BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

مەملەكەتتىك گرانت ٴۇشىن كۇرەس

فوتو: Автор

اقتوبە، baq.kz ٴتىلشىسى. اقتوبەلىك رۇستەم وڭعاربايەۆتىڭ اتا-اناسى ۇلىنىڭ مەملەكەتتىك گرانتتىڭ زاڭدى يەگەرى ەكەنىن ٴۇش ايدان بەرى دالەلدەي الماي كەلەدى. مارات وسپانوۆ اتىنداعى باتىس قازاقستان مەملەكەتتىك مەديسينالىق ۋنيۆەرسيتەتىنىڭ ستۋدەنتىنە، ٴتىپتى، 6 قاراشادان باستاپ وقۋعا كىرۋگە تىيىم سالىنعان. ٴبىلىمىن دالەلدەپ، ٴادىل تۇردە قول جەتكىزگەن مەملەكەتتىك گرانتىن ٴبىلىم مەكەمەسى تارتىپ العان.

19 جاستاعى اقتوبەلىك رۇستەم وڭعاربايەۆ بولاشاعىن مەديسينامەن بايلانىستىرادى. بىلتىر مەكتەپ بىتىرگەن ول ۇبت-دەن تەگىن ٴبىلىم الۋعا قاجەتتى بالدى جيناي الماعان. الايدا، اتا-اناسى رۇستەمدى مەديسينالىق ۋنيۆەرسيتەتتىڭ اقىلى بولىمىنە وقۋعا تۇسىرەدى. ٴبىر جىلدىق وقۋ اقىسى 630 مىڭ تەڭگە. رۇستەم وڭعاربايەۆ جوعارعى وقۋ ورنىنداعى 1 جىلدى ۇزدىك وقيدى. كەيىن اتا-اناسىنا قيىندىق تۇسىرمەي، مەملەكەتتىك گرانتقا ٴوتۋ ٴۇشىن قايتا سىناق تاپسىرعان. سىننان وتكەن ستۋدەنتتىڭ قۋانىشى ۇزاققا بارمادى. ەكى ايدان بەرى مەملەكەتتىك گرانتتىڭ يەگەرى ەكەندىگىن دالەلدەي الماي سەندەلىپ ٴجۇر.

«2018 جىلدىڭ 15 شىلدەسىندە كەشەندى تەست تاپسىرىپ، 122 بالل جينادىم. «جالپى مەديسينا» ماماندىعىنا مەملەكەتتىك گرانتقا تۇسكەنىمدى دالەلدەيتىن سەرتيفيكاتىم دا بار. ٴبىر جىل بويى مەن «قوعامدىق دەنساۋلىق ساقتاۋ»ماماندىعىندا وقىدىم. سەرتيفيكاتىمدى قولىما العاننان كەيىن 27 تامىزدا ماعان ۋنيۆەرسيتتەن حابارلاسىپ، قاتە كەتكەندىگىن ايتىپ، گرانتتان باس تارتۋ تۋرالى ٴوتىنىشتى ٴوز قولىممەن جازۋىمدى سۇرادى. مەن بۇگىنگە دەيىن ساباعىمنان مۇلدەم قالماي بارىپ ٴجۇردىم. تەك اۋىرىپ قالعان كۇندەرىمە انىقتامامدى اپاردىم.3 قىركۇيەكتەن بەرى جاعدايدى ٴبىلۋ ٴۇشىن ۋنيۆەرسيتەت باسشىلىعىنا ٴوتىنىش جازىپ كەلەمىن. ناقتى جاۋاپ بەرمەدى»، - دەدى رۇستەم وڭعاربايەۆ.

رۇستەم وڭعاربايەۆ - قاراقالپاقستاننىڭ تۋماسى. ٴبىراق، 2015 جىلى قازاقستان ازاماتتىعىن العان. مەديسينالىق ۋنيۆەرسيتەت ماماندارىنىڭ سوزىنشە، مەملەكەتتىك گرانتپەن تەك «ورالمان» اتاعى بارلار عانا وقي الادى. ال، رۇستەم ەل ازاماتى بولعاندىقتان وعان تەگىن وقۋ تيەسىلى ەمەس. قابىلداۋ كوميسسياسىندا قۇجات تولتىرۋ كەزىندە «جىگىت ورالمان ستاتۋسىن بەلگىلەپ قويعان» دەيدى ٴبىلىم بەرۋشىلەر. ال، رۇستەمنىڭ ٴوزى بەلگىلەمەدىم دەپ اقتالادى.

«رۇستەم وڭعاربايەۆ 1-كۋرستى اقىلى بولىمدە اياقتادى. كەيىن كەشەندى تەست تاپسىرۋعا قۇجات تاپسىرعان كەزدە «ورالمان» ستاتۋسىن بەلگىلەگەن. ول 2015 جىلى قازاقستان ازاماتتىعىن العاندىقتان ورالمان بولىپ سانالمايدى. گرانت قورىتىندىلارى كەلگەن كەزدە مونيتورينگ جاسادىق. سول كەزدە رۇستەمنىڭ وعان تيەسىلى ەمەس كۆوتا بويىنشا گرانت جەڭىپ العاندىعىن انىقتادىق. سوندىقتان، ٴبىز باس تارتتىق. ونى دا، اتا-اناسىن دا بىرنەشە رەت اۋىزشا، جازباشا تۇردە ەسكەرتتىك. ٴبىز گرانتتى قر ٴبىلىم جانە عىلىم مينسترلىگىنە قايتاردىق. ٴبىزدىڭ وقۋ ورىنىندا ستۋدەنتتىڭ الەۋمەتتىك جاعدايىنا قاراپ بەرەتىن وزگە گرانتتار جوق»،-دەدى م.وسپانوۆ اتىنداعى بقممۋ وقۋ ٴىسى جونىندەگى پرورەكتورى تالعات ٴابىلوۆ.

ستۋدەنتتىڭ قىركۇيەكتەن بەرى ساباعىنا بارعانى ەسەپتەلمەيدى. وسى ارالىقتا رۇستەم توبىندا بەلسەندىلەر قاتارىنان كورىنىپ ۇلگەرگەن. ال، اشىنعان اتا-انا بالاسىنىڭ ٴومىرىن ويىنشىققا اينالدىرعان ٴبىلىم مەكەمەسىنىڭ باسشىلارىنا نارازى. ستۋدەنتتىڭ اكەسى مۇرات اللاياروۆ ٴبىلىم جانە عىلىم مينيسترلىگىنە حات جازعان. سوتقا دا ارىزدانعان.

«ٴبىر جىلقى وقۋ اقىسىن تولەۋ ٴۇشىن بىلتىر نەسيە الدىم. ٴالى تولەپ جاتىرمىن. 5 بالام بار. اناسى جاقىندا اۋرۋحانادان شىقتى. جىل سايىن 630 مىڭ تەڭگە تولەپ وقىتا المايمىن. ۋنيۆەرسيتەتتەگىلەر ٴمينيستردىڭ بۇيىرىعىن بۇزىپ وتىر. بالاما ٴبىر نارسەگە ۇشىراسا، كىم جاۋاپ بەرەدى؟»،-دەدى رۇستەم وڭعاروۆتىڭ اكەسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي