BAQ.kz - Қазақстан жаңалықтары USD 325.75 BAQ.kz - Қазақстан жаңалықтары EUR 382.04 BAQ.kz - Қазақстан жаңалықтары RUB 5.31
استانا:

وڭتۇستىك قازاقستاندا بيىل 20 مىڭعا جۋىق تۇرعىن تازا اۋىز سۋمەن قامتىلادى

فوتو: ОҚО әкімдігі

وڭتۇستىك قازاقستاندا ٴوڭىر حالقىن ساپالى اۋىز سۋمەن جابدىقتاۋ بويىنشا جوسپارلى جۇمىستار تۇراقتى اتقارىلۋدا. وبلىستىڭ دامۋ جوسپارىنا سايكەس، ٴۇش جىلدا 84 ەلدى مەكەندى، ياعني، 209،7 مىڭ ادامدى ورتالىقتاندىرىلعان اۋىز سۋمەن قامتۋ جوسپارلانىپ وتىر، دەپ حابارلايدى baq.kz اقپارات اگەنتتىگى ايماق اكىمدىگىنە سىلتەمە جاساپ.

«اتاپ ايتقاندا بيىلعى جىلى اۋىز سۋ سالاسىنا 9،6 ملرد. تەڭگە ٴبولىنىپ، 76 نىساننىڭ قۇرىلىسى ىسكە اسىرىلۋدا. اتالعان نىسانداردىڭ 20-سى بيىل پايدالانۋعا بەرىلسە، 56 نىساننىڭ قۇرىلىسى كەلەر جىلعا وتەدى. ناتيجەسىندە وسى جىلى ايماقتاعى 13 ەلدى مەكەن، ياعني 19،6 مىڭ تۇرعىن تازا اۋىز سۋمەن قامتىلسا، 2 ەلدى مەكەندەگى توزىعى جەتكەن سۋ قۇبىرلارى قايتا جاڭارتىلادى»، - دەلىنگەن حابارلامادا.

سونىمەن قاتار، 35 ەلدى مەكەندى اۋىز سۋمەن قامتاماسىز ەتۋ ٴۇشىن جوبالىق-سمەتالىق قۇجاتتار ازىرلەنۋدە. ناتيجەسىندە، 2020 جىلعا قاراي قالا تۇرعىندارىنىڭ 97 پايىزى، اۋىلدىق ەلدى مەكەندەردىڭ 83 پايىزى ورتالىقتاندىرىلعان اۋىز سۋمەن قامتىلاتىن بولادى.

ايتا كەتەيىك، بۇگىندە وبلىستاعى قالالاردىڭ 93،4 پايىزى، ال اۋىلدىق ەلدى مەكەندەردىڭ 73،6 پايىزى ورتالىقتاندىرىلعان اۋىز سۋمەن قامتاماسىز ەتىلگەن.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي