BAQ.kz - Қазақстан жаңалықтары USD 360.87 BAQ.kz - Қазақстан жаңалықтары EUR 410.27 BAQ.kz - Қазақстан жаңалықтары RUB 5.4
استانا:

ماڭعىستاۋدا جۇكتەر پويىزبەن زاڭسىز تاسىمالدانۋدا

ماڭعىستاۋدا پويىزدا جۇكتەردى تاسىمالداۋ ٴتارتىبى ساقتالماي وتىر، دەپ حابارلايدى baq.kz اقپارات اگەنتتىگى.

تامىزدىڭ 5-6 ارالىعىندا قر مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتى جانىنان قۇرىلعان ارنايى مونيتورينگتىك توپ مۇشەلەرى «قازاقستان تەمىر جولى» ۇك» اق ماڭعىستاۋ بولىمشەسىندە «قۇپيا ساتىپ الۋشى» ادىسىمەن قوعامدىق مونيتورينگ جۇرگىزگەن.

«وسى شارا اياسىندا جۇك تاسىمالداۋ بويىنشا كاسسا قىزمەتكەرى «ماڭعىشلاق-الماتى» پويىزىمەن جولسەرىكپەن كەلىسۋ ارقىلى كەز-كەلگەن اۋىر جۇكتى بەلگىلى ٴبىر سوماعا تاسىمالداۋعا بولاتىنىن ايتقان. ياعني، بۇل رەتتە جۇكتى تاسىمالداۋدى راسىمدەۋ ٴتارتىبى ساقتالماي وتىر. ال جۇك تاسىمالداۋشى ٴبولىمىنىڭ قىزمەتكەرى بولسا، جۇگىڭىز بولسا شىرايلى شىمكەنتكە دەيىن 25.000 تەڭگەگە ٴتيىستى قۇجاتتى راسىمدەمەي-اق كەلىسۋگە بولاتىندىعىن ارنايى مونيتورينگتىك توپ مۇشەلەرى انىقتادى»، -دەلىنگەن دەپارتامەنت جىبەرگەن حابارلامادا.

نەگىزىنەن جولاۋشىلاردى، باگاجدى، جۇكتەردى، جۇك-باگاجدى جانە پوچتا جونەلتىلىمدەرىن تاسىمالداۋ قاعيدالارىن بەكىتۋ تۋرالى قر ينۆەستيسيالار جانە دامۋ ٴمينيسترىنىڭ 2015 جىلعى 30 ساۋىردەگى № 545 بۇيرىعىمەن بەكىتىلگەن ەرەجەنىڭ 176 تارماعىنا سايكەس رەسىمدەلۋى ٴتيىس.

«ياعني، جۇك تاسىمالداۋدى راسىمدەۋ ٴتارتىبى زاڭمەن بەكىتىلگەنىنە قاراماستان، بۇل تالاپتار ورەسكەل بۇزىلىپ وتىرعاندىعى انىقتالدى. وسىلايشا جولاۋشىلار جولسەرىكتەرمەن اۋىزشا كەلىسىم ارقىلى، كاسسانى اينالىپ ٴوتىپ، كوزدەگەن جەرىنە جۇكتەرىن جەتكىزۋگە ەش كەدەرگى جوق»، -دەلىنگەن حابارلامادا.

ەسكە سالا كەتەيىك، قر مەملەكەتتىك قىزمەت ىستەرى جانە سىبايلاس جەمقورىققا قارسى ٴىس-قيمىل اگەنتتىگىنىڭ تاپسىرماسىنا وراي، «قازاقستان تەمىر جولى» ۇك» اق ماڭعىستاۋ بولىمشەلەرىندە سىبايلاس جەمقورلىق تاۋەكەلدەرىن انىقتاۋ ماقساتىندا «قۇپيا ساتىپ الۋشى» ادىسىمەن قوعامدىق مونيتورينگ جۇرگىزىلۋدە.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي