BAQ.kz - Қазақстан жаңалықтары USD 341.18 BAQ.kz - Қазақстан жаңалықтары EUR 392.97 BAQ.kz - Қазақстан жаңалықтары RUB 5.34
استانا:

وڭتۇستىك قازاقستاندا بيىل ەكىنشى ۇشەم ومىرگە كەلدى

فوتو: http://ontustik.gov.kz

شىمكەنتتەگى №1 وبلىستىق پەريناتالدىق ورتالىعىندا ورتاق سالماعى سەگىز كەلى شاماسىندا بولاتىن ۇشەم دۇنيەگە كەلدى. بۇل – وبلىس بويىنشا جىل باسىنان بەرى ومىرگە كەلگەن ەكىنشى ۇشەم، دەپ حابارلايدى baq.kz اقپارات اگەنتتىگى.

وڭتۇستىك قازاقستان وبلىسى اكىمىنىڭ ٴباسپاسوز قىزمەتىنىڭ مالىمەتى بويىنشا، ۇشەمنىڭ اتا-اناسى مۇحتار مەن گۇلجانات - شاردارا اۋدانىنىڭ تۇرعىندارى. ەندى وتباسىندا بالا سانى كوبەيگەندىكتەن، ٴتۇرعىن-ۇي ماسەلەسى تولعاندىرا باستاعان ولار مەملەكەتتىڭ كومەگىنە ٴۇمىت ارتىپ وتىر.

گۇلجانات پەردەبايەۆانىڭ ەندى 5 بالاسى بار. ۇل مەن قىزدىڭ اناسى ۇشەم بولاتىنىن ٴتورت ايلىق كەزىندە بىلگەن. جاس انا ٴۇش ۇل بالانى 5 ناۋرىزدا كەسار تىلىگى ارقىلى بوساندى. دارىگەرلەردىڭ ايتۋىنشا، 35-اپتادا تۋىلعان ٴبىرىنشى ٴسابيدىڭ سالماعى – 2400 گرامم، بويى – 45 سم، ەكىنشى ٴسابيدىڭ سالماعى – 2600 گرامم، بويى – 46 سم، ال ٴۇشىنشى ٴسابيدىڭ سالماعى – 2700 گرامم، بويى – 48 سم.

«ٴبىر اپتادان اسا ۋاقىتتىڭ ىشىندە سالماق قوسىپ، جاعدايلارى جاقساردى»، - دەيدى دارىگەرلەر.

ەلۋبايەۆتار اۋلەتىندە دۇنيەگە كەلگەن ٴۇش اتۇستارعا اتا-اجەلەرى ىرىمداپ ەراسىل، نۇراسىل، جاناسىل دەگەن ات قويعان. ولار وسىدان ٴۇش جىل بۇرىن اتاجۇرتقا وزبەكستاننان كوشىپ كەلگەن.

جالپى ستاتيستيكالىق مالىمەتكە سۇيەنسەك، سوڭعى 10 جىلدىڭ ىشىندە وبلىستا جىل سايىن 7-13 ۇشەم دۇنيە ەسىگىن اشادى. وسى ۋاقىت ىشىندە 81 ۇشەم تۋىلعان. ال ٴبىر جىلدا دۇنيەگە كەلەتىن ەگىزدەردىڭ سانى – 800-گە جۋىق. ون جىلدا تۋىلعان جەرگىلىكتى ەگىزدەر سانى 7 مىڭنان اسادى. تەك سوڭعى مەرەكەلىك بەس كۇننىڭ وزىندە وبلىس اۋماعىندا 700-گە جۋىق ٴسابي دۇنيە كەلگەن.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي