BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

وسكەمەندە ورازا ايىندا اقىسىز «يمام تاكسي» جوباسى قولعا الىنادى

بۇل تاكسيلەر اۋىزاشاردان سوڭ وقىلاتىن تاراۋيح نامازىنا كەلەتىن ادامداردى اقىسىز تاسىمالدايتىن بولادى، دەپ حابارلايدى baq.kz اقپارات اگەنتتىگى kaz.altaynews.kz سايتىنا سىلتەمە جاساپ.

بۇگىن ون ەكi ايدىڭ سۇلتانى بولعان قاسيەتتى رامازان ايى باستالدى. قۇران كارىمنىڭ العاشقى اياتتارى تۇسكەن وسىناۋ كەشىرىم مەن قۇلشىلىق ايى قارساڭىندا قازاقستان مۇسىلماندارى ٴدىني باسقارماسىنىڭ وسكەمەن ٴوڭىرى بويىنشا وكىل يمامى، وبلىستىق «حاليفا التاي» مەشىتىنىڭ باس يمامى ەرمەك قاجى مۇقاتاي بريفينگ وتكىزدى.

ونىڭ ايتۋىنشا، ورازا كەزىندە ٴبىر ايى بويى «يمام تاكسي» جوباسى قولعا الىنادى. جوبا اياسىندا ٴدىني قىزمەتكەرلەر جاماعاتقا تەگىن قىزمەت كورسەتەدى. بۇل تاكسيلەر اۋىزاشاردان سوڭ وقىلاتىن تاراۋيح نامازىنا كەلەتىن ادامداردى اقىسىز تاسىمالدايتىن بولادى. ويتكەنى تۇنگە قاراي قوعامدىق كولىكتەر توقتاپ قالاتىندىقتان، قالانىڭ ٴار شەتىندە تۇراتىن ادامدارعا مەشىتكە كەلۋ قيىندىق تۋعىزادى. وسى جايتتى ەسكەرگەن يمامدار قاسيەتتى رامازان ايىندا ادامداردىڭ الاڭسىز قۇلشىلىق جاساۋىنا مۇمكىندىك تۋعىزۋ ٴۇشىن اتالمىش جوبانى قايتا جانداندىرماق.

باس يمامنىڭ ايتۋىنشا، ادەتتەگىدەي رامازان ايىنا ٴبىر كۇن قالعاندا ٴوڭىردىڭ بارلىق مەشىتتەرىندە قاس قارايا تاراۋيح نامازى وقىلادى.

«اۋىز بەكىتۋ جانە اشۋ ۋاقىتتارى جەرگىلىكتى جەردەگى ٴدىني وكىلدىكتەر بەكىتكەن كەستەگە سايكەس ورىندالۋى كەرەك. ويتكەنى ەلىمىزدىڭ اۋماعى ۇلان-عايىر بولعاندىقتان، الماتى مەن باتىس قازاقستاننىڭ ورازا كەستەسى ٴبىزدىڭ وبلىسقا كەلمەيدى. جالپى، ورازا – بiر اي بويى iشiپ-جەۋدەن عانا ەمەس، وتiرiك، وسەك ايتۋدان، بiرەۋدi سىرتتاي عايباتتاۋدان، ادامگەرشىلiككە جاتپايتىن ادەت-قىلىقتاردان تىيىلاتىن اي. ورازا – باليعات جاسىنا جەتكەن، اقىل-ەسى ٴتۇزۋ، سىرقات ەمەس ادامدارعا پارىز. ال دەنساۋلىعىندا كىناراتى بار جاندارعا جاراتۋشى يەمىز كەشىرىممەن قارايدى»، - دەپ تۇسىندىرگەن ەرمەك قاجى مۇقاتاي بيىلعى رامازان ايىندا اتقارىلاتىن يگىلىكتى ىستەر تۋرالى دا ايتىپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي