BAQ.kz - Қазақстан жаңалықтары USD 375.9 BAQ.kz - Қазақстан жаңалықтары EUR 423.56 BAQ.kz - Қазақстан жаңалықтары RUB 5.55
استانا:

وسكەمەندە 17 جىلدان كەيىن جاڭا اۋدان پايدا بولادى

فوتو: altaynews.kz

ساتپايەۆ داڭعىلىن سامار تراسساسىنا دەيىن سوزۋ جۇمىسى باستالىپ تا كەتتى، دەپ حابارلايدى baq.kz اقپارات اگەنتتىگى altaynews.kz سايتىنا سىلتەمە جاساپ.

ماماندار كوپ قاباتتى قۇرىلىستىڭ نەگىزگى الاڭى رەتىندە ەرتىستىڭ سول جاعالاۋىن قاراستىرىپ وتىر.

وسىدان ٴۇش اپتا بۇرىن الماتىلىق «گرادو» كومپانياسىنىڭ جوبا جاساۋشىلارى وسكەمەن قالاسىنىڭ 2035 جىلعا ارنالعان باس جوسپارىن ۇسىنعان بولاتىن.

جوسپار بويىنشا قالا اۋداندارىنىڭ كوبى جەكە مەنشىك ٴبىر قاباتتى ۇيلەردىڭ ەسەبىنەن كەڭەيۋى ٴتيىس. مامانداردىڭ پىكىرىنشە، كوپقاباتتى قۇرىلىستاردىڭ ساتپايەۆ داڭعىلى مەن الماتى تراسساسىنىڭ اراسىندا يگەرۋسىز جاتقان جازىققا تۇسكەنى ٴجون.

ەسەنبەرلين مەن قازىبەك بي (بۇرىنعى كارل ماركس) داڭعىلدارى ۇزارتىلىپ، وسى جەردىڭ ورتالىق ماگيسترالى بولادى. بۇعان اۋداننىڭ وڭتۇستىگىنەن «يۋجنايا» كوشەسى كەلىپ قوسىلماق.

بۇل تۇجىرىم 2009 جىلدىڭ باس جوسپارىندا-اق كورسەتىلگەن ەدى. ٴقازىر جوباعا قوسىمشا بولىكتەر ەنگىزىلۋدە. ساتپايەۆ داڭعىلىن سامار تراسساسىنا دەيىن سوزۋ جۇمىسى باستالىپ تا كەتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي