BAQ.kz - Қазақстан жаңалықтары USD 375.9 BAQ.kz - Қазақстан жаңалықтары EUR 423.56 BAQ.kz - Қазақстан жаңалықтары RUB 5.55
استانا:

وبلىستىق ونكوديسپانسەردە ايەلدەر تەگىن تەكسەرىستەن وتە الادى

فوتو: semdoctor.net

استانا، baq.kz. قاراعاندىلىقتار تەگىن تۇردە ٴتوس بەزىنىڭ ۋدز جانە مامموگرافيا جاساي الادى. مەديسينالىق تەكسەرىستەن ۋچاسكەلىك دارىگەردىڭ جولداماسىسىز 20 جانە 27 قازاندا وبلىستىق ونكوديسپانسەردە وتۋگە بولادى. بۇل تۋرالى قاراعاندى وبلىسى اكىمدىگىنىڭ رەسمي سايتىندا حابارلانعان.

بۇعان دەيىن وسى سەكىلدى ەكى قابىلداۋ وتكەن بولاتىن – دارىگەرلەر 120 ەمدەلۋشىلەردى تەكسەرىپ ۇلگەرگەن.

قاراعاندى وبلىستىق ونكوديسپانسەردە قازاننىڭ 6-سىنان 27-نە دەيىنگى ارالىقتا ايەلدەردىڭ دەنساۋلىعىن قورعاۋ بويىنشا ايلىق وتۋدە. شارا شەڭبەرىندە «اشىق ەسىك كۇندەر» ۇيىمداستىرىلعان.

«كوپتەپ كەلىپ جاتىر. قۋانىشقا وراي، بىزگە تەكسەرۋدەن وتۋگە كەلگەن 120 ايەلدىڭ ىشىنەن تەك بىرەۋىندە عانا ٴتوس بەزىنىڭ ىسىگىنە كۇدىك پايدا بولدى. دەگەنمەن وسىنداي شارالار وتە ناتيجەلى. قابىلداۋ كەزىندە دارىگەرلەر ايەلدەرگە بۇل دەرتتىڭ الدىن الۋ تۋرالى ايتادى. سونىمەن قاتار ٴ2008-شى جىلدان بەرى قازاقستاندا سكرينينگ مىندەتتى تۇردە وتكىزىلەدى. بۇرىندارى بۇل تەكسەرۋدەن 50-دەن 60 جاسقا دەيىنگى ايەلدەر وتەتىن. ٴقازىر 40 جاستان 70-كە دەيىنگى ايەلدەر تەكسەرىلەدى. سكرينينگتىڭ ارقاسىندا بيىلعى جىلى وبلىستا ٴتوس بەزىنىڭ قاتەرلى ىسىگى 179 ايەلدە انىقتالعان. ولاردىڭ 92% - ول ٴبىرىنشى كەزەڭدەگى قاتەرلى ىسىك، ياعني كۇردەلى ادىستەرسىز ەمدەۋگە بولاتىن ٴتۇرى»، - دەيدى پروفەسسور ۆلاديمير كۋليشوۆ.

دارىگەرلەردىڭ ايتۋىنشا، الدىن الۋ شارالارىنىڭ ارقاسىندا ادامدار ٴوز دەنساۋلىعىنا اناعۇرلىم جاقسىراق كوڭىل بولەتىن بولعان. مىسالى، ەگەر وسىعان دەيىن ەمدەلۋشىلەردىڭ كوبىسى قاتەرلى ىسىكتىڭ ٴۇشىنشى نەمەسە ٴتورتىنشى كەزەڭىندە دارىگەرگە كەلسە، ٴقازىر ولاردىڭ سانى ايتارلىقتاي ازايىپ كەلەدى. بۇعان قوسا، قازىرگى زامانعى تەحنولوگيالاردىڭ كومەگىمەن ىسىكتەردى انىقتاۋ اناعۇرلىم وڭايىراق بولىپ كەلەدى.

«ەگەر 20 جىل بۇرىن ٴبىز ديامەترى 2 سانتيمەتر ىسىكتى تاۋىپ، سونى ماقتان ەتسەك، ەندى ٴقازىر ديامەترى 2-3 ميلليمەتر ىسىكتەردى دە تابامىز. سايكەسىنشە، ولاردى كەسىپ الىپ تاستاۋ دا وڭاي، ماستوپاتيانى قاجەت ەتپەيدى، ياعني ورگاندى تولىعىمەن كەسىپ الىپ تاستاۋدىڭ قاجەتى جوق»، - دەپ ٴتۇسىندىردى پروفەسسور.

ماماندار ٴتوس بەزى قاتەرلى ىسىگىنىڭ الدىن الۋ ٴۇشىن ايەلدەر ايىنا ٴبىر رەت ۇيدەگى جاعدايدا ٴوزىن ٴوزى تەكسەرىپ، توستە تىعىزدىق سەزىلسە، كولەمى وزگەرسە، قابىرشىقتار مەن جارالار پايدا بولسا، كىدىرمەستەن دارىگەرگە بارۋ كەرەك دەيدى. 40 جاستان كەيىن ايەلدەرگە ەكى جىلدا ٴبىر مامموگرافيا جاساپ، سكرينينگ ٴوتىپ وتىرعان ٴجون.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي