BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

نوعايەۆ: ٴاربىر قىزمەتكەر ٴوز ۇستانىمىنا بەرىك بولۋى كەرەك

اتىراۋ، baq.kz. اتىراۋدا xالىقارالىق سىبايلاس جەمقورلىققا قارسى كۇرەس كۇنىنە وراي وبلىستىق فورۋم ٴوتتى. بۇل تۋرالى اتىراۋ وبلىسىنىڭ وڭىرلىك كوممۋنيكاسيالار قىزمەتى حابارلادى.

ٴىس-شارانى قر مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ اتىراۋ وبلىسى بويىنشا دەپارتامەنتى جىلما-جىل ۇيىمداستىرىپ كەلەدى. اتالعان فورۋمعا بارلىق مەملەكەتتىك ورگان باسشىلارى، قالا جانە اۋدان اكىمدەر، ساياسي پارتيالار مەن ۇەۇ وكىلدەرى قاتىستى.

سالتاناتتى شارادا ٴسوز العان وبلىس اكىمى نۇرلان نوعايەۆ سالا قىزمەتكەرلەرىنە تىلەگىن ٴبىلدىردى.

"ەلباسىنىڭ قازاقستاننىڭ باسەكەگە قابىلەتتى بولۋى تۋرالى تاپسىرمالارىندا كەز-كەلگەن مەملەكەتتىك قىزمەتكەرگە زاڭدا كورسەتىلگەن تالاپتاردى ٴىس جۇزىندە جۇزەگە اسىرۋ مىندەتتەلگەن. جەمقورلىققا قارسى كۇرەس شارالارى تەك اگەنتتىكپەن شەكتەلمەۋى قاجەت. ٴاربىر مەملەكەتتىك قىزمەتكەر ٴوز لاۋازىمىنا تاعايىندالعان كۇننەن باستاپ ٴوز ۇستانىمدارىنا بەرىك بولۋى كەرەك. "تۋرا بيدە تۋعان جوق، تۋعاندى بيدە يمان جوق" دەمەكشى، اگەنتتىك قىزمەتكەرلەرى دە قابىلداعان شەشىمدەرىنە ٴادىل، لاۋازىمدىق مىندەتى مەن ازاماتتىق ۇستانىمىنا ادال بولعانى ٴلازىم" - دەدى نۇرلان نوعايەۆ.

شارا بارىسىندا ٴوڭىر باسشىسى xالىق اراسىندا سىبايلاس جەمقورلىققا قارسى مادەنيەتتى قالىپتاستىرىپ جۇرگەن ۇزدىك جۋرناليستىك جۇمىستار بايقاۋىنىڭ جەڭىمپازدارىن "ۇزدىك ارنايى سيۋجەت"، "ۇزدىك شەف رەداكتور"، "ۇزدىك جۋرناليست" نوميناسيالارى بويىنشا ماراپاتتادى.

قر مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ اتىراۋ وبلىسى بويىنشا دەپارتامەنتى باسشىسى توقتامىس جۇماعۇلوۆتىڭ مالىمدەۋىنشە، وبلىستا جىل باسىنان 1500-دەن اسا الدىن-الۋ شارالارى وتكىزىلگەن.

"سىبايلاس جەمقورلىقپەن كۇرەستە قوعام مەن مەملەكەتتىڭ كۇش-جىگەرىن بىرىكتىرۋ ماڭىزدى ٴرول اتقارادى. وبلىستا ازاماتتاردىڭ قۇقىقتىق ساۋاتتىلىعىن ارتتىرىپ، جەمقورلىققا قارسى مادەنيەتىن جانە قىلمىستىڭ الدىن-الۋ دەڭگەيىن كوتەرۋگە باعىتتالعان جوبالار جالعاسىن تابا بەرمەك"،- دەدى توقتامىس جۇماعۇلوۆ.

باياندامادان كەيىن جەمقورلىققا قارسى ٴىس-قيمىل جۇمىستارىنا وزىندىك ۇلەسىن قوسقان ۇەۇ وكىلدەرى ادەپ جونىندەگى كەڭەس ٴتوراعاسىنىڭ العىس xاتتارىمەن ماراپاتتالدى. سالتاناتتى شارا مەرەكەلىك كونسەرتكە ۇلاستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي