BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

ونەرتاپقىش ستۋدەنتتەر ماراپاتتالدى

الماتى، baq.kz ٴتىلشىسى. بۇگىن الماتى ەنەرگەتيكا جانە بايلانىس ۋنيۆەرسيتەتىندە بيزنەس-يدەيالار مەن جوبالار بايقاۋىنىڭ جەڭىمپازدارى ماراپاتتالدى.

ەكى اي كولەمىندە اتالعان ۋنيۆەرسيتەت ستۋدەنتتەرى مەن ماگيسترلەرى، دوكتورلارى اراسىندا بيزنەس-يدەيالار مەن جوبالار بايقاۋى ٴوتتى. 31 قازان كۇنى اياقتالعان مۇنداي بايقاۋ وقۋ ورداسىنىڭ قابىرعاسىندا بيىل ٴبىرىنشى رەت وتكىزىلىپتى.

«قازىرگى تاڭدا ۋنيۆەرسيتەتتىڭ عىلىمي الەۋەتى كوممەرسيالاۋعا كەلەتىن جوبالاردىڭ ىسكە اسىرىلۋىنا مۇمكىندىك بەرەدى جانە ولار جۇزەگە اسىپ جاتىر. 2017 جىلى عىلىمي زەرتتەۋلەردى قارجىلاندىرۋ 360 ملن تەڭگەنى قۇراسا، بۇگىنگى كۇنى ول 400 ملن تەڭگەگە جەتىپ وتىر»، -دەيدى ۋنيۆەرسيتەت رەكتورى ساۋلە ساعىنتايەۆا.

عىلىمي-تەحنيكالىق سالاداعى ناتيجەلەردى كوممەرسيالاۋ تۋرالى قر زاڭىنىڭ ارقاسىندا جوو-دا كوممەرسيالاۋ الەۋەتى بار جوبالاردى انىقتاۋ ٴۇشىن كوممەرسيالىق وفيس اشىلعان ەكەن. وسى ٴوفيستىڭ باستاماسىمەن اەجبۋ-دە ٴبىلىم الۋشىلار اراسىندا بيزنەس-يدەيا بايقاۋى ۇيىمداستىرىلعان.

بايقاۋعا بارلىعى 16 بيزنەس-جوبا مەن يدەيا ۇسىنىلعان، ٴبىرىنشى ىرىكتەۋ كەزەڭىندە ٴادىلقازىلار كوممەرسيالىق الەۋەتى بار دەگەن 7 جوبانى تاڭداپ العان. سونىڭ ىشىنەن ماگيستر الينا فازىلوۆانىڭ «تيىمدىلىگى جوعارى كوپدوعالى جەل گەنەراتور جۇيەسى» اتتى جوباسى جەڭىمپاز دەپ تانىلىپ، 500 مىڭ تەڭگەنى ۇتىپ الدى.

«مەنىڭ جوبام شالعايداعى بىرنەشە ۇيدەن تۇراتىن قوسىنداردى ەلەكترمەن جابدىقتاۋعا مۇمكىندىك بەرەدى. تۇتىنۋشىلاردى ۇزدىكسىز ەنەرگيامەن جابدىقتاۋ اككمۋلياتور قۋاتتاعىشىن قولدانۋ ارقىلى جۇزەگە اسادى»، -دەيدى ونەرتاپقىش.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي