇرىلىس سالالارىنا ارنالىپتى. جىلۋ، ەلەكتر ەنەرگياسى جانە ورگانيكالىق تىڭايتقىشتار الۋ ماقساتىنداعى اۋىلشارۋاشىلىعى قالدىقتارىن قايتا وڭدەۋ زاۆودى، ٴوندىرىس سالاسىنداعى جىلجىمالى روبوتتىق ستانوكتار، ۇلتتىق ناقىشتاعى عيماراتتار، قىمىز ٴوندىرۋ ەكو-كەشەنى دە قازىلار القاسى تاراپىنان جوعارى باعالاندى.

جاس ونەرتاپقىشتاردىڭ ەڭبەگىن د.سەرىكبايەۆ، س.امانجولوۆ سياقتى وڭىردەگى جەتەكشى جوعارى وقۋ ورىندارىنىڭ پروفەسسورلارى مەن كافەدرا مەڭگەرۋشىلەرى ٴادىل باعالاپ، ناتيجەسىندە توعىز ٴتۇرلى نوميناسيا بويىنشا الماتىلىق ايتورە حامزاحان، ٴنۇرالى توقبەرگەنوۆ، رومان لي، پاۆلودارلىق بايازەت يسكاكوۆ، باتىسقازاقستاندىق اقبايان بايماعامبەتوۆا، جامبىلدىق سۇڭقار سۋحىمبەك، نيكيتا پاك، قىزىلوردالىق بەيبارىس راۋشانبەك، قاراعاندىلىق عابيدەن ساعىنتايەۆ جانە اقمولا وبلىسىنان كەلگەن رۋسلان مەرەي ٴبىرىنشى دارەجەلى ديپلومدارمەن جانە باعالى سىيلىقتارمەن ماراپاتتالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي