BAQ.kz - Қазақстан жаңалықтары USD 370.11 BAQ.kz - Қазақстан жаңалықтары EUR 419.37 BAQ.kz - Қазақстан жаңалықтары RUB 5.58
استانا:

نوعايەۆ: اتىراۋدا 260 شاقىرىم جولدىڭ قۇرىلىسى جۇرگىزىلۋدە

استانا baq.kz ٴتىلشىسى. «7-20-25» مەملەكەتتىك يپوتەكالىق تۇرعىن ٴۇي نەسيە باعدارلاماسى بويىنشا جەرگىلىكتى تۇرعىنداردان 131 ٴوتىنىم قابىلداندى. بۇل تۋرالى بۇگىن ورتالىق كوممۋنيكاسيالار قىزمەتىندە اتىراۋ وبلىسىنىڭ اكىمى نۇرلان نوعايەۆتىڭ قاتىسۋىمەن وتكەن ٴباسپاسوز كونفەرەنسياسىندا ايتىلدى.

ٴوڭىر باسشىسى "مەملەكەت باسشىسىنىڭ جولداۋىن ىسكە اسىرۋ اياسىندا 2018 جىلدىڭ 9 ايىنداعى اتىراۋ وبلىسىنىڭ الەۋمەتتىك-ەكونوميكالىق دامۋ قورىتىندىلارى" تاقىرىبىندا ٴسوز سويلەدى.

"7-20-25" يپوتەكالىق تۇرعىن ٴۇي نەسيەلەۋدىڭ مەملەكەتتىك باعدارلاماسى حالىقتىڭ قالىڭ جىگى ٴۇشىن تۇرعىن ٴۇي ساتىپ الۋعا جاڭا مۇمكىندىكتەر بەرەدى. قازىرگى تاڭدا 1553 ملن تەڭگەگە 131 ٴوتىنىم قابىلداندى. 1084 ملن تەڭگەگە 89 ٴوتىنىم ماقۇلداندى. 62 ٴوتىنىش بەرۋشى تۇرعىن ٴۇي ساتىپ الۋعا 783 ملن تەڭگە كولەمىندە قاراجات الدى"، - دەدى اتىراۋ وبلىسىنىڭ اكىمى.

ايتا كەتەيىك، قازىرگى ۋاقىتتا اتىراۋ وبلىسىندا تۇرعىن ٴۇي سەكتورىن دامىتۋ ٴۇشىن 3892 پاتەرلىك 44 كوپ قاباتتى تۇرعىن ٴۇيدىڭ قۇرىلىسى جۇرگىزىلۋدە، جىل سوڭىنا دەيىن 2164 پاتەرلىك 34 تۇرعىن ٴۇيدىڭ قۇرىلىسى اياقتالادى. سونىمەن قاتار، پاتەرلەرى "7-20-25" جانە "نۇرلى جەر"يپوتەكالىق نەسيەلەۋ باعدارلامالارى بويىنشا ساتىلاتىن 19 كوممەرسيالىق كوپ قاباتتى تۇرعىن ٴۇيدىڭ قۇرىلىسى قاتار جۇرگىزىلۋدە. 2019 جىلى 4368 پاتەرلىك 50 تۇرعىن ٴۇي سالۋ جوسپارلانۋدا.

وڭىردە تۇرعىن ٴۇي قۇرىلىسىمەن قاتار جول ينفراقۇرىلىمىن قۇرۋ بەلسەندى قارقىنمەن ٴجۇرىپ جاتىر. اتاپ ايتقاندا، "نۇرلى جول" ينفراقۇرىلىمدى دامىتۋدىڭ مەملەكەتتىك باعدارلاماسى شەڭبەرىندە اۆتوموبيل جولدارىن دامىتۋ 432 شاقىرىم اۆتوجول قۇرىلىسىن سالۋدى كوزدەيدى.

"جۇمىس ەكى باعىتتا جۇزەگە اسىرىلادى. ٴبىرىنشى باعىت - ۇزىندىعى 155 شاقىرىم اتىراۋ-اقتوبە تراسساسى. بۇگىنگى كۇنى ۇزىندىعى 10 شاقىرىم ۋچاسكەدە جۇمىستار اياقتالدى، ۇزىندىعى 17 شاقىرىم ۋچاسكەدە قۇرىلىس جۇمىستارى جۇرگىزىلۋدە. قازىرگى ۋاقىتتا 128 شاقىرىم جولدىڭ قۇرىلىسى بويىنشا دايىندىق جۇمىستارى جۇرگىزىلۋدە. ەكىنشى باعىت-جالپى ۇزىندىعى 277 شاقىرىمدىق اتىراۋ-استراحان تراسساسى. بۇل جەردە 60 شاقىرىم جولدىڭ قۇرىلىسى بويىنشا دايىندىق جۇمىستارى جۇرگىزىلۋدە. 217 شاقىرىم رەسپۋبليكالىق ماڭىزى بار اۆتوتراسسانىڭ قۇرىلىسىن قارجىلاندىرۋ ازيا بانكىمەن جوسپارلانۋدا. مەملەكەت باسشىسىنىڭ قازاقستان حالقىنا جولداۋىندا وڭىرلىك ينفراقۇرىلىمدى دامىتۋعا ەرەكشە كوڭىل بولىنگەن. اتىراۋ وبلىسىندا 260 شاقىرىم اۆتوموبيل جولىنىڭ قۇرىلىسى جۇرگىزىلۋدە، ول 317 كوشەنى قامتيدى. ونىڭ 60 شاقىرىمى وبلىستىق جانە اۋداندىق ماڭىزى بار جولدار 18 ەلدى مەكەندە 48 كوشەدە سالىنۋدا"، - دەپ ناقتىلادى ٴوڭىر باسشىسى.

اتىراۋدا بۇل جۇمىستار قالا ماڭىنداعى التى ەلدى مەكەندە جۇرگىزىلۋدە، مۇندا وبلىس ورتالىعىنىڭ 268 كوشەسىن قامتيتىن 200 شاقىرىم جول توسەمىن سالۋ جوسپارلانۋدا.

وبلىس اكىمى نۇرلان نوعاايەۆ الەۋمەتتىك نىسانادار قۇرلىسى بويىنشا ماڭىزدى جوبالاردى اتاپ ٴوتتى. بيىل 2 مەكتەپ، 5 بالاباقشا ، 2 مادينەيەت ٴۇيى، 1 دەنساۋلىق ساقتاۋ نىسانى، 2 دەنە شىنىقتىرپۋ – ساۋىقتىرۋ كەشكەنى جانە 1 جاتاقحانا -13 نىسان پايدالانۋعا بەرىلدى.

جىل سوڭىنا دەيىن 6 مەكتەپ، 10 بالاباقشا، 3 مادەنيەت ٴۇيى، 4 دەنساۋلىق ساقتاۋ نىسانى، 2 دەنە شىنىقتىندىرۋ-ساۋىقتىرۋ كەشەنى، 4 قالادان شىعا بەرىستەگى ستاسيونارلىق پوليسيا بەكەتى جانە مامانداندىرىلعان حقكو - 30 نىسان ىسكە قوسىلادى.

ەستەرىڭىزدە بولسا، بۇعان دەيىن ٴوڭىر باسشىسى 2019 جىلدىڭ 1 قاڭتارىنان باستاپ ٴوڭىردىڭ ون مىڭنان استام تۇرعىنىنىڭ ەڭبەك اقىسى كوتەرىلەتىنى تۋرالى ايتتى. سونىمەن قاتار نۇرلان نوعايەۆ جىل سوڭىنا دەيىن 30 نىساننىڭ پايدالانۋعا بەرىلەتىنىن ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي