BAQ.kz - Қазақстан жаңалықтары USD 375.9 BAQ.kz - Қазақстан жаңалықтары EUR 423.56 BAQ.kz - Қазақстан жаңалықтары RUB 5.55
استانا:

قۇبىلمالى اۋا رايى قىزىلجارلىقتاردى ابىگەرگە سالدى

فوتو: Интернеттен алынды

سولتۇستىك قازاقستاندا اۋا رايىنىڭ قۇبىلمالى بولۋىنان جەدەل-جاردەم قىزمەتىن شاقىرۋشىلار كوبەيگەن. پەتروپاۆل قالاسىندا 103 تەلەفونىنا كۇن سايىن ورتا ەسەپپەن 10 مىڭ قوڭىراۋ تۇسەدى، دەپ حابارلايدى baq.kz ايماقتاعى ٴتىلشىسى.

بيىل تابيعات توسىن مىنەز تانىتىپ تۇر. كۇن رايى بىرەسە قاتتى ىسىسا، ەندى بىردە جەل تۇرىپ، كەنەتتەن جاڭبىر جاۋىپ، نايزاعاي وينايدى. بۇل اسىرەسە جاسى ەگدە تارتقان ادامداردىڭ دەنساۋلىعىنا كەرى اسەرىن تيگىزىپ جاتقان كورىنەدى. پەتروپاۆلدا جەدەل جاردەم ورتالىعىنا قان قىسىمى كوتەرىلىپ، دەرتى اسقىنعان ناۋقاستاردىڭ شاعىمدانۋى جيىلەي تۇسكەن. اسىرەسە قان قىسىمى كوتەرىلىپ نەمەسە كۇرت تومەندەپ كەتكەن، سونداي-اق جۇرەك اۋرۋلارىنا شاعىمدانۋشىلار كوبەيگەن.

«بيىل سولتۇستىك وڭىردە اۋا رايى تۇسىنىكسىز بولىپ تۇر. تەرمومەتر 27 گرادۋس ىستىقتى كورسەتىپ تۇرسا، بىرەر ساعاتتان سوڭ الاي-دۇلەي جەل سوعادى نەمەسە جاڭبىر جاۋادى. ماگنيتتىك داۋىلدار دا كوپ بولىپ جاتىر. وسىنىڭ بارلىعى اسىرەسە سوزىلمالى دەرتپەن اۋىراتىن ادامدارعا كەرى اسەرىن تيگىزىپ جاتىر. سوندىقتان دارىگەرلەرگە تۇسەر سالماق تا كوبەيدى»،- دەيدى سولتۇستىك قازاقستان وبلىستىق جەدەل مەديسينالىق كومەك ورتالىعىنىڭ باس دارىگەرى ماماديار بايعۇلوۆ.

اۋا تەمپەراتۋراسى كوتەرىلگەندە كوپشىلىك جاعاجايعا شىعىپ، كۇنگە قىزدىرىنۋعا اسىعادى. كەيبىرەۋلەر باقشالارىندا جۇمىس ىستەگەندى ٴجون كورەدى. اۋا رايىنا سەزىمتال ادامدارعا دارىگەرلەر ۇيدە وتىرىپ دەمالۋعا كەڭەس بەرەدى.

«كۇن ىسي باستاسا، قان قىسىمىم كوتەرىلەدى. باسىم اينالادى. السىرەپ قالامىن. سوسىن بىردەن ٴدارى ىشۋگە اسىعامىن. اۋا رايى قالىپتى كۇندەرى ٴوزىمدى جاقسى سەزىنەمىن. ٴبىراق سوڭعى كەزدەرى كۇن قۇبىلمالى بولىپ تۇر. ٴتىپتى سينوپتيكتەردىڭ بولجامى دا كەلمەيدى»، - دەيدى پەتروپاۆل قالاسىنىڭ تۇرعىنى ايمان جۇكەنوۆا.

ماماندار ەڭ ماڭىزدىسى اۋرۋدى اسقىندىرىپ الماي، دەنساۋلىققا مۇقيات بولۋ كەرەكتىگىن ەسكەرتەدى. دارىگەرلەر ىستىق كۇندەرى دالادا كوپ جۇرمەۋگە، جەڭىل باس كيىممەن سەرۋەندەۋگە جانە كوپ پايدالى تاعام جەۋگە كەڭەس بەرەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي