BAQ.kz - Қазақстан жаңалықтары USD 354.12 BAQ.kz - Қазақстан жаңалықтары EUR 416.73 BAQ.kz - Қазақстан жаңалықтары RUB 5.37
استانا:

نازاربايەۆ استانانىڭ دامۋىنا ۇلەس قوسقان تۇركىستان وبلىسى اكىمى مەن تۇرعىندارىنا العىس ٴبىلدىردى

فوتو: Түркістан облысы әкімдігі

قازاقستان پرەزيدەنتى نۇرسۇلتان نازاربايەۆ تۇركىستان وبلىسىنىڭ اكىمى جانسەيىت تۇيمەبايەۆقا العىس حاتىن جولدادى، دەپ حابارلايدى baq.kz اقپارات اگەنتتىگى تۇركىستان وبلىسى اكىمىنىڭ ٴباسپاسوز قىزمەتىنە سىلتەمە جاساپ.

اتاپ وتسەك، «وڭىرلەردىڭ استاناعا تارتۋى» جوباسى اياسىندا تۇركىستان وبلىسىنىڭ ەلورداعا جاساعان ەرەكشە سىيى ەل پرەزيدەنتىنىڭ ايرىقشا كوڭىلىنەن شىعىپ، استانانى كوركەيتۋگە قوسقان ۇلەسى ٴۇشىن تۇركىستان وبلىسىنىڭ اكىمى مەن ٴوڭىر تۇرعىندارىنا شىنايى ريزاشىلىعىن بىلدىرگەن.

«قۇرمەتتى جانسەيىت قانسەيىت ۇلى! ٴسىزدى جانە بۇكىل تۇركىستان وبلىسىنىڭ جۇرتشىلىعىن استانانىڭ 20 جىلدىعىمەن شىن جۇرەكتەن قۇتتىقتايمىن! تاۋەلسىز قازاقستاننىڭ سيمۆولى سانالاتىن باس قالامىزدىڭ ايتۋلى مەرەيتويى – بارشا قازاقستاندىقتارعا ورتاق قۋانىش. سارىارقا توسىنە قازىعىن قاققان ەڭسەلى ەلوردامىزدى تۇرعىزۋعا بۇكىل حالقىمىز جۇمىلا اتسالىستى. «وڭىرلەردىڭ استاناعا تارتۋى» جوباسى اياسىندا تۇركىستان وبلىسى دا ەلورداعا ەرەكشە سىي جاسادى»، - دەلىنگەن ن. نازاربايەۆتىڭ ج. تۇيمەبايەۆقا جازعان العىس حاتىندا.

مەملەكەت باسشىسى اتاپ وتكەندەي، ۇزاق قاشىقتىقتى قامتيتىن جانە تولىق جابدىقتالعان ۆەلوسيپەد جولاعى ادامدارعا ارنالعان قالاداعى زاماناۋي ورتانىڭ ماڭىزدى قۇرامداس بولىگى سانالادى.

«بۇل ۆەلوسيپەد جولاعى سالاماتتى ٴومىر سالتىن ناسيحاتتاپ، ەلوردادا جاپپاي سپورتپەن شۇعىلدانۋ ٴۇردىسىن دامىتۋعا سەپتىگىن تيگىزەتىن بولادى. استانانى كوركەيتۋگە زور ۇلەس قوسقان سىزگە جانە ٴوڭىر تۇرعىندارىنا شىنايى ريزاشىلىعىمدى بىلدىرەمىن. سىزدەرگە زور دەنساۋلىق، باق-بەرەكە تىلەيمىن!»، - دەپ باسا ايتتى ن. نازاربايەۆ.

اتاپ وتسەك، تاياۋدا استانانىڭ 20 جىلدىعىنا وراي، ٴبىرقاتار وبلىستاردىڭ اتسالىسۋىمەن ەلوردادا جاڭادان 56 شاقىرىم ۆەلوجول سالىنعان بولاتىن. «وڭىرلەردىڭ استاناعا تارتۋى» جوباسى اياسىندا ەسىل وزەنىنىڭ جاعالاۋىنان د.قونايەۆ كوشەسىندەگى كوپىرگە دەيىنگى ارالىقتا جۇرگىزىلگەن ۆەلوسيپەد جولى تۇركىستان وبلىسىنىڭ اتسالىسۋىمەن جۇزەگە استى. بۇل جول ەسىل وزەنىنىڭ بويى مەن سول جاعالاۋى جانە ەكسپو كەشەنىنىڭ نىساندارى ارقىلى وتەدى. ول قالالىق ساياباقتاعى شاڭعى جانە روليككە ارنالعان جول مەن يلينكا كەنتىنەن «جاسىل بەلدەۋ» ارقىلى وتەتىن ۆەلوسيپەد جولاقتارىن بايلانىستىرادى.

ۆەلوترەكتەر ارنايى ۇستەلدەرمەن، تۇراقتارمەن، wi-fi جانە تەلەفوندى قۋاتتاۋ مۇمكىندىگى قاراستىرىلعان «اقىلدى ينفراقۇرىلىممەن» جابدىقتالعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي