BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

ماڭعىستاۋ وبلىسىندا 115 يت اتىلدى

فوتو: gorobzor.ru

ماڭعىستاۋ وبلىسىنداعى سايىن شاپاعاتوۆ اۋىلىندا تۇرعىنداردىڭ قاڭعىباس يتتەر ٴتورت تۇلىك مالعا شابۋىلدادى دەگەن شاعىمىنان كەيىن 115 يت اتىلدى. ٴۇي جانۋارلارىنىڭ ٴتورت تۇلىككە شابۋىلداۋى سالدارىنان ناۋرىز ايىنىڭ باسىندا 20، ال دەمالىس كۇندەرى 12 باس مال ولگەن، دەپ حابارلايدى baq.kz اقپارات اگەنتتىگى lada.kz سايتىنا سىلتەمە جاساپ.

اۋىل اكىمى عابيدەن نۇرجاۋبايدىڭ ايتۋىنشا، كەشە ٴبىر كۇن ىشىندە 33 رەت ٴيتتىڭ مالعا شابۋىلداۋ جاعدايى تىركەلگەن. اۋىلدا ەرىكتىلەردىڭ قاتىسۋىمەن كەزەكشىلىك ۇيىمداستىرىلدى. ولار ٴتۇنى بويى ٴتورت تۇلىك مالدى كۇزەتىپ، ٴيتتىڭ مالعا شابۋىلداۋىنان قورعايدى.

«مالعا ٴيتتىڭ شابۋىلداۋ فاكتىلەرى بار. قاڭعىباس يتتەردى اۋلاۋ جۇمىستارى جۇرگىزىلىپ جاتىر. وتكەن اپتادا 85 قاڭعىباس يت اتىلسا، دەمالىس كۇندەرى 30 يت اتىلدى. اۋىل تۇرعىندارىنا يتتەرىن ۇيدە بايلاپ ۇستاۋ كەرەك ەكەنىن ەسكەرتىپ جاتىرمىز. قارعىباۋسىز جانە شىلبىرسىز جۇرگەن يتتەردى اتامىز. مالداردىڭ ٴولۋ سەبەپتەرى ٴالى دە انىقتالۋدا، ٴبىراق ٴبىز ولارعا شابۋىلداپ جۇرگەن اۋىلداعى قاڭعىباس يتتەر دەپ ويلايمىز. ٴتىپتى ونداي جاعدايدى كورگەن تۇرعىندار دا بار. ٴقازىر بۇل ماسەلە بويىنشا ۆەتەرينارلار جۇمىس ىستەۋدە»، - دەدى عابيدەن نۇرجاۋباي.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي