BAQ.kz - Қазақстан жаңалықтары USD 366.86 BAQ.kz - Қазақстан жаңалықтары EUR 424.49 BAQ.kz - Қазақстан жаңалықтары RUB 5.6
استانا:

ٴومىرزاق شوكەەۆ شاعىن شارۋا قوجالىقتاردى دامىتۋ كەرەكتىگىن ايتتى

فوتو: Автор

بۇگىن قر پرەمەر-مينيسترىنىڭ ورىنباسارى، اۋىل شارۋاشىلىعى ٴمينيسترى ٴومىرزاق شوكەەۆ قاراعاندى وبلىسىندا جۇمىس بابىمەن كەلدى. ۆيسە-پرەمەر ايماقتاعى ٴبىرقاتار كاسىپورىنداردىڭ جۇمىسىمەن تانىستى، دەپ حابارلايدى baq.kz ايماقتاعى ٴتىلشىسى.

ٴومىرزاق شوكەەۆ قاراعاندى وبلىسىنا ساپارى بارىسىندا بۇقار جىراۋ اۋدانىندا ورنالاسقان «جاكە» مال بورداقىلاۋ الاڭىندا بولدى. بۇگىندە ەلۋگە تارتا ادامدى جۇمىسپەن قامتىپ وتىرعان شارۋا قوجالىقتا 3000 نان استام ٴىرى قارا سەمىرتىلەدى. بيىلعى جىلى مىڭنان استام مالدىڭ ەتى وزبەكستانعا ساتىلعان. بۇدان كەيىن ٴومىرزاق شوكەەۆ جىلىنا نارىققا 260 ملن دانا جۇمىرتقا شىعاراتىن «اگروفيرما قۇرما» جشس قۇس فابريكاسىنا كەلدى. مۇندا مينيسترگە بيوقالدىقتاردى قايتا وڭدەپ، وسى ارقىلى جىلۋ جانە ەلەكتر قۋاتىن ۇنەمدەيتىن بيوگازدىق قۇرىلعى كورسەتىلدى. اتالعان شۆەيساريالىق قۇرىلعىنى ورناتۋ ٴۇشىن كاسىپورىنعا 571 مىڭ ينۆەستيسيا تارتىلعان. ۆيسە-پرەمەر بۇدان كەيىن مارگارين وندىرەتىن «eurasian foods» اق زاۋىتىندا بولدى. ونىمدەرى ەلىمىزدە عانا ەمەس شەتەلگە دە تانىمال كاسىپورىن جىل سايىن 54 مىڭ توننادان استام ماي، سارى ماي جانە مارگارين شىعارادى. بۇل تاعامدار تاجىكستانعا، وزبەكستانعا، تۇركىمەنستان مەن قىرعىزستانعا، سونداي-اق رەسەي ەلىنە ەكسپورتتالادى. سودان كەيىن ول قۇرىلىس جۇمىستارى ٴجۇرىپ جاتقان «الفارۋح» جشس كوتەرمە-تاراتۋ لوگيستيكالىق ورتالىعىنا ات باسىن بۇردى. قۇنى 10 ملرد تەڭگەدەن استاتىن جوبا «بيزنەستىڭ جول كارتاسى-2020» مەملەكەتتىك باعدارلاماسىمەن سالىنۋدا. جىل سوڭىنا دەيىن كوتەرمە-تاراتۋ لوگيستيكالىق ورتالىعىنىڭ ٴبىرىنشى كەزەگىن ىسكە قوسۋ جوسپارلانىپ وتىر.

بۇدان كەيىن ٴومىرزاق شوكەەۆ وبلىس اكىمدىگىندە اۋىلشارۋاشىلىق ونىمدەرىن وندىرۋشىلەرمەن رەسپۋبليكالىق سەلەكتورلىق جينالىس وتكىزىپ، ەتتى مالشارۋاشىلىعىن دامىتۋ بويىنشا وبلىستا قانداي شارالار اتقارىلۋ كەرەكتىگىنە توقتالدى.

«ەتتى مالشارۋاشىلىعىن دامىتۋ پرەزيدەنت نۇرسۇلتان نازاربايەۆتىڭ اگرارلى-وندىرىستىك كەشەندەگى ەڭبەك ونىمدىلىگىن ارتتىرۋ مەن قايتا وڭدەلگەن اۋىلشارۋاشىلىق ونىمدەرىن ەكسپورتتاۋدى 2،5 ەسەگە ۇلعايتۋ تاپسىرماسىن جۇزەگە اسىرۋ اياسىنداعى باسىم باعىتتاردىڭ ٴبىرى بولىپ تابىلادى. قازىرگى ۋاقىتتا ەلىمىز بيداي، ماقتا جانە باسقا دا شيكىزاتتار ەكسپورتقا كوپتەپ شىعارادى. الايدا الەم وزگەرىپ جاتىر، بۇل سالالاردا بىزدە كوپتەگەن باسەكەلەستەر بار. سوندىقتان دا ٴوندىرىس تۇرلەرىن ۇلعايتۋىمىز قاجەت. ەلىمىزدە شامامەن 180 ميلليون گەكتار جايىلىم بار. سونىمەن قاتار، جۇمىس ىستەگىسى كەلەتىن جانە قولىنان ٴىس كەلەتىن ادامدار بار. ٴبىز تەك اسىل تۇقىمدى مال جايلى ايتىپ وتىرعان جوقپىز، بىزگە تاۋارلىق مال قاجەت. قاراعاندى وبلىسىندا مال جەمدەيتىن ورىندار بار. مىسالى، «جاكە» زاماناۋي مال سەمىرتەتىن شارۋا قوجالىعىنان وزبەكستانعا مىڭنان اسا بۇقالار جىبەرىلگەن. بۇل شارۋا قوجالىعىندا 3 مىڭ باس مال سەمىرتىلەدى. بۇنىڭ بارلىعى جاقسى ارينە، دەگەنمەندە ٴبىز شاعىن فەرمالاردىڭ سانىن كوبەيتۋىمىز قاجەت»، - دەدى ٴو.شوكەەۆ.

كەزدەسۋدە كاسىپكەرلەر سۋبسيديالاۋ، ارزانداتىلعان ديزەلدىك وتىندى، مينەرالدى تىڭايتقىشتاردى بولۋگە قاتىستى ساۋالدارىن قويدى. اۋىلشارۋاشىلىق ونىمدەرىن وندىرۋشىلەر ەلىمىزدە توپىراقتىڭ تەرەڭ ساراپتاماسىن جاساي الاتىن زەرتحانالاردىڭ جوقتىعىن ايتىپ، وسى ماسەلەنى شەشۋدى سۇرادى. ولاردىڭ ايتۋىنشا، زەرتتەلۋى ٴتيىس ۇلگىلەر ەۋروپاعا تاسىمالدانىپ، سول جاقتا ساراپتامادان وتەدى.

«ٴبىز اگرارلىق قىزمەتكەرلەر ۋاقىتپەن بىرگە جۇرۋگە تىرىسامىز. اۋىلشارۋاشىلىق سالاسىندا جەتىستىككە جەتۋدە جوعارى تەحنولوگيالاردىڭ كومەگى وراسان. ولار توپىراقتاعى ٴونىم وندىرۋگە پايدالى كومپونەنتتەردىڭ قاجەتتى مولشەرىن الدىن الا ناقتى انىقتاۋعا مۇمكىندىك بەرەدى. سوندىقتان دا، ٴبىز توپىراققا پايدالى ەلەمەنتتەردىڭ قاجەتتىلىگىن انىقتايتىن عىلىمي زەرتحانالاردىڭ جۇمىسىنا ٴجيى جۇگىنەمىز. ەگەر دە وسىنداي زەرتحانالار ەلىمىزدە كوپ بولسا ٴبىزدىڭ جۇمىسىمىزدىڭ تيىمدىلىگى ارتار ەدى»، - دەيدى «شاحتەرسكوە» ٴجشس-نىڭ جەتەكشىسى گەورگيي پروكوپ.

«سۇراق ورىندى. ماسەلەنى قاراستىرىپ، جۇمىس جاسايمىز. ەلباسى جولداۋىندا ايتىلعان تاپسىرمالارعا ساي عىلىمعا قارجى ٴبولىنىپ جاتىر»، - دەدى ٴومىرزاق شوكەەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي