BAQ.kz - Қазақстан жаңалықтары USD 364.35 BAQ.kz - Қазақстан жаңалықтары EUR 419.95 BAQ.kz - Қазақстан жаңалықтары RUB 5.56
استانا:

وڭتۇستىك قازاقستاندا الداعى ٴۇش جىلدا 84 ەلدى مەكەن اۋىز سۋمەن قامتىلادى

فوتو: ОҚО әкімдігі

وڭتۇستىك قازاقستان وبلىسىندا الداعى ٴۇش جىلدا 84 ەلدى مەكەن ورتالىقتاندىرىلعان اۋىز سۋمەن قامتىلادى. بۇل تۋرالى وڭتۇستىك قازاقستان وبلىسىنىڭ اكىمى جانسەيىت تۇيمەبايەۆ سەلەكتورلىق جيىندا مالىمدەدى، دەپ حابارلايدى baq.kz اقپارات اگەنتتىگى.

2020 جىلعا دەيىن ورتالىقتاندىرىلعان اۋىز سۋمەن قالا تۇرعىندارى – 97 پايىزعا، اۋىلدىق ەلدى مەكەندەر – 62 پايىزعا قامتىلۋى كەرەك. سوندا «وڭىرلەردى دامىتۋدىڭ 2020 جىلعا دەيىنگى» باعدارلاماسىندا ەلدى مەكەندەردى ورتالىقتاندىرىلعان اۋىز سۋ جانە سۋ بۇرۋ جۇيەلەرىمەن قامتۋدىڭ ناقتى كورسەتكىشتەرىن تولىعىمەن ورىندالادى.

ايماق باسشىسىنىڭ ايتۋىنشا، جالپى وڭىردە ورتالىقتاندىرىلعان اۋىز سۋ جۇيەسىنە قوسىلماعان 200-دەن استام اۋىل بار.

«بۇگىندە وبلىس حالقىنىڭ 12 پايىزى، ياعني شامامەن 200 مىڭعا تارتا تۇرعىنى ورتالىقتاندىرىلعان اۋىز سۋ جۇيەسىنە قوسىلماعان. وسى باعىتتاعى جۇمىستاردى جۇيەلەندىرۋمىز كەرەك. باعدارلاما تالاپتارىنا سايكەس، ەلدى مەكەندەردە قۇرىلىس جۇمىستارىن جۇرگىزۋ ٴۇشىن، ٴبىرىنشى كەزەكتە جەر استى سۋ قورلارىنا گەولوگيالىق ىزدەۋ-بارلاۋ جۇمىستارىن جۇرگىزۋ قاجەت. وسى جۇمىستاردىڭ قورىتىندىسى نەگىزىندە قۇرىلىس جۇمىستارىن جۇرگىزۋ ٴۇشىن جوبالاۋ-سمەتالىق قۇجاتتارىن ازىرلەۋ كەرەك»، - دەدى جانسەيىت تۇيمەبايەۆ.

وبلىستىق ەنەرگەتيكا جانە ٴتۇرعىن-ۇي كوممۋنالدىق شارۋاشىلىق باسقارماسىنىڭ باسشىسى م.مارايىمنىڭ باياچنداماسىنا سايكەس وسى باعىتتا 2016-2018 جىلدارى حالىق سانىنىڭ باسىمدىعىنا قاراي 117 ەلدى مەكەننىڭ جوبالاۋ-سمەتالىق قۇجاتتارى ٴازىر. وبلىستىڭ دامۋ جوسپارىنا سايكەس، الداعى 3 جىلدا 84 ەلدى مەكەندى ورتالىقتاندىرىلعان اۋىز سۋمەن قامتۋ جوسپارلانىپ وتىر.

2018 جىلى اۋىز سۋ سالاسىنا 11،0 ملرد.تەڭگە ٴبولىنىپ، 76 نىساننىڭ قۇرىلىسى ىسكە اسىرىلۋدا. ونىڭ ىشىندە، 20 نىسان اعىمداعى جىلى پايدالانۋعا بەرىلسە، 56 نىساننىڭ قۇرىلىسى 2019 جىلعا وتپەلى. سونىمەن قاتار جىل سوڭىنا دەيىن 13 ەلدى مەكەن اۋىز جۇيەلەرىمەن قامتىلسا، 2 ەلدى مەكەننىڭ توزىعى جەتكەن سۋ قۇبىرلارى قايتا جاڭارتىلىپ، 2 مولتەك اۋداندا جانە 4 سۋاعارلار قۇرىلىسى اياقتالادى.

جيىندى قورىتىندىلاعان وبلىس اكىمى باسقارما باسشىسىنا وزگە ايماقتارمەن سالىستىرعاندا حالقتى اۋىز سۋمەن قامتۋ دەڭگەيى قانداي ەكەنىن انىقتاۋدى جانە اتالعان سالاعا اۆتوماتتاندىرۋ جۇيەسىن ەنگىزۋدى تاپسىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي