BAQ.kz - Қазақстан жаңалықтары USD 340.27 BAQ.kz - Қазақстан жаңалықтары EUR 396.31 BAQ.kz - Қазақстан жаңалықтары RUB 5.39
استانا:

وندىرىستىك جاراقات العان پاۆلودارلىق قولىنان ايىرىلۋى مۇمكىن

فوتو: 24sata.hr

پاۆلودار وبلىسىنداعى ٴىرى وندىرىستىك وشاقتا 42 جاسار جۇمىسشى جاراقات الىپ، سونىڭ سالدارىنان قولىنان ايىرىلۋى مۇمكىن، دەپ حابارلايدى baq.kz ايماقتاعى ٴتىلشىسى.

بۇل تۋرالى زارداپ شەككەن ازاماتتىڭ تۋىستارى حابارلادى.

«اعام «كاستينگ» جشس-دە جۇمىس ىستەيدى. ول جۇمىس بارىسىندا اۋىر جاراقات الدى. قازىرگى ۋاقىتتا پاۆلودار وبلىستىق اۋرۋحاناسىندا ەم قابىلداپ جاتىر»، - دەيدى قارىنداسى.

وڭىردەگى دەنساۋلىق ساقتاۋ باسقارماسى باسشىسىنىڭ ورىنباسارى نۇرلان ٴورازاليننىڭ ايتۋىنشا، بۇگىنگى كۇنگە دەيىن زارداپ شەگۋشىنىڭ قولىنىڭ بۋىنىنا وتا جاسالدى. مامانداردىڭ ايتۋىنشا، جۇمىسشىنىڭ قول سۇيەگى سىنعان جانە بۋىنى جاراقاتتانعان.

پاۆلودار وبلىستىق ەڭبەك باسقارماسىنىڭ مامانى ابىلاي سابىروۆتىڭ ايتۋىنشا، 1976 جىلى تۋعان ازامات بولات قورىتۋشى بولىپ جۇمىس ىستەگەن.

«وقىس وقيعا جۇمىس بارىسىندا ورىن الدى. جۇمىسكەر وندىرىستىك گرەيزەردى تراۆەرسكە الماستىرىپ جاتقاندا، قولىنا كراننىڭ اۋىر جۇكتى كوتەرەتىن تەمىر ىلمەك قۇلاعان. قازىرگى ۋاقىتتا جۇمىسشى العان جاراقاتتىڭ دەڭگەيىن انىقتاۋ جۇمىستارى جۇرگىزىلەدى. سودان كەيىن ورىن العان جاعدايدى تەكسەرۋ جۇمىستارى باستالادى. بۇل شارا 10 جۇمىس كۇنى ىشىندە جۇرگىزىلەدى»، - دەيدى ابىلاي سابىروۆ.

ايتا كەتەيىك، پاۆلودار وبلىسى ەلىمىزدە وندىرىستىك جاراقاتتار بويىنشا كوشباسشى ورىندا.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي