BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

ماقتاارالدا جاڭا وقۋ جىلىندا 8 مەكتەپ پايدالانۋعا بەرىلەدى

ماقتاارال اۋدانىندا جاڭا وقۋ جىلىندا 8 ٴبىلىم ۇياسى ەل يگىلىگىنە بەرىلەتىن بولادى. بۇدان بولەك، بيىل 8 مەكتەپتىڭ ىرگەتاسى قالانباق. سونداي-اق، اۋداندا 5 ٴمودۋلدى مەديسينالىق ترەكتىڭ قۇرىلىسى اياقتالۋعا جاقىن، دەپ حابارلايدى baq.kz اقپارات اگەنتتىگى.

بۇل تۋرالى اۋدان اكىمدىگىندە وتكەن جيىندا ٴوڭىر باسشىسى جامانتاي بەيسەنبايەۆ مالىمدەدى. جيىن بارىسىندا اۋداندىق ساۋلەت، قالا قۇرىلىسى جانە قۇرىلىس ٴبولىمىنىڭ باسشىسى سانسىزباي سەيداليەۆ بايانداما جاسادى. ونىڭ ايتۋىنشا، 8 ٴبىلىم وشاعىنداعى قۇرىلىس جۇمىستارى كەستەگە ساي جۇرگىزىلۋدە. بيىل جەتىساي قالاسىنداعى 80 گەكتار اۋماقتا 5 قاباتتى 60 پاتەرلى تۇرعىن ۇيلەردىڭ قۇرىلىسى باستاۋ الاتىن بولادى. بۇدان بولەك 4 قاباتتى 12 تۇرعىن ٴۇيدىڭ بارلىق قۇجاتتارى وبلىستىق قۇرىلىس باسقارماسىنا وتكىزىلىپ قويعان.

اۋدان اكىمى جامانتاي بەيسەنبايەۆ جاڭادان سالىنىپ جاتقان مەكتەپتەردىڭ جىلۋ جۇيەسىن كومىردەن بولەك، گازعا دا قوسا الاتىنداي ەتىپ جاساۋدى تاپسىردى. ويتكەنى 2020 جىلعا دەيىن اۋدان ەلدى مەكەندەرى تولىقتاي گازبەن قامتىلاتىن بولادى. سونداي-اق، اۋدان باسشىسى كۇردەلى جانە ورتا جوندەۋدەن ٴوتىپ جاتقان مەكتەپتەرگە باقىلاۋدى كۇشەيتۋدى تاپسىردى.

«بالالار – ٴبىزدىڭ بولاشاعىمىز. ٴبىز مەكتەپ سالۋدى توقتاتپاۋىمىز كەرەك. جاڭادان جوبالىق-سمەتالىق قۇجاتتاردى ازىرلەپ، ەسكى مەكتەپتەردىڭ قاتارىن ازايتۋىمىز كەرەك»، - دەدى جامانتاي قاناي ۇلى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي